بەيجيڭ - تيانجين - حىبەيدىڭ سايكەستى دامۋىنىڭ ءتىپتى دە جوعارى ورەگە كوتەرىلۋى ىلگەرىلەتىلدى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ - وزگەشە 10 جىل)
«حالىق گازەتىنىڭ» ءتىلشىسى ديڭ ي - تيڭ
2022.08.29 16:26 كەلۋ قاينارى : حالىق تورابى
استانانىڭ شىعىس قاناتى، ازياداعى ەڭ ۇلكەن جەر استى ۋنيۆەرسال قاتىناس تورابى − بەيجيڭ قالاسىنىڭ قوسالقى ورتالىق بەكەتىنىڭ ۋنيۆەرسال قاتىناس تورابى قۇرىلىس ورنىندا 10 نەشە قازۋ ماشيناسى ءبىر ۋاقىتتا قازۋ جۇمىسىن ىستەۋدە، بەكەت ۇيلەرىنىڭ ورتالىق رايونى نەگىزگى تۇلعالىق قۇرىلىم قۇرىلىس ساتىسىنا جاپپاي قادام تاستادى.
بوحاي تەڭىزىنىڭ جاعاسىندا تيانجين پورتىنىڭ بەيجياڭ پورت رايونىنداعى تيەۋىش قوراپتى كەمەجايدا 70 تەن استام زەردەلى تاسىمال قۇلتەمىرى ەمىن - ەركىن ءجۇرىپ جاتىر، 42 اۆتوماتتاندىرىلعان رەليستى كوپىر ءبىر - بىرىمەن تۇتاستىرىلۋدا.
بايياڭديان جاعاسىندا «قۇستاردىڭ ىشىندەگى ۇلكەن مىسىق ايۋ» دەپ اتالعان كوك باس ۇيرەك وسى اراعا مەكەندەدى، بايياڭديانداعى جابايى قۇستار 237 تۇرگە جەتتى.
...
«بەيجيڭ - تيانجين - حىبەيدى سايكەستىرە دامىتۋدىڭ ءمانى زور، بۇل ماسەلە جونىندەگى تانىمدى مەملەكەتتىڭ ستراتەگيالىق دەڭگەيىنە كوتەرۋ كەرەك». 2014 - جىلى 2 - ايدا باس شۋجي شي جينپيڭ بەيجيڭدە اڭگىمە ءماجىلىسىن باسقارىپ اشىپ، بەيجيڭ - تيانجين - حىبەيدى سايكەستىرە دامىتۋ قىزمەتى جونىندەگى مالىمەتتى ارناۋلى تىڭداپ، بەيجيڭ - تيانجين - حىبەيدى سايكەستىرە دامىتۋدى كەلەلى مەملەكەتتىك ستراتەگيا دەپ العا قويدى.
8 جىلدان استام ۋاقىتتان بەرى باس شۋجي شي جينپيڭنىڭ تىكەلەي جوسپارلاۋىندا، تىكەلەي ورنالاستىرۋىندا، تىكەلەي ىلگەرىلەتۋىندە بەيجيڭ - تيانجين - حىبەيدىڭ سايكەستى دامۋىندا كورنەكتى ونىمدىلىككە قول جەتكىزىلىپ، اناعۇرلىم جوعارى دەڭگەيگە قادام تاستالدى.
شيۇڭ - ان جاڭا رايونى قۇرىلىسىندا جاڭا وبراز ايگىلەندى
«ءۇيدى اشەكەيلەتىپ الدىم، تازا ءارى جايلى بولدى، ەڭ قولايلىسى، 15 مينۋت ىشىندە كوكونىس بازارىنا بارا الامىز». بىلتىر جىل سوڭىندا 50 نەشە جاستاعى جوۋ جىچۋان مەن ايەلى شيۇڭ - ان جاڭا رايونى رۇڭدۇڭ اۋماعىنىڭ ورنالاستىرۋ ۇيىنە كوشىپ كىردى، 90 شارشى مەترلىك 3 بولمەلى ۇيگە ولار ءدان ريزا بولدى، ول تاعى: «ۇلىمىز بەن كەلىنىمىزگە دە ءبىر ءۇي بەرىلدى، ولار قايتىپ كەلىپ يگىلىك جاراتۋعا بەكىدى، ءبىر ءۇيلى جا ءبىر اراعا جينالاتىن بولدىق!» دەدى.
