اراتۇرىك اۋدانى:
الدىڭعى جارتى جىلداعى وڭىرلىك ءوندىرىس جالپى ءونىم قۇنى سايكەس مەزگىلدەگىدەن ％30تەي ارتتى
2022.08.30 16:45 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋي يۇڭگۇي 8 - ايدىڭ 28 - كۇنى ۇرىمجىدەن حابارلايدى. ساندى مالىمەتتە كورسەتىلۋىنشە، بيىل الدىڭعى جارتى جىلدا اراتۇرىك اۋدانىنىڭ وڭىرلىك ءوندىرىس جالپى ءونىم قۇنى 9 ميلليارد 660 ميلليون يۋانعا جەتىپ، سايكەس مەزگىلدەگىدەن ％3. 29 ارتقان. مۇنىڭ ىشىندە 2 - كاسىپتىڭ (ونەركاسىپ، ءۇي قۇرىلىس كاسىبى) ارتقان قۇنى 8 ميلليارد 670 ميلليون يۋان بولىپ، ％3. 34 ارتقان.
8 - ايدىڭ 27 - كۇنى قۇمىل قالاسى اراتۇرىك ونەركاسىپ باقشا رايونىندا، شينجياڭ گۋاڭحۇي كومىرتەگى عىلىم - تەحنيكا كەشەندى پايدالانۋ شەكتى سەرىكتەستىگىنىڭ جىلىنا 100 مىڭ توننا كومىرتەگى قوس توتىعىن جيناۋدان جانە پايدالانۋدان ۇلگى كورسەتۋ نىسانىنىڭ توپىراق قۇرىلىسى ينجەنەرياسى اياقتالدى. بۇل نىسان كومىردەن كاربينول ءوندىرۋ بارىسىندا تۋىلاتىن كومىرتەگى قوس توتىعىن اجىراتقاننان كەيىن ماي قاباتىنداعى مايدى قىسىمداپ شىعارىپ، كومىرتەگى قوس توتىعىنىڭ شىعارىلۋىن ازايتۋدى جانە شيكى مۇناي الۋ مولشەرىن جوعارىلاتۋدى جۇزەگە اسىرادى.
وسى باقشا رايونىندا بىرگە ورنالاسقان شينجياڭ گۋاڭحۇي جاڭا ەنەرگيا شەكتى سەرىكتەستىگى كومىردەن كاربينول، سۇيىلتىلعان تابيعي گاز سياقتى 9 تۇردەن استام ءونىم وندىرەدى، مۇندا جىلىنا ءبىر ميلليون 200 مىڭ توننا كاربينول، 700 ميلليون تەكشەمەتر سۇيىلتىلعان تابيعي گاز وندىرەدى، ونىمدەرى بازاردىڭ قاجەتىن قامداي الماي وتىر.
باقشا رايونىندا، شينجياڭ جياڭنا كەن شارۋاشىلىعى شەكتى سەرىكتەستىگىنىڭ شيڭشىڭ اشىق كومىر كەنى ”ادامسىز مەڭگەرۋ + 5G زەردەلى كەن“ قۇرىلىسىن جەدەلدەتىپ، ەل ىشىندەگى زەردەلى كەن تەحنيكاسىن اشۋدىڭ، قولدانۋدىڭ سەركەسىنە اينالدى، كۇنىنە 150 مىڭ توننا سۇرىپتاۋسىز كومىر وندىرەدى.
شيڭشىڭ اشىق كومىر كەنىنىڭ ساپالى ”ماي كومىرىن“ تايانىش ەتكەن اراتۇرىك جياڭنا جاڭا ماتەريال شەكتى سەرىكتەستىگى 12 ميلليارد يۋان قارجى سالىپ، 5 ميلليون 500 مىڭ توننا كومىردى دارەجەگە، سورتقا ءبولىپ، تازا، جوعارى ءونىمدى جىنتىكتەي وڭدەۋ، كەشەندى پايدالانۋ ءبىر تۇلعالانعان نىساندى سالۋدا. سالىنىپ بولعاننان كەيىن، ءبىر كەسەك كومىر ەلەكتر شىعارۋعا پايدالانىلاتىن كوكس گازى، سالەركا، ەتيلەن گليكول، اكتيۆتەنگەن كومىر، تازا كومىر سياقتى كوپ ءتۇرلى جاڭا ونىمگە اينالادى.
