تاڭشانداعى ادام ۇرۋ دەلوسىن تەكسەرىپ ايىپتاۋ جاعدايى جونىندەگى ەڭ جاڭا حابارلاندىرۋ
2022.08.29 13:39 كەلۋ قاينارى : حالىق تورابى
8 – ايدىڭ 29 – كۇنى، حىبەي ولكەلىك حالىق پروكۋراتۋراسى چىن Xجى قاتارلى سۇرقيا كۇش ۇيىمىنىڭ زاڭعا قايشى قىلمىستىق دەلوسىن تەكسەرۋ ايىپتاۋ جاعدايى جونىندەگى حابارلاندىرۋدى جاريالادى.
حابارلاندىرۋدىڭ تولىق مازمۇنى تومەندەگىدەي:
2022 ـ جىلى 8 ـ ايدىڭ 11 ـ كۇنى، چىن Xجى قاتارلى سۇرقيا كۇش ۇيىمىنىڭ زاڭعا قايشى قىلمىستىق دەلوسىن حىبەي ولكەسى لاڭفاڭ قالالىق قوعام حاۋىپسىزدىگى مەكەمەسى گۋاڭياڭ بولىمشە مەكەمەسى بارلاپ اياقتاتىپ، لاڭفاڭ قالاسى گۋاڭياڭ رايوندىق حالىق پروكۋراتۋراسىنىڭ تەكسەرىپ ايىپتاۋىنا تاپسىردى. تاياۋدا لاڭفاڭ قالاسى گۋاڭياڭ رايوندىق حالىق پروكۋراتۋراسى لاڭفاڭ قالاسى گۋاڭياڭ رايوندىق حالىق سوت مەكەمەسىنە زاڭ بويىنشا الەۋمەتتىك ايىپتاما بەردى.
پروكۋراتۋرا ورگانى تەكسەرۋ ارقىلى مىنانى انىقتادى: 2022 – جىلى 6 – ايدىڭ 10 – كۇنى ساعات 2 دەن 40 مينۋت وتكەندە، چىن Xجى، ما Xچي، ليۋ X1، چىن Xلياڭ، لي X1، شىن Xجۇن، لي Xرۇي جانە ليۋ X2، جياڭ Xپيڭ (ەكەۋى ايىپتاماي ءبىر جاقتى ەتىلدى) تاڭشان قالاسى لۋبەي رايونىنداعى بەلگىلى كاۋاپ دۇكەنىندە تاماقتانعاندا، چىن Xجى دۇكەن ىشىندە قىزمەتتەستەرى لي X، يۋان X، ليۋ XXتەرمەن بىرگە تاماقتانىپ وتىرعان ۋاڭ XXتى مازالايدى، ۋاڭ X Xتىڭ تويتارىسىنا جانە جازعىرۋىنا ۇشىراعاننان كەيىن، چىن Xجى ۋاڭ XXتى ۇرادى، ۋاڭ XX پەن لي XX وعان قارسى تۇرادى، كەيىن چىن Xجى، ما Xچي، ليۋ X1، چىن Xلياڭ، لي X1، شىن Xجۇن بىرگە جەكە – جەكە دۇكەننىڭ ىشىندە، دۇكەننىڭ سىرتىنداعى جول بويىندا، دۇكەننىڭ جانىنداعى تار كوشەنىڭ ىشىندە ۋاڭ XX، لي X، يۋان X، ليۋ XXتى ورىندىقپەن، اراقتىڭ بوتەلكەسىمەن ۇرادى نەمەسە اياقپەن تەپكىلەپ سابايدى. دەلو تۋىلعاننان كەيىن، زيانكەستىككە ۇشىراعان تورتەۋى 120 شۇعىل قۇتقارۋ اۆتوكولىگىمەن شيپاحاناعا جەتكىزىلەدى، مۇنىڭ ىشىندە لي X پەن يۋان X شيپاحانانىڭ تەكسەرۋى ارقىلى شيپاحانادا جاتۋىنىڭ قاجەتى بولماعاندىقتان وزدەرى شيپاحانادان قايتىپ كەتەدى؛ ۋاڭ XX پەن ليۋ XX ادەتتەگى اۋرۋحانا بولمەسىنە جاتقىزىلىپ ەمدەۋگە الىنادى، 7 – ايدىڭ 1 – كۇنى شيپاحانادان شىعادى. زاڭ دارىگەرىنىڭ ساراپتاۋى ارقىلى زيانكەستىككە ۇشىراۋشى ۋاڭ XX پەن ليۋ XXتىڭ جاراقاتى 2 – دارەجەلى جەڭىل جاراقات بولىپ تۇراقتاندىرىلادى، لي X مەن يۋان Xتىڭ جاراقاتى وتە جەڭىل جاراقات بولىپ تۇرقتاندىرىلادى. سونىمەن بىرگە، قوعام حاۋىپسىزدىگى ورگانى زيانكەستىككە ۇشىراۋشىدان سۇراۋ، قىلمىس كۇماندىسىن سۇراققا تارتۋ، ناق مايداندى جان - جاقتىلى تەكسەرىپ دالەل الۋ ارقىلى توراپتا ايتىلعان زيانكەستىككە ۇشىراۋشى 4 ادام باسقىنشىلىققا ۇشىرادى، زياندالۋشىنى قاباتتان لاقتىردى، اۆتوكولىكپەن مىجىدى دەگەن ينفورماتسيالاردىڭ تۇگەلدەي وتىرىك ەكەندىگىن تۇراقتاندىردى.