تاقىر دالادا قاتار - قاتار عيماراتتار بوي كوتەردى، رۇڭدۇڭ اۋماعىنداعى جاڭا ۇيلەرگە 3 توپتا 60 مىڭعا جۋىق بۇقارا كوشىپ كىردى، قۇرىلىس جۇرگىزۋگە قاتىناسقان جۇڭگو قۇرىلىس 8 - مەكەمەسى رۇڭدۇڭ اۋماعى C گرۋپپاسى ۇيگە ورنالاستىرۋ نىسانىنىڭ جاۋاپتىسى چىن شۇيدۇڭ بىلاي دەپ تانىستىردى: «قۇرىلىستىڭ قاۋىرت مەزگىلىندە 87 مۇنارا كراندى ىسكە قوستىق، 16 مىڭ جۇمىسشى جاپا - ماشاقاتپەن شايقاس جاساپ، 147 كورپۋس تۇرعىن ءۇيدى 120 كۇندە تۇگەلدەي سالىپ بولدى. شيۇڭ - ان ءار كۇنى جاڭا بەينەگە ەنىپ جاتىر».
«مىڭ جىلدىق ۇلى جوسپار، مەملەكەتتىڭ ءىرى ءىسى». 2017 - جىلى 4 - ايدىڭ 1 - كۇنى ج ك پ ورتالىق كوميتەتىنىڭ، مەملەكەتتىك كەڭەستىڭ حىبەي شيۇڭ - ان جاڭا رايونىن قۇرۋدى ۇيعارعانى جونىندەگى حابار جاريالاندى. وسى جوبانىڭ كولەمىندەگى ءبىر مىڭ 770 شارشى كيلومەتر جەردە ءبىر توپ كەلەلى ينجەنەريا - نىسان تياناقتانىپ، تامىر تارتىپ، شيۇڭ - ان جاڭا رايونى قۇرىلىسى جوعارى ولشەممەن، جوعارى ساپامەن ىلگەرىلەتىلدى.
قاتىناس ءتىپتى دە قولايلى بولدى. بەيجيڭ - شيۇڭ - ان قالا ارالىق تەمىر جولى تۇتاس لەنيا بويىنشا ىسكە قوسىلدى، شيۇڭ - ان جاڭا رايونى بەيجيڭدەگى ءبىر ساعاتتىق قاتىناس شەڭبەرىنە ەنگىزىلدى، «رەليستەگى بەيجيڭ - تيانجين - حىبەيدىڭ» جاڭا جەلىسى قوسىلدى. بەيجيڭ - شيۇڭ - ان جوعارى قارقىندىق تاس جولىنىڭ حىبي بولەگى، رۇڭچڭ - ۋ -حاي جوعارى قارقىندىق تاس جولىنىڭ جاڭا لەنياسى سياقتى ينجەنەريالار سالىنىپ، پويەز قاتىنادى، شيۇڭ - ان جاڭا رايونىنىڭ «ءتورت بويلىق، ءۇش ەندىك» سىرتقى جوعارى قارقىندىق تاس جولىنىڭ تىرەكتى جول تورابى جاپپاي قالىپتاستى.
قۇرىلعىلار اناعۇرلىم كەمەلدەندى. قالا اكىمشىلىگىنىڭ سايكەستى نەگىزدىك قۇرىلعى قۇبىر جەلىسى جەر استى جالپىلىق قۇبىر دالىزىنە شوعىرلانعان، ورمەكشى تورى ۇلگىسىندەگى كابەلدەردىڭ قاراسى كورىنبەيدى، زەردەلى جول شىراعى، زەردەلى قۇدىق قاقپاعى كەز كەلگەن جەردەن كەزدەسەدى، شيۇڭ - ان جاڭا رايونى جوعارى باستامادا قۇرىلىس جۇرگىزدى.
