يزرايلدىڭ وڭتۇستىگىندەگى شولدەن شامامەن 1200 جىلدىڭ الدىنداعى «سالتاناتتى سارايدىڭ» جۇرتى بايقالدى
2022.08.26 15:43 كەلۋ قاينارى : حالىق تورابى
سۋرەتتە: ارحەولوگتار يزرايلدىڭ وڭتۇستىگىندەگى نەگەۆ شولىندە قازبا جۇمىستارىن جۇرگىزۋ بارىسىندا بايقالعان «سالتاناتتى سارايدىڭ» جۇرتىندا جۇمىس ىستەۋدە. شينحۋا اگەنتتىگى (جيلل كوۋەن ماگان فوتوسى)
يزرايل مادەني مۇرالار مەكەمەسىنىڭ 8 – ايدىڭ 23 – كۇنگى مالىمەتىنە قاراعاندا، ارحەولوگتار اتالعان ەلدىڭ وڭتۇستىك بولىگىندەگى نەگەۆ شولىندەگى قازبا جۇمىستارى بارىسىندا بايىرعى زامانداعى «سالتاناتتى سارايدىڭ» جۇرتىن بايقاعان، بۇل قۇرىلىس شامامەن 1200 جىلدىڭ الدىندا سالىنعان.
مالىمدەمەدە بىلاي دەلىنگەن: بۇل جۇرتتاعى قۇرىلىس شوعىرىنىڭ نەگىزگى تۇلعاسىنىڭ اينالاسىندا 4 قانات بولىپ، ولار ورتالىقتاعى اۋلانى اينالدىرا سالىنعان، كوپتەگەن بولمەلەر ورنالاستىرىلعان. مۇندا ءبىر قاناتتاعى ۇلكەن زالعا مراموردان جانە تاستان ەدەن جاتقىزىلعان، قابىرعالارى سۋرەتپەن بەزەندىرىلگەن، ونىڭ قىزىل، سارى، كوك، قارا ءتۇستى سىنىقتارى تابىلعان. ارحەولوگتار بولمەنىڭ ىشىنەن پەشەتتەلمەگەن مەشتى بايقاعان، تاماق جاساۋعا پايدالانىلعان بولۋى مۇمكىن. مۇنان سىرت، ءساندى اشەكەيلەنگەن اينەك سىنىقتارى دا بىرگە قازىپ الىنعان، بۇل تاماق سالۋعا ارنالعان ىدىس بولۋى مۇمكىن.
ارحەولوگيا قىزمەتكەرلەرى ورتالىق اۋلانىڭ جەر استىنان بىرنەشە جەردەن تاستان جاسالعان 5.5 مەتر تەرەڭدىكتەگى كۇردەلى ۇرانى بايقاعان، ونىڭ بيىكتىگى شامامەن 2.5 مەتر، ءبىر جەردەگى اشىق اۋزىنىڭ تەرەڭدىگى 3 مەتر كەلەتىن تاس قۇرىلىمدى سۋ ساقتاۋ كولشىگىمەن تۇتاسادى. تۇجىرىمداۋعا قاراعاندا، بۇل ۇرالاردىڭ قۇرىلىمى كەمەلدى، مۇنان دا كوپ جەر استى قۇرىلىستارى شوعىرىمەن تۇتاسىپ جاتقان بولۋى مۇمكىن. ۇرالار ءبىرشاما تومەن تەمپەراتۋرادا ازىق – تۇلىكتەردى ساقتاۋ سىندى ماقساتتارعا پايدالانىلعان بولۋى مۇمكىن.
مالىمدەمەدە بىلاي دەلىنگەن: ۇرالاردىڭ تىرەك سيپاتىنداعى دوعاشا قۇرىلىمى تۇرعىنداردىڭ جەر استىندا حاۋىپسىز دە جايلى ارەكەتتەنۋىنە، شىجىعان ىستىقتان ساقتانۋىنا، سونىمەن بىرگە، ىرگەدەگى سۋ ساقتاۋ كولشىگىندەگى سۋىق سۋدان ىشۋىنە مۇمكىندىك بەرەدى. ارحەولوگتار ۇرانىڭ ەدەنىنەن ساز بالشىقتان جاسالعان ماي شامنىڭ سىنىقتارىن تاۋىپ العان، ونى قاراڭعى ۇرانى جارىقتاندىرۋ ماقساتىندا پايدالانعان بولۋى مۇمكىن، بۇل تۇرعىنداردىڭ بۇل ارادا ارەكەتتەنگەنىن ىسپاتتايدى.
ارحەولوگتاردىڭ تۇجىرىمداۋىنشا، بۇل جۇرتتىڭ سول كەزدەگى يەسى قوعامدىق ورنى ءبىرشاما جوعارى، داۋلەتتى ادام بولعان، سوندىقتان دا وسىنداي «سالتاناتتى ساراي» سالىپ وتىرۋعا جانە كوڭىل اشۋعا جاعدايى جار بەرگەن بولۋى مۇمكىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
