شي جينپيڭ كورەيانىڭ زۇڭتۇڭى يىن شييۋەمەن جۇڭگو مەن كورەيانىڭ ديپلوماتيالىق قاتىناس ورناتقانىنىڭ 30 جىلدىعى بايلانىسىمەن ءوزارا قۇتتىقتاۋ حاتىن جولدادى
لي كىچياڭ كورەيانىڭ مەملەكەت ىستەرى زۇڭليى حان دىجۋمەن ءوزارا قۇتتىقتاۋ تەلەگرامماسىن جولدادى
2022.08.25 16:38 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 24 - كۇنى، بەيجيڭ. 8 - ايدىڭ 24 - كۇنى مەملەكەت ءتوراعاسى شي جينپيڭ كورەيانىڭ زۇڭتۇڭى يىن شييۋەمەن ءوزارا قۇتتىقتاۋ حاتىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن كورەيا − تەڭىز ءبولىپ جاتقان ماڭگىلىك كورشىلەر، ەكى ەل حالقىنىڭ دوستىق بارىس - كەلىسى ارىدان باستاۋ الادى. جۇڭگو مەن كورەيا ديپلوماتيالىق قاتىناس ورناتقان 30 جىلدان بەرى ەكى جاقتىڭ بىرگە قۇلشىنۋىندا، جۇڭگو - كورەيا قاتىناسى داۋىرمەن بىرگە العا باسىپ، جان - جاقتى دامىپ، سۇبەلى تابىستارعا قول جەتكىزىپ، ەكى ەلگە جانە ەكى ەل حالىقتارىنا زور باقىت جاراتتى، سونداي - اق ءوڭىردىڭ، ءتىپتى، دۇنيە ءجۇزىنىڭ بەيبىتشىلىگى مەن دامۋىنا ماڭىزدى ۇلەس قوستى.
شي جينپيڭ بىلاي دەپ اتاپ كورسەتتى: 30 جىلدا ۇلى وزگەرىستەر تۋىلىپ، 30 جىل بويى كوكتەمدە گۇلدەپ، كۇزدە ماۋەلەگەندەي تابىسقا جەتتىك. جۇڭگو - كورەيا قاتىناسىنىڭ شۇعىلالى دامۋ جەتىستىكتەرىنە قول جەتكىزۋىندەگى سەبەپ، ەكى جاقتىڭ بيىكتە تۇرىپ الىسقا كوز جىبەرۋدە تاباندى بولىپ، ءداۋىردىڭ دامۋ اعىمىنا سايكەسىپ، ەكى جاقتى قاتىناسقا ۇزدىكسىز جاڭا داۋىرلىك ءمان قوسقانىنان بولدى؛ ەكى جاقتىڭ ءوزارا قۇرمەت ەتۋدە، ءوزارا سەنىم ارتۋدا تاباندى بولىپ، ءبىر - ءبىرىنىڭ وزەكتى مۇددەسى مەن نازار اۋدارىپ وتىرعان كەلەلى ىستەرىنە كوڭىل ءبولىپ، شىنايى قاتىناس ارقىلى ءتۇسىنىسۋ مەن سەنىمدىلىكتى ارتتىرۋىنان بولدى؛ ەكى جاقتىڭ سەلبەسىپ تەڭ يگىلىككە كەنەلۋدە تاباندى بولىپ، ءوزارا ءتيىمدى سەلبەستىك پەن اۋىس - كۇيىستى، ءوزارا ۇلگى الۋدى تەرەڭدەتىپ، ءوزارا تابىسقا جەتىپ، بىرگە گۇلدەنۋدى جۇزەگە اسىرۋىنان بولدى؛ ەكى جاقتىڭ ەسىك اشۋدا، سيىسىمدى بولۋدا تاباندى بولىپ، ءوڭىردىڭ بەيبىتشىلىگى مەن ورنىقتىلىعىن تىزە قوسا قورعاپ، ءوڭىردىڭ توعىسپالى دامۋىن جەبەپ، حالىقارالىق قاتىناستىڭ نەگىزگى ولشەمىن قورعاۋىنان بولدى. وسى قۇندى تاجىريبەلەر ءبىزدىڭ بارىنشا قاستەرلەۋىمىزگە جانە وندا ۇزاق ۋاقىت تاباندى بولۋىمىزعا تاتيدى.
شي جينپيڭ بىلاي دەپ دارىپتەدى: قازىر 100 جىلدىق وزگەرىس جاعدايى مەن عاسىرلىق ىندەت توعىسىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. وسى شەشۋشى ساتتە جۇڭگو مەن كورەيانى قامتىعان حالىقارالىق قوعام تار جول، تايعاق كەشۋلەردەن بىرگە ءوتىپ، ىنتىماقتاسا سەلبەسكەندە عانا داعدارىستى جەڭىپ، قيىن وتكەلدەن وتە الادى. جۇڭگو مەن كورەيا تاتۋ كورشى، ابزال دوس، سەنىمدى سەرىك بولۋى كەرەك. مەن جۇڭگو - كورەيا قاتىناسىنىڭ دامۋىنا ايرىقشا ءمان بەرەمىن، يىن شييۋە زۇڭتۇڭمەن ستراتەگيالىق بايلانىستى كۇشەيتىپ، جۇڭگو مەن كورەيانىڭ ديپلوماتيالىق قاتىناس ورناتقانىنىڭ 30 جىلدىعىن جاڭا باستاما ەتىپ، اۋقىمدى يگەرىپ، كەدەرگىلەردى الاستاپ، دوستىقتى بەكەمدەپ، نازاردى سەلبەستىككە شوعىرلاندىرىپ، ەكى ەل قاتىناسىنىڭ اناعۇرلىم كوركەم بولاشاعىن بىرگە جاراتىپ، ەكى ەل مەن ەكى ەل حالىقتارىنا ءتىپتى دە زور باقىت جاراتۋعا پەيىلمىن.