قورشاعان ورتا اناعۇرلىم جايلى بولا ءتۇستى. 5 جىلدان استام ۋاقىتتان بەرى شيۇڭ - ان جاڭا رايونىنىڭ ورمانمەن كومكەرىلۋ شاماسى %11 تەن %32 كە جوعارىلادى؛ بايياڭدياندا 2021 - جىلى تۇتاس تۇلعالىق سۋ ساپاسى Ⅲ تۇرگە جەتتى، تۇتاس اعارداعى 30 مىڭنان استام «بىتىراڭقى، بىلىققان، لاستانعان» كاسىپورىن كۇشىنەن قالدىرىلىپ، 13 مىڭ زاڭسىز لاس زاتتاردى ىعىستىرۋ اۋزى بۇكىلدەي توسىلدى. جاسىل جەلەك جامىلعان، سۋ مەن قالا ءبىر تۇلعالانعان كوركەم كورىنىس قالىپتاستى.
شيۇڭ - ان جاڭا رايونىنداعى قاتىستى جاۋاپتى جولداس مىنانى ءبىلدىردى: «بيىل شيۇڭ - ان جاڭا رايونى قۇرىلىسىندا كوركەمدىك تانىتىپ، وبراز بەينەلەپ، شيۇڭ - اندى ساپالى دامۋدى ىلگەرىلەتۋدىڭ مەملەكەتتىك ۇلگىسى ەتىپ قۇرىپ شىعۋعا قۇلشىنامىز».
بەيجيڭ قالاسىنىڭ استاناعا جاتپايتىن فۋنكتسياسىن سەيىلتۋدە تىڭ تابىستارعا قول جەتتى
«وتكەن ءبىر جىلدان استام ۋاقىت كاسىپورىننىڭ دامۋى ەڭ تەز كەزەڭ بولدى. بىزدە دۇنيە جۇزىندەگى 500 ەگەي كاسىپورىننىڭ قاتارىنداعى كوپتەگەن قاريدار بار بولدى، كاسىپ كولەمىمىز ۇزدىكسىز كەڭەيدى». ليانحۇي زەردەلى جاساۋ كاسىبى بىلتىر تيانجين بينحاي - جۇڭگۋانسۇن عىلىم - تەحنيكا باقشاسىنا ىرگە تەپتى ءارى كاسىپورىننىڭ زەرتتەۋ - اشۋ باس شتابىن قۇردى. سەرىكتەستىكتىڭ جاۋاپتىسى جاۋ فۋحاي بىلاي دەپ تانىستىردى: باقشا رايونى قامداعان ءبىلىم مەنشىك ۇقىعىن قورعاۋعا قىزمەت وتەۋ كاسىپورىننىڭ دامۋىنا ناقتى قولايلىلىق تۋدىردى، «بۇرىن جاڭا ونىمدەردىڭ تاپقىرلىق پاتەنتىن مالىمدەۋگە كەمىندە 3 جىل ۋاقىت كەتىپ، جوعارى عىلىم - تەحنيكا كاسىپورىندارى مۇنى شىنىندا توسا المايتىن؛ باقشا رايونىنداعى ‹ارناۋلى توپ كاسىپتىك قىزمەت وتەۋ› ۇلگىسى بويىنشا ۋاقىت شەگى 4 ايعا قىسقاردى، بۇل ءبىزدىڭ وسى اراعا ىرگە تەبۋدەگى سەنىمىمىزدىڭ قاينارى بولدى».
بازار، فينانس، تەحنيكا، دارىندىلار سياقتىلار ءبىر تۇلعالاندىرىلعان كاسىپورىندارعا قىزمەت وتەۋ تۇعىرى قۇرىلىپ، جۇمىسشى - قىزمەتشىلەردىڭ پەرزەنتتەرىنىڭ وقۋعا ءتۇسۋى، اۋرۋ كورسەتۋى سياقتى جاقتاردان كومەك بەرىلدى... قازىر تيانجيننىڭ بينحاي - جۇڭگۋانسۇن عىلىم - تەحنيكا باقشاسى 3 مىڭنان استام كاسىپورىندى تىركەلۋگە باۋرادى، مۇنىڭ ىشىندە بەيجيڭنەن تيانجينگە كەلگەن كاسىپورىنداردىڭ سالىستىرماسى 2019 - جىلعى %16 تەن %30 كە جوعارىلاپ، كاسىپ بايلىعى جەدەل شوعىرلاندى.
