شي جينپيڭ «ليسبون مارۋ» اتتى كەمەدەگى امان قالعانداردىڭ وتباسىنداعىلارعا جاۋاپ حات جازدى
2022.08.29 16:16 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 27 - كۇنى، بەيجيڭ. تاياۋدا مەملەكەت ءتوراعاسى شي جينپيڭ «ليسبون مارۋ» اتتى كەمەدەگى امان قالعانداردىڭ وتباسىنداعىلارعا جاۋاپ حات جازىپ، ولاردى جۇڭگو - انگليا دوستىعى ءۇشىن ۇزدىكسىز بەلسەنە كۇش سالۋعا شابىتتاندىردى، اناعۇرلىم كوپ انگليالىق دوستاردىڭ جۇڭگو - انگليا قاتىناسىنا ۇلەس قوسۋىن ءۇمىت ەتتى.
شي جينپيڭ بىلاي دەپ اتاپ كورسەتتى: 1942 - جىلى جۇڭگو جىجياڭ ولكەسىنىڭ جوۋشانىنداعى بالىقشىلاردىڭ «ليسبون مارۋ» اتتى كەمەدەگى انگليا ارمياسىنىڭ سوعىس تۇتقىندارىن ەرلىكپەن قۇتقارعان اسەرلى ىزگى ءىسى − جۇڭگو مەن انگليانىڭ دۇنيە جۇزىلىك 2 - سوعىستا وداقتاس رەتىندە تىزە قوسا شايقاس جۇرگىزگەنىنىڭ، فاشيستىك شاپقىنشىلىققا بىرگە قارسى تۇرعانىنىڭ ماڭىزدى كۋاسى، سونداي - اق ەكى ەل حالىقتارىنىڭ تەرەڭ سۇيىسپەنشىلىك ورناتۋىنداعى تاريحي ونەگەلى ءىس. مەن بۇل تاريحقا ابدەن قانىقپىن، 2015 - جىلى انگليادا ساپاردا بولعانىمدا وسى اڭگىمەنى ارناۋلى بايانداعان بولاتىنمىن.
شي جينپيڭ بىلاي دەپ دارىپتەدى: بيىل − جۇڭگو مەن انگليانىڭ باس ەلشى دارەجەلى ديپلوماتيالىق قاتىناس ورناتقانىنىڭ 50 جىلدىعى. جارتى عاسىردان بەرى ەكى ەلدەگى سانسىز دوس قايراتكەرلەردىڭ قاجىرلى ەڭبەك كورسەتۋىنىڭ ارقاسىندا جۇڭگو - انگليا قاتىناسى ۇزدىكسىز ىلگەرىلەدى. «ليسبون مارۋ» اتتى كەمەدە امان قالعانداردىڭ وتباسىنداعىلاردىڭ جۇڭگو - انگليا دوستىعىنا ۇزدىكسىز كۇش قوسۋىن ءۇمىت ەتەمىن، ءتىپتى دە كوپ انگليالىق دوستاردىڭ جۇڭگو - انگليا قاتىناسىنىڭ دامۋىنا بەلسەنە ۇلەس قوسۋىن كۇتەمىن.
1942 - جىلى 10 - ايدا جاپون ارمياسى «ليسبون مارۋ» اتتى جولاۋشى، جۇك كەمەسىن پايدالانۋعا الىپ، انگليا ارمياسىنىڭ ءبىر مىڭ 800 دەن استام سوعىس تۇتقىنىن شياڭگاڭنان جاپونياعا اپارا جاتقان جولدا جوۋشان ماڭىنداعى تەڭىز ايدىنىنا كەلگەندە كەمەگە امەريكا ارمياسىنىڭ وعى ءتيىپ، انگليانىڭ 843 سوعىس تۇتقىنى قازا بولادى، انگليانىڭ 384 سوعىس تۇتقىنىن جەرگىلىكتى بالىقشىلار جان قيارلىقپەن قۇتقارىپ قالادى، انگليا ارمياسىنىڭ وفيتسەر - اسكەرلەرى مەن انگليا ۇكىمەتى بۇعان ەرەكشە العىس بىلدىرەدى. ءتوراعا شي جينپيڭ 2015 - جىلى انگليادا ساپاردا بولعان كەزىندە «ليسبون مارۋ» كەمەسىندەگى قۇتقارۋ وقيعاسىن مىسالعا كەلتىرىپ، جۇڭگو - انگليا ەكى ەل حالىقتارىنىڭ سوعىستا ورناتقان دوستىق سۇيىسپەنشىلىگىنىڭ ماڭگى وشپەيتىنىن، ونىڭ ەكى ەل قاتىناسىنىڭ باعالى بايلىعىنا اينالعانىن دارىپتەدى. بىرنەشە كۇننىڭ الدىندا «ليسبون مارۋ» اتتى كەمەدەگى امان قالۋشىلاردىڭ ەڭ سوڭعى كوزى مولليدىڭ قىزى ۋينني ءتوراعا شي جينپيڭگە حات جازىپ، جۇڭگو جاقتىڭ قۇتقارعان جاقسىلىعىنا العىس ايتىپ، انگليا مەن جۇڭگو ەكى ەل حالىقتارىنىڭ ۇرپاقتار بويى دوس بولۋىن باتىل قولدايتىنىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