يىن شييۋە قۇتتىقتاۋ حاتىندا كورەيا مەن جۇڭگونىڭ ديپلوماتيالىق قاتىناس ورناتقانىنىڭ 30 جىلدىعىن قىزۋ قۇتتىقتادى. ول مىنانى ءبىلدىردى: كورەيا مەن جۇڭگونىڭ جەرى جاقىن، تاريحي مادەنيەت دانەكەرى ۇزاق. 1992 - جىلى ديپلوماتيالىق قاتىناس ورناتقاننان بەرى ەكى جاقتىڭ ساياسي، ەكونوميكا، مادەنيەت سياقتى سالالارداعى سەلبەستىگى قارىشتاپ دامىدى، ەكى ەلدىڭ ستراتەگيالىق سەلبەستىك سەرىكتەستىك قاتىناسى ۇزدىكسىز بەكەمدەلدى. ەكى ەلدىڭ جىلدىق ساۋدا سوماسى 50 ەسەگە جۋىق ارتتى، ادامداردىڭ بارىس - كەلىسى نەشە ون ەسە ارتتى، باي مازمۇندى مادەنيەت اۋىس - كۇيىسى ەكى ەل حالىقتارىنىڭ ءوزارا ءتۇسىنىسۋىن كۇشەيتتى. بۇل − نەگىزىنەن ەكى ەلدىڭ ءار سالاسىنداعىلاردىڭ قۇلشىنۋىنىڭ جانە حالىقتارىنىڭ قولداۋىنىڭ ارقاسى. ءتوراعا شي جينپيڭ ەكەۋىمىز 3 - ايدىڭ 25 - كۇنى تەلەفوندا سويلەسكەندە، ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن وراي ەتىپ، كورەيا - جۇڭگو قاتىناسىنىڭ جاڭا دامۋدى جۇزەگە اسىرۋىن ىلگەرىلەتۋ جونىندە ماڭىزدى ورتاق تانىمعا كەلدىك. ەكى جاقتىڭ ءوزارا قۇرمەت ەتۋ رۋحىن نەگىز ەتىپ، جاڭا سەلبەستىك بەتالىسى جونىندە ىزدەنىس جاساپ، ەكى ەل قاتىناسىنىڭ اناعۇرلىم تولىسقان، اقاۋسىز باعىتقا قاراي دامۋىن ىلگەرىلەتۋىن ءۇمىت ەتەمىن. سوندىقتان ەكى جاقتىڭ جوعارى جىكتەگىلەردىڭ بارىس - كەلىسىن جيىلەتىپ، قامداۋ تىزبەگى سياقتى ەكونوميكالىق حاۋىپسىزدىك جانە قورشاعان ورتا، كليمات وزگەرىسى سياقتى سالالارداعى ماندىك سەلبەستىكتى كۇشەيتىپ، ەكى ەل حالىقتارى شىنايى سەزىنەتىن جەتىستىكتەرگە قول جەتكىزۋىن ىلگەرىلەتۋىن ءۇمىت ەتەمىن. ديپلوماتيالىق قاتىناس ورناتۋدىڭ 30 جىلدىعىن ەسكە ءتۇسىرۋ قيمىلىنىڭ ەكى ەلدىڭ اۋىس - كۇيىسىن، سەلبەستىگىن ونان ارى جەبەپ، ەكى ەل حالىقتارى اراسىنداعى دوستىقتى تەرەڭدەتۋىن ءۇمىت ەتەمىن.
وسى كۇنى مەملەكەتتىك كەڭەستىڭ زۇڭليى لي كىچياڭ كورەيانىڭ مەملەكەت ىستەرى زۇڭليى حان دىجۋمەن ءوزارا قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: جۇڭگو مەن كورەيا − مىزعىماس ماڭگىلىك جاقىن كورشىلەر ءارى بولىنبەيتىن سەلبەستىك سەرىكتەر. جۇڭگو جاق كورەيا جاقپەن بىرگە ديپلوماتيالىق قاتىناس ورناتۋدىڭ 30 جىلدىعىن تىڭ باستاما ەتىپ، ءتۇسىنىسۋدى، ءوزارا سەنىمدىلىكتى ارتتىرىپ، اۋىس - كۇيىستى، سەلبەستىكتى تەرەڭدەتىپ، جۇڭگو مەن كورەيانىڭ ستراتەگيالىق سەلبەستىك سەرىكتەستىك قاتىناسىنىڭ اقاۋسىز، ورنىقتى دامۋىن ىلگەرىلەتىپ، تىڭ دا اناعۇرلىم زور تابىستارعا قول جەتكىزۋگە پەيىل. حان دىجۋ مىنانى ءبىلدىردى: كورەيانىڭ جاڭا ۇكىمەتى قۇرىلعاننان بەرى كورەيا مەن جۇڭگو تىعىز قاتىناستى، اۋىس - كۇيىستى ساقتاپ كەلەدى. ەكى جاقتىڭ جوعارى جىكتەگىلەردىڭ بارىس - كەلىسىن اناعۇرلىم جانداندىرىپ، قامداۋ تىزبەگى، مادەنيەت، قورشاعان ورتانى قورعاۋ سياقتى سالالارداعى سەلبەستىكتى كۇشەيتىپ، ەكى ەلدىڭ ەركىن ساۋدا كەلىسىمىنىڭ 2 - كەزەڭدىك كەلىسسوزىن جەدەل ىلگەرىلەتىپ، ەكى ەل قاتىناسىنىڭ اناعۇرلىم جاقسى دامۋىن ىلگەرىلەتۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