باس شۋجي شي جينپيڭ بىلاي دەپ اتاپ كورسەتتى: «‹مۇرىندىقتى› مىقتاپ يگەرىپ، بەيجيڭنىڭ استاناعا جاتپايتىن فۋنكتسياسىن بەلسەندى، ورنىقتى، ءتارتىپتى تۇردە سەيىلتۋ كەرەك»، «شارباقتىڭ بارىندە كوكونىس بولۋى ەكىتالاي، ءبىر تۇلعالانىپ دامۋ كەڭىستىك جاعىنداعى ويىسۋ عانا بولىپ قالماۋى كەرەك، وسى ورايدا تيپتە بۇرىلىس جاساپ، دارەجەنى جوعارىلاتىپ، تۇرلەنۋ، جاڭارۋ كەرەك».
8 جىلدان استام ۋاقىتتان بەرى بەيجيڭنىڭ استاناعا جاتپايتىن فۋنكتسياسىن سەيىلتۋ سىندى وسى «مۇرىندىق» مىقتى يگەرىلىپ، قاتىستى قىزمەتتەردە تىڭ تابىستارعا قول جەتكىزۋ ىلگەرىلەتىلدى.
بەيجيڭ قالاسى ىسىلىپ، جەڭىلدەپ العا باستى. 2014 - جىلدان بەرى بەيجيڭ قالاسى ادەتتەگى جاساۋمەن شۇعىلداناتىن جانە لاستاۋشى كاسىپورىنداردان شامامەن 3 مىڭعا جۋىعىن شەگىندىرىپ، وڭىرلىك تولايىم ساتۋ بازارى مەن زات اينالىمى ورتالىعىنان مىڭعا جۋىعىن جوتكەدى.
بەيجيڭ قالاسىنىڭ جاڭا «ەكى قاناتى» قۇرىلىسىن جەدەلدەتىپ، كومەسكى كۇشىن كورسەتتى. شيۇڭ - ان جاڭا رايونىنا نازار سالساق، جۇڭگو شيڭۋاڭ، جۇڭگو ‹جۇڭحۋا›، جۇڭگو حۋانىڭ سياقتى سەيىلتىلگەن ورتالىق كاسىپورىندارىنىڭ باس شتابىن سالۋ قۇرىلىسى باستالدى، جۇڭگو كەن بايلىعى توبى تىركەۋگە الىنىپ، ىرگە تەپتى، العاشقى توپتا سەيىلتىلگەن جوعارى مەكتەپتەر مەن شيپاحانالار دا نەگىزىنەن ورىن تاڭداپ بولدى. بەيجيڭ قالاسىنىڭ قوسالقى ورتالىعىنا كوز جىبەرسەك، حۋانچيۋ تاقىرىپتىق باقشاسىنىڭ اشىلۋى ىركىلىسسىز بولىپ، 14 مىڭنان استام ساپالى كاسىپورىن كانال ساۋدا رايونىنا ىرگە تەۋىپ، اكىمشىلىك قىزمەت رايونىنىڭ 2 - مەرزىمدىك 10 بولەگى تۇگەلدەي جۇمىس باستادى.
تيانجين، حىبىي ەكى جەردىڭ كاسىپ سالاسىن جالعاستىرۋى ويداعىداي ىستەلىپ، ومىرشەڭدىك كۇشى تاسقىندادى. بەيجيڭ شيانداي توبىنىڭ ساڭجوۋ زاۆودىندا ورتا ەسەپپەن ءار 51 سەكۋندتا ءبىر اۆتوموبيل جەلىدەن شىعارىلادى، «ءبىر اۆتوموبيل» 100 ميلليارد يۋاندىق كاسىپ شوعىرىن قالىپتاستىردى؛ بەيجيڭ - تيانجين - حىبەي گۋ - ان حالىقارالىق ساۋدا بازارى جۇمىس باستاپ، بەيجيڭ قالاسىنداعى 4 مىڭعا جۋىق كيىم - كەشەك ساۋداگەرىن قابىلدادى، كيىم - كەشەك تاسىمالىندا 200 دەن استام تىكە لەنيا، 500 دەن وتكەرمە لەنيا ىسكە قوسىلىپ، «ءبىر ورتالىقتان بۇكىل ەلگە تاراتۋ» ىسكە اسىرىلدى؛ 8 جىلدان استام ۋاقىتتان بەرى جۇڭگۋانسۇن كاسىپورىندارى تيانجين، حىبەي ەكى جەردە جيىنى 9 مىڭنان استام بولىمشە قۇرىلىم قۇرىپ، بەيجيڭنىڭ تيانجينمەن، حىبەيمەن جاساسقان جالپى تەحنيكالىق توقتام سوماسى 176 ميلليارد يۋانعا جەتتى.
