شينجياڭدا ەكى جەردە اۋىل شارۋاشىلىعىن جاسىل دامىتۋدا الدىمەن اتقارىلاتىن رايون قۇرىلدى
2022.08.24 16:52 كەلۋ قاينارى : حالىق تورابى
انار بۇلتى – شينجياڭ گازەتىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىنەن ۇعىسۋىنشا، تاياۋدا اۋىل شارۋاشىلىعى جانە اۋىل - قىستاق مينيسترلىگى، مەملەكەتتىك دامۋ جانە رەفورما كوميتەتى، عىلىم - تەحنيكا مينيسترلىگى، قازىنا مينيسترلىگى، جاراتىلىستىق بايلىق مينيسترلىگى، ەكولوگيالىق ورتا مينيسترلىگى، سۋ يگىلىگى مينيسترلىگى، مەملەكەتتىك ورمان - جايىلىم مەكەمەسى سياقتى 8 تاراۋ بىرلەسىپ «3 - توپتاعى مەملەكەتتىك اۋىل شارۋاشىلىعىن جاسىل دامىتۋدا الدىمەن اتقارىلاتىن رايون قۇرۋ تىزىمدىگىن جاريالاۋ جونىندەگى ۇقتىرۋدى» جاريالادى، شينجياڭنان تارباعاتاي ايماعىنىڭ ءدوربىلجىن اۋدانى مەن بيڭتۋان 2 - ديۆيزياسى تيەمىنگۋان قالاسى 25 – پولكى قۇرۋ تىزىمدىگىنە ەنگىزىلدى.
ۇعىسۋعا قاراعاندا، اۋىل شارۋاشىلىعىن جاسىل دامىتۋ ‐ اۋىل - قىستاقتى گۇلدەندىرۋ ستراتەگياسىن اتقارۋدىڭ ماڭىزدى مازمۇنى، مەملەكەتتىڭ اۋىل شارۋاشىلىعىن جاسىل دامىتۋدىڭ الدىمەن اتقارىلاتىن رايونى ‐ اۋىل شارۋاشىلىعىنىڭ جاسىل دامۋىن ىلگەرىلەتۋدەگى جالپىلىق سىناق، ۇلگى كورسەتۋ تۇعىرى. وسى رەت تاڭدالعان ەكى جەر سوڭعى جىلداردان بەرى اۋىل شارۋاشىلىعىنىڭ جاسىل دامۋىن ىلگەرىلەتۋ جاعىندا ءتيىمدى ىزدەنىستەر جاسادى. ءدوربىلجىن اۋدانىن مىسالعا الساق، جەرگىلىكتى ورىن اۋىل شارۋاشىلىعىنىڭ جاسىل دامۋىن بەلسەنە ىلگەرىلەتىپ، 800 مىڭ مۋ جوعارى ولشەمدى ەگىس اتىزىن قۇرىپ، توپىراق قۇرامىن ولشەپ، تىڭايتقىش بەرۋ كولەمىن ءبىر ميلليون 618 مىڭ مۋعا، سۋ مەن تىڭايتقىشتى ءبىر تۇلعالاندىرىپ پايدالانۋ كولەمىن ءبىر ميلليون 600 مىڭ مۋعا جەتكىزىپ، اۋىل شارۋاشىلىق دارىلەرىن ارتتىرماي، اۋرۋدان ساقتانىپ، زياندى جاندىكتەردى تىزگىندەۋ قابىلەتىن ۇزدىكسىز جوعارىلاتىپ، جاسىل ساقتانۋ - تىزگىندەۋ قامتىمىن %42 كە، اۋىل شارۋاشىلىق ونىمدەرىنىڭ ساپا حاۋىپسىزدىگىن داعدىلى باقىلاۋ - تەكسەرۋدىڭ جالپى تۇلعالىق تولىمدىلىق مولشەرىن %100 كە جەتكىزدى.
وسى رەت الدىمەن اتقارىلاتىن رايون قۇرۋ تىزىمدىگىنە ەنگەننەن كەيىن، ەكى جەر مەملەكەت ساياساتىنىڭ قولداۋىندا، جاسىل دامۋدى جەتەكشى ەتىپ، ەكولوگيالىق ورتا قۇرىلىسى مەن اۋىل شارۋاشىلىعىنىڭ جوعارى ساپالى دامۋىن سايكەستى ىلگەرىلەتىپ، الدىمەن اتقارىلاتىن رايوندى جاسىل تەحنيكا سىناق رايونى، جاسىل تۇزىمدە جاڭالىق اشۋ رايونى، جاسىل دامۋدى باقىلاۋ ءتۇيىنى ەتىپ قۇرىپ، شينجياڭ اۋىل شارۋاشىلىعىنىڭ جاسىل دامۋىنىڭ تيپىن وزگەرتىپ، دارەجەسىن جوعارىلاتۋدا جەتەكشىلىك رول اتقارادى.
سونىمەن بىرگە، ءار دارەجەلى اۋىل شارۋاشىلىعى جانە اۋىل - قىستاق، دامۋ، رەفورما، عىلىم - تەحنيكا، قازىنا، جاراتىلىستىق بايلىق، ەكولوگيالىق ورتا، سۋ يگىلىگى، ورمان - جايىلىم سياقتى تاراۋلار مەن ورىندار سەلبەستىكتى كۇشەيتىپ، تىعىز سايكەسىپ، نازاردى ماڭىزدى تۇيىنگە شوعىرلاندىرىپ، اۋىل شارۋاشىلىق قوسىلىمدارىنىڭ مولشەرىن ازايتىپ، ونىمدىلىگىن ارتتىرۋدى، جاراقسىز زاتتاردى بايلىققا اينالدىرىپ پايدالانۋدى، اۋىل شارۋاشىلىق بايلىعىنان شوعىرلى پايدالانۋدى، كاسىپ تىزبەگىنىڭ تومەن كومىرتەكتى اينالىمىن ارقاۋ ەتىپ، تۇرلىشە وڭىرگە، ەكولوگيالىق تيپكە، جەتەكشى سورتقا ۇيلەسەتىن جاسىل دامۋ ۇلگىسىن قاراستىرادى. سونىمەن بىرگە، ساياساتتىق قامداۋدى ونان ارى ساپالىلاندىرىپ، قارجى، دارىندى، تەحنيكا سياقتى بايلىق فاكتورلارىن الدىمەن ىسكە قوسىلعان وڭىرلەرگە شوعىرلانۋعا جەتەكتەپ، قۇرۋ قىزمەتىندە ناقتى ونىمدىلىككە قول جەتكىزۋگە كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
