تۇتىنۋ جاعىنان كومەكتەسىپ سۇيەمەلدەدى، قارا ساڭىراۋقۇلاقتى ساتۋدان قام جەمەدى
2022.08.30 16:50 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى دۋ جيانحۇي، ەرىكتى ءتىلشى جياڭ ۋيليان 8 - ايدىڭ 28 - كۇنى بۇگۇردەن حابارلايدى. 8 - ايدىڭ 26 - كۇنى بۇگۇر اۋدانىنداعى شارۋالارعا كومەكتەسۋ جۇلدىزى اتالعان قارا ساڭىراۋقۇلاق ەگىمشىلىگى شارۋالار كاسىپتىك سەلبەستىك كووپەراتيۆىنىڭ قارا ساڭىراۋقۇلاق ەگىمشىلىگى بازاسىندا سەلبەستىك كووپەراتيۆىنىڭ مۇشەلەرىنەن جانە اۋىل ادامدارىنان ۇيىمداسقان ەرىكتىلەر قارا ساڭىراۋقۇلاق تەرىپ جاتتى.
سەلبەستىك كووپەراتيۆى وسىرگەن قارا ساڭىراۋقۇلاق پىستى، اۋىل ونى ساتۋعا كومەكتەستى، ال ءبىز تەرۋگە كومەكتەسىپ ءجۇرمىز، - دەدى ەرىكتى قۋات مۇرات، ول وتباسىنداعىلارىنا دا ازىن - اۋلاق ساتىپ الماقشى ەكەن.
بۇل سەلبەستىك كووپەراتيۆى بيىل 3 توننادان استام ساڭىراۋقۇلاق جيىپ الا الادى، وسى رەتكى ىندەت ىقپالىنان ساڭىراۋقۇلاقتى ساتۋ قيىن ماسەلەگە اينالدى. ”مەن بۇل ىستەن ابىرجىپ ءجۇر ەدىم، اۋىل كادرلارى كوپ جاقپەن بايلانىس جاساپ كومەكتەستى، قازىر كوپتەگەن مەكەمە - ورىندار، كاسىپورىندار تەلەفون شالىپ، ساتىپ الۋعا تاپىسىرىس بەردى، قىسقا عانا بىرنەشە كۇندە ءبىز 100 نەشە مىڭ يۋاننىڭ ساڭىراۋقۇلاعىن ساتتىق“، - دەدى سەلبەستىك كووپەراتيۆىنىڭ جاۋاپتىسى احمەت يمىر قۋانا.
بۇگۇر اۋدانى ”بۇگۇر زەردەلى اۋىل - قىستاق شارۋالارعا كومەكتەسۋ تەكشەسىنەن“ پايدالانىپ، ينتەرنەت جەلىسىندە، ينتەرنەت جەلىسىنەن تىس بىرلەسىپ ساتۋدى جەبەۋ ۇلگىسى ارقىلى قوعامداعى ءار سالانى كومەكتەسۋ ەسەبىندە ساتىپ الۋ، مەيىر جەتكىزۋشى قوعامدىق كۇشتەر مەن كاسپورىندار ساتۋعا بىرلەسىپ كومەكتەسۋ، سياقتى تۇتىنۋعا كومەكتەسۋ ءتاسىلى ارقىلى قارا ساڭىراۋقۇلاق ساتۋ قيىن بولۋ ماسەلەسىن شەشۋگە جەتەكشىلىك ەتتى.
”ءبىز سەلبەستىك كووپەراتيۆىمەن كەلىسىمگە قول قويىپ، بۇگۇر زەردەلى اۋىل - قىستاق شارۋالارعا كومەكتەسۋ تەكشەسى جەلىسىندە قارا ساڭىراۋقۇلاق ساتامىز، تۇتىنۋشىلار تەكشەنىڭ باسقى بەتىندەگى ساپالى اۋىل شارۋاشىلىق ونىمدەرى بولىگىن باسسا بولعانى ساتىپ الا الادى. قازىرگى تاڭدا، ءار كۇنى ينتەرنەت جەلىسىندە قارا ساڭىراۋقۇلاق ساتىپ الۋ تاپسىرىسى نەداۋىر كوبەيىپ كەلەدى“، - دەدى بۇگۇر زەردەلى اۋىل - قىستاق شارۋالارعا كومەكتەسۋ تەكشەسىنىڭ جاۋاپتىسى كاڭ شين - ي.
قاراباق اۋىلدىق قارا ساڭىراۋقۇلاق سەلبەستىك كووپەراتيۆىنىڭ قارا ساڭىراۋقۇلاقتى ساتۋى قيىنعا سوققاندىعىنان حابار تاپقان شينجياڭ يىڭنيۋتى ەلەكتر جابدىقتارى شەكتى سەرىكتەستىگىنىڭ جاۋاپتىسى شيڭ چىڭفاڭ بۇگۇر زەردەلى اۋىل - قىستاق تەكشەسى ارقىلى 20 كيلوگرام قارا ساڭىراۋقۇلاق ساتىپ الدى. ول تاعى سەرىكتەستىكتەگى قىزمەتكەرلەردى قارا ساڭىراۋقۇلاق ساتىپ الۋعا جۇمىلدىرىپ، جەرگىلىكتى ەگىمشىلىك وتباسىلارىنىڭ قيىن وتكەلدەن وتۋىنە كومەكتەستى.
”تەحنيكتەر ەگىمشىلىك تەحنيكاسىن ۇيرەتتى، اۋىل بىزگە ساتۋ جولىن تاۋىپ بەردى، مەنىڭ ايلىق ەڭبەكاقىم قامتاماسىز ەتىلدى، جىل سوڭىندا تاعى پايدا ۇلەسىن الامىن“، - دەدى جىل باسىندا سەلبەستىك كووپەراتيۆىنە قىزمەتكە ورنالاسقان قاراباق اۋىلى قاراءدوڭ قىستاعىنىڭ تۇرعىنى ياسىن مامۇت قۋانىشپەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