بەيجيڭ - تيانجين - حىبەيدىڭ سايكەستى دامۋىن ىلگەرىلەتىپ، قاتىستى تۇزىلىستىك، مەحانيزمدىك كەدەرگىلەردى ءبىر - بىرلەپ تالقانداپ، پارمەندى تۇزىمدىك كەپىلمەن قامدادى. بەيجيڭ قالاسىنىڭ قوسالقى ورتالىعى مەن حىبەي ولكەسى لاڭفاڭ قالاسىنىڭ «سولتۇستىك 3 اۋدان» اكىمشىلىك قىزمەت وتەۋ «وڭىرلەر بويىنشا ءبىر تۇتاس ءبىتىرۋى» رەسمي باستالىپ، جوعارى جيىلىكتەگى حالىققا قولايلى 453 ءىس پەن 70 ءتۇرلى اكىمشىلىك قىزمەت وتەۋ ءىسى العا قويىلدى. بيىل شيۇڭ - ان جاڭا رايونى «كاسىپورىن اشۋدىڭ 2.0 نۇسقاسى» رەفورماسىن العا قويىپ، بەيجيڭدەگى كاسىپورىنداردى ولكە اتتاپ كوشىرۋگە ويداعىداي قىزمەت وتەيدى.
نەگىزگى الەۋمەتتىك قىزمەت وتەۋدى بىرگە قۇرىپ، تەڭ يگىلىككە كەنەلۋدە تىڭ ىلگەرىلەۋشىلىككە قول جەتتى
«ىرگەدەگى ەمحانادا ەمدەلە الامىز، ءار جولى قالاعا بارىپ ەمدەلۋدىڭ قاجەتى جوق» دەدى حىبەي ولكەسى رۇڭچىڭ اۋدانىنىڭ 50 نەشە جاستاعى تۇرعىنى لاۋجيا قۋانا. لاۋجيانى ەمدەپ جۇرگەن رۇڭچىڭ اۋداندىق جۇڭگوشا شيپاگەرلىك شيپاحاناسىنىڭ شيپاگەرى ان حۇڭزى استانا مەديتسينا داشۋەسىە قاراستى بەيجيڭ جۇڭگوشا شيپاگەرلىك شيپاحاناسىندا 3 جىل اۋىس - كۇيىس جاساپ، ۇيرەنىپ، مول تابىسقا قول جەتكىزگەن بولاتىن. «مەن قۇلشىنا قىزمەت ىستەپ، بۇقارانىڭ اۋرۋ كورسەتۋى، ەمدەلۋى ءۇشىن ساپالى قىزمەت وتەيمىن» دەدى ان حۇڭزى.
8 جىلدان استام ۋاقىتتان بەرى بەيجيڭ، تيانجين، حىبەي سىندى 3 جەر حالىق تۇرمىسى سالاسىنداعى ولقىلىقتاردى تولىقتاۋدى، ءالسىز بۋىنداردى كۇشەيتۋدى بەلسەنە ىلگەرىلەتىپ، نەگىزگى الەۋمەتتىك قىزمەت وتەۋدىڭ تەڭگەرىلۋ دەڭگەيىن ۇزدىكسىز جوعارىلاتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.
