”قامبادا تۇرىپ قالعان جۇمىرتقانىڭ تەڭ جارتىسى ساتىلىپ بولدى“
2022.08.30 16:43 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى رىن چۇنشياڭ 8 - ايدىڭ 28 - كۇنى ۇرىمجىدەن حابارلايدى. ”بۇگىن 16 توننا جۇمىرتقا ساتتىم، كەشەگىدەن تاعى دا 6 توننا كوپ بولدى!“. 8 - ايدىڭ 26 - كۇنى تۇستەن كەيىن، جىڭدا توبى جۇڭگو ەگىن، مال شارۋاشىلىق ازىق - تۇلىك كاسىپورنى جۇڭگو رايونى (شينجياڭ رايونى) نىسانىنىڭ باس ديرەكتورى حۋ جيۋيىڭ جۇمىرتقا جانە جۇمىرتقا تاعامدارىن ساتۋ ءبولىمىنىڭ باسقارۋشىسىمەن تەلەفوندا سويلەسكەننەن كەيىن جۇزىنە كۇلكى ءۇيىرىلدى.
شينجياڭ جىڭدا سەرىكتەستىگى ءۇي قۇستارى باعىمشىلىعىمەن، قۇس جۇمىرتقاسىن وندىرۋمەن جانە ساتۋمەن شۇعىلداناتىن، حالىق تۇرمىسىن قامتاماسىز ەتەتىن كاسىپورىن، ۋجياچۇيگە ورنالاسقان باعىمشىلىق فەرماسىندا جۇمىرتقالاعىش تاۋىقتان 600 مىڭعا جۋىعى بار، كۇنىنە 30 توننا جۇمىرتقا الادى، ءار كۇنى ءۇرىمجى، سانجى قاتارلى جەرلەردەگى ساۋدا ساراي، ەرەن بازار، تىكە ساتۋ دۇكەنى، قوناق ءۇي، ازىق - تۇلىك وڭدەۋ كاسىپورىندارىنا ءبىر تۇتاس جونەلتەدى.
وسى جولى ىندەت تۋىلعاننان بەرى، جۇمىرتقا ساتۋ ىقپالعا ۇشىرادى، ”سەرىكتەستىكتىڭ جۇمىرتقا قامباسى ءۇرىمجى قالاسىنىڭ ميدۇڭ رايونىنا ورنالاسقان، ەڭ جوعارى قامبادا ساقتاۋ مولشەرى 45 توننا، بىرنەشە كۇننىڭ الدىندا، قامبادا تۇرىپ قالعان جۇمىرتقانىڭ بارعان سايىن كوبەيگەنىن كورىپ قاتتى ابىرجىعان ەدىك. حۋ جيۋيىڭ بىلاي دەدى: اۆتونوميالى رايوندىق حالىق ۇكىمەتى كەڭسەسىنە كومەك سۇراۋ ينفورماتسياسىن جولداعاننان كەيىن، تەز ارادا قايتارعان اڭىستى قابىلدادىم. قاتىستى تاراۋلاردىڭ سايكەستىرۋى مەن كومەگىندە ىركەس - تىركەس كوپتەگەن الەۋمەتتىك اۋماق ىرىقتى تۇردە سەرىكتەستىكپەن حابارلاسىپ جۇمىرتقاعا تاپسىرىس بەردى، ”قازىر قامبادا تۇرىپ قالعان جۇمىرتقانىڭ جارتىسى ساتىلىپ بولدى“.
ءۇرىمجى قالاسى تيانشان رايونى جەڭىس جولى ءمالىسى ياڭماۋحۋ الەۋمەتتىك اۋماعى جۇمىرتقاعا تاپسىرىس بەرگەن الەۋمەتتىك اۋماقتىڭ ءبىرى. وسى الەۋمەتتىك اۋماق پارتيا باس ياچەيكاسىنىڭ شۋجيى ما شۋەيان بىلاي دەدى: ىندەت كەزىندە ءۇرىمجى قالاسى تيانشان رايوندىق ساۋدا ىستەرى مەكەمەسى (استىق مەكەمەسى) قامداۋعا كەپىلدىك ەتۋ ينفورماتسيا شوعىرىن قۇرىپ، الەۋمەتتىك اۋماقتى دەر كەزىندە ءتۇرلى قامداۋعا كەپىلدىك ەتۋ ينفورماتسيالارىمەن قامداپ وتىردى. بىرنەشە كۇننىڭ الدىندا، الەۋمەتتىك اۋماقتاعى تۇرعىنداردى جۇمىرتقامەن قامداۋ مولشەرىنىڭ جەتىسپەي جاتقاندىعىنان ۋايىمداپ وتىرعانىمىزدا، توپتان وسى جاقسى حاباردى كورىپ، تاباندا جىڭدا سەرىكتەستىگىمەن حابارلاستىم.
”ءبىز تۇرعىنداردىڭ تاپسىرىسپەن ساتىپ الۋ ينفورماتسيالارىن جيناقتاپ جىڭدا سەرىكتەستىگىنە جولداعان ەدىك، ەرتەسى جۇمىرتقانى جەتكىزىپ بەردى. ولاردىڭ جەتكىزۋ قارقىنى تەز، جۇمىرتقانىڭ ساپاسى جاقسى ەكەن، تۇرعىندار وتە رازى بولدى“. ما شۋەيان بىلاي دەدى: ”ءار جولى جىڭدا سەرىكتەستىگى تاپسىرىستان تىس ارتىق جۇمىرتقا دايىنداپ وتىرادى، جەتكىزۋ بارىسىندا شاعىلىپ قالعان جۇمىرتقالاردىڭ ورنىنا اۋىستىرىپ بەرەدى، قىزمەت وتەۋلەرى وتە تىڭعىلىقتى“.
ءۇيى ءۇرىمجى قالاسى تيان - ان شاعىن اۋماعىندا تۇراتىن ءمۇتالىپ احمەت: ”ءاربىر جۇمىرتقاعا وندىرىلگەن ۋاقىتىنىڭ باسىلعانىن كورىپ الاڭسىز تۇتىندىق“، - دەدى.
حۋ جيۋيىڭنىڭ ايتۋىنشا، وسى بىرنەشە كۇندە سەرىكتەستىكپەن حابار الىسقان الەۋمەتتىك اۋماق 60تان اسقان، سەرىكتەستىكتىڭ ءار كۇنى ساتقان جاڭا جۇمىرتقاسى 10 توننادان اسادى ەكەن.
”ۇكىمەت تاراۋلارىنىڭ سايكەستىرۋى مەن كومەگىندە، قامداۋ - قاجەتسىنۋ ارناسى ىركىلىسسىزدەندى، جۇمىرتقانى قامبادا ساقتاۋ قىسىمى جەڭىلدەدى، تۇرعىنداردى تۇرمىستىق زاتتىق ماتەريالدارمەن قامداۋ كەپىلدىككە يە بولدى، بۇل ايتىپ - ايتپاي تۇرعىندار مەن كاسىپورىن ءۇشىن ناقتى ءىس ءبىتىرۋ سانالادى“! حۋ جيۋيىڭ سەرىكتەستىكتىڭ ىندەتتەن ساقتانۋ - تىزگىندەۋگە قاتىستى ءتۇرلى شارالاردى قاتاڭ اتقارىپ، زاتتىق ماتەريالداردى جەتكىزۋدى بار كۇشپەن قامتاماسىز ەتەتىندىگىن ايتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
