اسكەرگە قابىلداعاندا تەحنيكالىق عىلىمدار سالاسىنداعى ستۋدەنتتەردى الدىمەن قابىلدايدى
2022.08.26 16:19 كەلۋ قاينارى : حالىق تورابى
8 – ايدىڭ 25 – كۇنى تۇستەن كەيىن، قورعانىس مينيسترلىگى كەزەكتى تىلشىلەر جينالىسىن وتكىزدى، قورعانىس مينيسترلىگى اقپارات مەكەمەسىنىڭ ورىنباسار باستىعى، قورعانىس مينيسترلىگىنىڭ اقپارات مالىمدەمەشىسى تان كىفي داشياۋ تىلشىلەردىڭ سۇراۋىنا جاۋاپ بەردى.
ءتىلشى: حابارعا قاراعاندا، 2022 – جىلدىڭ سوڭعى جارتىسىنداعى اسكەرگە قابىلداۋ قىزمەتى تاياۋدا جاپپاي ورىستەتىلگەن. اسكەرگە قابىلداۋ قىزمەتىنە قاتىستى احۋالداردى ىشكەرىلەي تانىستىرساڭىز، بۇل رەتكى اسكەرگە قابىلداۋ قىزمەتىندە قانداي جاڭا ەرەكشەلىكتەر، جاڭا ساياساتتار بار؟
تان كىفي: مەملەكەتتىك كەڭەستىڭ، ورتالىق اسكەري ىستەر كوميتەتىنىڭ اسكەر قابىلداۋ بۇيرىعىنا ساي، بيىل ءبىر جىلدا ەكى رەت اسكەر الۋ جالعاستى اتقارىلادى، مۇنىڭ ىشىندە سوڭعى جارىم جىلداعى اسكەر الۋ قىزمەتى 8 – ايدىڭ 15 – كۇنى باستالدى، 9 – ايدىڭ ورتا شەنىنەن باستاپ جاڭا اسكەرلەردى تاسۋ قىزمەتى باستالادى، 9 – ايدىڭ سوڭىندا اياقتايدى. جەر - جەردىڭ ىندەتتەن ساقتانۋ جانە ونى تىزگىندەۋدىڭ ءىس جۇزىندىك جاعدايىنا قاراي قىزمەت ۋاقىتىن لايىقتى ىلگەرىلەتۋگە نەمەسە كەشەۋىلدەتۋىنە بولادى. اسكەرگە قابىلداۋدا ستۋدەنتتەر نەگىز ەتىلەدى، ءار دارەجەلى، ءار ءتۇرلى مەكتەپتەردەن وقۋ تاۋىسقان ستۋدەنتتەردى قابىلداۋدى كورنەكتىلەندىرىپ، تەحنيكالىق عىلىمدار سالاسىنداعى ستۋدەنتتەر مەن سوعىسقا دايىندالۋعا، سوعىس جۇرگىزۋگە قاجەتتى تەحنيكالىق دارىندىلاردىڭ اسكەرگە قابىلدانۋىن الدىمەن بەكىتەدى. جاڭا اسكەرلەردى قابىلداۋدىڭ ساياسي شارت - جاعدايى مەن تۇلعالىق شارت - جاعدايى جەكە - جەكە «ارميانىڭ اسكەرگە الاتىن جانە قابىلدايتىن ادامداردىڭ ساياسي باعالاۋ بەلگىلەمەسى»، «اسكەرگە قابىلداناتىن ازاماتتاردىڭ دەنساۋلىعىن تەكسەرۋ ولشەمى» سياقتى قاتىستى بەلگىلەمەلەر بويىنشا اتقارىلادى، مۇنىڭ ىشىندە اسپيرانت بىتىرگەن وقۋشىلار مەن وقىپ جاتقان وقۋشىلاردى اسكەرگە قابىلداۋدا جاس شاماسى 26 جاسقا دەيىن كەڭەيتىلەدى. سونىمەن بىرگە، ارميانىڭ قاتىستى تاراۋلارى ستۋدەنتتەردىڭ اسكەرگە قابىلدانعاندا وقۋ ارحيۆىن ساقتاپ قالۋ نەمەسە وقۋعا ءتۇسۋ تولىمدىلىعىن ساقتاپ قالۋ، مەملەكەتتىڭ وقۋ - اعارتۋعا قارجىلاي كومەك بەرۋ جانە قوسىننان شەگىنگەننەن كەيىن وقۋىن قالپىنا كەلتىرۋ، ماماندىعىن اۋىستىرۋ، ەمتيحانسىز «تولىق كۋرسكە ءتۇسۋ»، اسپيرانتتىققا ەمتيحان بەرگەندەرگە ءنومىر قوسۋ سياقتى جەلىلەس ءتيىمدى ساياساتتاردى ۇزدىكسىز اتقارىپ، جوعارى ساپالى جاستاردى بەلسەنە اسكەرگە تىزىمدەلۋگە شابىتتاندىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
