”شينجياڭنىڭ گۇلدەنگەندىگىن، دامىعاندىعىن، العا باسقاندىعىن تولىق سەزىندىك“
2022.08.30 16:51 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى تاڭ كاندۇڭ 8 - ايدىڭ 28 - كۇنى ۇرىمجىدەن حابارلايدى. 8 - ايدىڭ 26 - كۇنى تۇستەن كەيىن، ازياداعى، افريكاداعى وركەندەپ كەلە جاتقان ەلدەردىڭ جەنەۆاداعى تۇراقتى ەلشىلەرى جۇڭگوعا ساپارلاي كەلدى ءارى ۇرىمجىدە ەكسكۋرسيادا، ساپاردا بولدى.
اۆتونوميالى رايوندىق مۇراجايدا، مۇراجاي باستىعى يۇي جىيۇڭ ەلشىلەردى «شينجياڭ تاريحي مادەني ەسكەرتكىشتەرى كورمەسىن» تاماشالاۋعا باستادى. وسى بايىرعى جىبەك جولىنىڭ تەرەزەسى بولعان مۇراجايدا ساقتالعان سان مىڭ جىلعا سوزىلعان قىرۋار مادەني ەسكەرتكىشتەر، ارعى زامان كىتاپتارى، تاريح شىندىقتارى ەلشىلەرگە شينجياڭنىڭ ەجەلدەن جۇڭگونىڭ ايىرىلماس ءبىر بولىگى جانە كوپ ۇلت شوعىرلى قونىستانعان ءوڭىر، شينجياڭداعى ۇلتتار جۇڭحۋا ۇلتى ۇلى شاڭىراعىنىڭ تامىرلاس، تاعدىرلاس ماڭىزدى مۇشەسى ەكەندىگىن ايگىلەدى.
گامبيانىڭ جەنەۆاداعى تۇراقتى ۋاكىلدەر ۇيىرمەسىنىڭ ورىنباسار ۋاكىلى داكوستا تىلشىمەن سۇحباتتاسقاندا بىلاي دەدى: ”بۇل ءبىر جولعى ويلاماعان ساپار بولدى، شينجياڭ حالقىنىڭ ماعان قالدىرعان ەڭ تەرەڭ اسەرىنىڭ ءبىرى، ولار مادەنيەتتى جالعاستىرۋعا ەرەكشە ءمان بەرەدى ەكەن“.
شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن ەكسكۋرسيالاعاندا، قىزمەتكەرلەر سۋرەتتەر، بەينەكەسكىندەر، ناقتى زاتتار ارقىلى ەلشىلەرگە لاڭكەستىكتىڭ، ۇشقارىلىقتىڭ رەال قاتەرى الدىندا، شينجياڭنىڭ كەسكىن شارا قولدانىپ، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتۋدە ىستەگەن بارلىق قىزمەتتەرى مەن قۇلشىنىستارىن تانىستىردى.
سەررا - لەوننىڭ جەنەۆاداعى تۇراقتى ۋاكىلى گەبەري مىنانى ءبىلدىردى: ءارقانداي مەملەكەت پەن قوعام لاڭكەستىككە، ۇشقارىلىققا جول بەرمەيدى، ءبىز جۇڭگونىڭ ادامدىق ۇقىقتى قورعاۋ، دامۋدى ىلگەرىلەتۋ سياقتى جاقتاردا قول جەتكىزگەن وراسان زور تابىستارىنا ەرەكشە سۇيىنەمىز.
شينجياڭ ءىسلام ءدىنى شۋەيۋانىندا ەلشىلەر ءدىن شۋەيۋانىنىڭ كىتاپحاناسى، وقىتۋ عيماراتى، وقۋشىلار اسحاناسى سياقتىلاردى ەكسكۋرسيالادى. شينجياڭ ءىسلام ءدىنى قوعامىنىڭ باستىعى، شينجياڭ ءىسلام ءدىنى شۋەيۋانىنىڭ باستىعى ابدۇرىقىپ ءتومۇرنياز ەلشىلەرمەن ”كوسىلە اڭگىمەلەستى“، ول بىلاي دەدى: ءىسلام ءدىنى جۇڭگودا، شينجياڭدا وتە جاقسى جالعاستىرىلدى جانە قۇرمەتكە يە بولدى، جۇڭگو ۇكىمەتى مۇسىلمان قاۋىمىنا تولىق قامقورلىق جاساپ وتىر.
داكوستا بىلاي دەدى: ”جۇڭگو ۇكىمەتىنىڭ ءدىن ىستەرىن زاڭ بويىنشا باسقارۋىن، ازاماتتاردىڭ ءدىني سەنىم ەركىندىگىن زاڭ بويىنشا قورعاۋىن تولىق تۇراقتاندىرۋعا بولادى دەپ قارايمىن، شينجياڭ ۇكىمەتى قانداي ءادىستىڭ ۇتىمدى ەكەندىگىن تولىق تانىپ جەتتى“.
ەريترەيانىڭ تۇراقتى ۋاكىلدەر ۇيىرمەسىنىڭ ۋاقىتشا ۋاكىلى ءىدىرىس، زيمبابۆەنىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى ساماسۋو، لاوستىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى سوۋزاك، سوماليدىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى ءابدى مىنانى ءبىلدىردى: جۇڭگونىڭ دامۋ جەتىستىكتەرى رەال ءارى ناقتى، جۇڭگو شينجياڭىنداعى ءار ۇلتتىڭ مادەنيەتى، ءدىني سەنىم ەركىندىگى سياقتى ءار جاقتاعى ۇقىقتارى ويداعىداي قورعالعان.
ەلشىلەر ءۇرىمجى حالىقارالىق قۇرلىقتىق پورت اۋماعىنا كەلىپ، ”ءبىر بەلدەۋ، ءبىر جولدى“ جوعارى ساپالى بىرگە قۇرۋدىڭ ىشكەرىلەي ىلگەرىلەۋىنە ىلەسە، شينجياڭنىڭ بۇرىنعى تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالىپ، جۇڭگونىڭ جاڭا دامۋ ارناسىنىڭ ماڭىزدى قۇرامداس بولىگىنە اينالعاندىعىن ءبىلدى. لەسوتونىڭ تۇراقتى ۋاكىلى ماتجاما، كوتديۆۋاردىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى كينديا، يراقتىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى ءاتاي-ي، گامبيانىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى داكوستا، كامەرۋننىڭ تۇراقتى ۋاكىلدەر ۇيىرمەسىنىڭ اقىلشىسى بوسى قاتارلىلار مىنانى ءبىلدىردى: جۇڭگونىڭ دامۋ جەتىستىكتەرىنە سۇيىندىك، شينجياڭنىڭ گۇلدەنگەندىگىن، دامىعاندىعىن، العا باسقاندىعىن تولىق سەزىندىك“.
8 - ايدىڭ 27 - كۇنى تۇستەن بۇرىن، ازياداعى، افريكاداعى وركەندەپ كەلە جاتقان ەلدەردىڭ جەنەۆاداعى تۇراقتى ەلشىلەرى ۋاكىلدەر ۇيىرمەسى جۇڭگونىڭ شينجياڭىنداعى ەكسكۋرسيالاۋدى، ساپارلاۋدى اياقتاتىپ، ۇرىمجىدەن اتتاندى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