بۇدان سىرت، قوعام حاۋىپسىزدىگى ورگانى زاڭ بويىنشا ىشكەرىلەي بارلاۋ جۇرگىزىپ، پروكۋراتۋرا ورگانى تەكسەرۋ ارقىلى مىنالاردى انىقتادى: 2012 - جىلدان بەرى، چىن Xجى قاتارلىلار ۇزاق ۋاقىت بىرگە باس قوسىپ، تاڭشان قالاسى سياقتى جەرلەردە زورلىقتى كۇش، قوقان - لوقى جاساۋ سياقتى تاسىلدەرمەن زاڭسىز قاماپ قويۋ، توپتاسىپ توبەلەس شىعارۋ، قاساقانا زاقىمداۋ، قۇمارحانا اشۋ، توناۋ، جاسىرۋ، قىلمىسىن بۇركەمەلەۋ، ينفورماتسيا توراپ قىلىمىستىق ارەكەتىنە كومەكتەسۋ، جاڭجال شىعارۋ سياقتى 11 قىلمىستىق ىستەر قىلمىسىن وتكىزگەن، جاڭجال شىعارۋ، قاساقانا زاقىمداۋ سياقتى 4 اكىمشىلىك زاڭعا قايشى قىلمىس وتكىزگەن، وسىلايشا بىرتىندەپ چىن Xجى باستارىن قوسقان سۇرقيا كۇش ۇيىمى قالىپتاسقان. اتالعان سۇرقيا كۇش ۇيىمى زۇلىمدىق ىستەپ، بۇقارانى باسىنىپ، جەرگىلىكتى ورىننىڭ ەكونوميكالىق، قوعامدىق تۇرمىس ءتارتىبىن ءبۇلدىرىپ، ناشار قوعامدىق ىقپال تۋدىرعان.
لاڭفاڭ قالاسى گۋاڭياڭ رايوندىق حالىق پروكۋراتۋراسى تەكسەرۋ ارقىلى بىلاي دەپ قارادى: چىن Xجى قاتارلى 28 ايىپكەردىڭ قىلمىس فاكتى انىق، دالەل - ىسپاتى شىن، تولىق بولعاندىقتان زاڭ بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك، «جۇڭحۋا حالىق رەسپۋبليكاسىنىڭ قىلمىستىق ىستەر ارىز - شاعىم زاڭىنىڭ» 176 - تارماعىنداعى بەلگىلەمەگە ساي، چىن Xجى قاتارلى ادامدارعا زاڭ بويىنشا الەۋمەتتىك ايىپتاما بەرۋ كەرەك.
دەلونى تەكسەرىپ ايىپتاعان كەزدە، پروكۋراتۋرا ورگاندارى بارلىق دەلو ماتەريالدارىن تەكسەرىپ، قىلمىس كۇماندىسىن سۇراققا تارتىپ، ارىز - شاعىمعا قاتىستى ادامداردىڭ ارىز - شاعىم ۇقىعى مەن بورىشىن ۇقتىردى، اقتاۋشىنىڭ، زيانكەستىككە ۇشىراۋشىنىڭ جانە ونىڭ ارىز - شاعىم جوقشىسىنىڭ پىكىرىن تىڭدادى. كەلەسى قادامدا پروكۋراتۋرا ورگاندارى بۇل دەلونى زاڭ بويىنشا ءادىل اتقارىپ قىلمىستىلاردى زاڭ بويىنشا قاتاڭ جازالاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامنىڭ جاراسىمدىلىعى مەن ورنىقتىلىعىن باتىل قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