اراتۇرىك ونەركاسىپ باقشا رايونىندا، تاعى عىلىم - تەحنيكالىق قۇرامى جوعارى، ەكونوميكالىق ونىمدىلىگى جاقسى ءبىر توپ كومىر حيميا ونەركاسىپ كاسىپورىندارى بار، كومىر حيميا ونەركاسىبى كاسىپورىندارى قوسىمشا وندىرگەن كوكس گازىن جانار زات ەتەتىن شينجياڭ شين - ي كومىر ەنەرگياسى، قورشاعان ورتانى قورعاۋ عىلىم - تەحنيكا جارنا شەكتى سەرىكتەستىگىنىڭ 50 مەگاۆاتتىق جوعارى تەمپەراتۋرالى، جوعارى قىسىمدى قويۋ گاز تۇرىندەگى اۋامەن سۋىتىلاتىن 2 ەلەكتر اگراگاتى الدىڭعى جارتى جىلدا 432 ميلليون كيلوۆات ەلەكتر شىعاردى؛ 7 - ايدىڭ اياعىندا، شينجياڭ جۇڭيوۋ پۋحۇي عىلىم - تەحنيكا شەكتى سەرىكتەستىگىنىڭ جىلىنا 110 مىڭ توننا جوعارى مولەكۋلالى سينتەزدىك جاڭا ماتەريال مەتيل مەتاكريلات (كومىر نەگىزدى) ءوندىرۋ نىسانىنىڭ ءبىرىنشى مەرزىمدىك قۇرىلىسى وندىرىسكە قوسىلدى، بۇل ەل ىشىندەگى تۇڭعىش بۇكىلدەي دەربەس ءبىلىم مەنشىك ۇقىعىنا يە كومىر نەگىزدى مەتيل مەتاكريلات ءوندىرىس تەحنولوگيا قۇرىلعىسىنىڭ ءساتتى تۇردە ىسكە قوسىلعاندىعىن بىلدىرەدى.
جۋىقتاعى جىلداردان بەرى، اراتۇرىك ونەركاسىپ باقشا رايونى ەكولوگيانى الدىڭعى ورىنعا قويۋ، جاسىل دامۋ تالابىن تياناقتاندىرىپ، كومىردەن كاربينول الۋ جانە كومىردەن تازا، جوعارى ءونىمدى پايدالانۋ سىندى ەكى ۇلكەن كاسىپ سالاسى تىزبەگىن قالىپتاستىرىپ، اراتۇرىك اۋدانىنىڭ ونەركاسىپ شارۋاشىلىعىنىڭ ەكى ۇلكەن تىرەگىنە اينالدى.
كومىر قازۋ، سونداي - اق كومىر حيميا ونەركاسىبى كاسىپ سالالارىنان سىرت، اراتۇرىك اۋدانىنىڭ جاڭا ەكونوميكالىق ارتۋ تۇيىندەرى ۇزدىكسىز جارىققا شىقتى. جاڭادان گۇلدەنگەن كاسىپ سالالارىن شوعىرلاندىرۋ اۋماعىندا، جەل ەلەكترى جابدىقتارىن جاساۋ كاسىبى ەڭسە كوتەرىپ، جەل ەلەكترى جابدىقتارىن جاسايتىن 3 كاسىپورىن وسىندا ىرگە تەبۋگە كەلىسىمگە قول قويدى؛ قۇمىلدىڭ كومىردەن بەنزين الۋ ستراتەگيالىق بازا قۇرىلىسى ورايىن مىقتاپ يگەرگەن نوم كەن اۋماعى جالپى تۇلعالىق جوسپارىن وزگەرتىپ قۇراستىرۋ قىزمەتى قادامىن جەدەلدەتىپ، كومىر ءوندىرىس قۋاتىن تارتىپپەن ارتتىردى؛ ەنەرگيا ساقتايتىن باتەريا، ەنەرگيا ساقتايتىن جابدىق، ەلەكتر جابدىقتارىن جاساۋ سياقتى كاسىپ سالالارى بىرتىندەپ ىرگە تەبۋدە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