ەمدەۋ سەلبەستىگى كۇن سايىن جيىلەي ءتۇستى. بەيجيڭ - تيانجين - حىبەيدىڭ 65 ايگىلى ەمدەۋ - دەنساۋلىق ساقتاۋ قۇرىلىمى شيۇڭ - اننىڭ 3 اۋدانىنداعى 48 ەمدەۋ - دەنساۋلىق ساقتاۋ قۇرىلىمىن، اۋىل - قالاشىق شيپاحاناسىن جۇپ قۇراپ سۇيەمەلدەدى، ءبىر توپ ايگىلى ەمدەۋ - دەنساۋلىق ساقتاۋ ماماندارى 3 اۋداننىڭ ەمدەۋ - دەنساۋلىق ساقتاۋ قۇرىلىمىنا كىرىپ، ءتۇيىندى پاندەردى قۇرۋعا كومەكتەسىپ، كوپتەگەن تەحنيكالىق بوستىقتى تولتىرىپ، شيۇڭ - ان جاڭا رايونىنىڭ ەمدەۋ قامتاماسىزداندىرۋ جانە الەۋمەتتىك دەنساۋلىق ساقتاۋعا قىزمەت وتەۋ قۋاتىن جەدەل جوعارىلاتتى.
وقۋ - اعارتۋ سەلبەستىگى بىرتىندەپ تەرەڭدەدى. 7 - ايدىڭ سوڭىندا بەيجيڭ «كىلت تاپسىرۋ» تاسىلىمەن شيۇڭ - ان جاڭا رايونىنىڭ «3 مەكتەپ، ءبىر شيپاحانا» قۇرۋداعى ورتا مەكتەپ نىسانىن رەسمي وتكىزىپ بەرۋىنە قولداۋ كورسەتتى. سونىمەن بەيجيڭ شيۇڭ - ان جاڭا رايونىنىڭ «3 مەكتەپ» نىسانىن بۇكىلدەي تاپسىرىپ بەرۋىنە قولداۋ كورسەتتى. 8 جىلدان استام ۋاقىتتان بەرى بەيجيڭ - تيانجين - حىبەيدىڭ جوعارى مەكتەپتەرىندە ساپالى ساباقتاردان ورتاق يگىلىكتەنۋ ىسكە اسىپ، ابزالدىققا يە عىلمي زەرتتەۋ بايلىعى اشىق ۇستالدى، باستاۋىش، ورتا مەكتەپ وقىتۋشىلارى ءبىر - بىرىنە جىبەرىلدى، حىبەيدىڭ مىڭنان استام تىرەكتى مەكتەپ باستىعى، وقىتۋشىسى بەيجيڭ، تيانجيندەگى ساپالى مەكتەپتەرگە جىبەرىلىپ، تاربيەلەندى.
وتكەن جىلدىڭ سوڭىندا جاريالانعان بەيجيڭ - تيانجين - حىبەيدىڭ وڭىرلىك دامۋ كورسەتكىشىندە كورسەتىلۋىنشە، بەيجيڭ - تيانجين - حىبەيدىڭ وڭىرلىك ورتاق يگىلىكتەنۋ دامۋ كورسەتكىشى ءبىرشاما تەز جوعارىلاعان، 2020 - جىلعى كورسەتكىش 133.78 بولىپ، 2014 - جىلداعىمەن سالىستىرعاندا، جىلىنا ورتا ەسەپپەن 5.63 پايىز جوعارىلاعان. بەيجيڭ - تيانجين - حىبەي 3 جەردىڭ ادام باسىنا تۋرا كەلەتىن وقۋ - اعارتۋ، قوعامدىق قامتاماسىزداندىرۋ، جۇمىستاندىرۋ جانە ەمدەۋ، دەنساۋلىق ساقتاۋ شىعىسىنىڭ سالىستىرماسى 2014 - جىلعى 2.84:2.40:1 ندايدان 2020 - جىلعى 2.49:1.60:1 ندايعا ازايدى.
«بەيجيڭ، تيانجين، حىبەي ءبىر گۇلدىڭ جاپىراقشالارى سياقتى، جاپىراقشالارى ۇقساماعانىمەن، ءبىراق نيەتى، تىلەگى ءبىر». قول ۇستاسىپ، تىلەكتەس بولىپ، قايراتتانا العا ۇمتىلۋ جولىندا بەيجيڭ - تيانجين - حىبەيدى سايكەستىرە دامىتۋ اناعۇرلىم كەڭ، نۇرلى بولاشاقتى قارسى الۋدا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
