مەملەكەتتى جاپپاي زاڭمەن جونگە سالۋدا جاڭا ءورىس اشىلدى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ – وزگەشە 10 جىل)
«حالىق گازەتىنىڭ » تىلشىلەرى جاڭ تيانپەي، ۋەي جىجى
2022.09.01 16:24 كەلۋ قاينارى : حالىق تورابى
ۇساق تاۋارلار بازارىن، اكىمشىلىك تەكسەرىپ بەكىتۋ زالىن جاسىرىن ارالاپ، ءبىرىنشى شەپتەگى زاڭ اتقارۋعا قىزمەت وتەۋ تاراۋلارىن تەكسەرىپ، ءتۇيىندى كاسىپورىنداردى ناق مايداندا ارالاپ، قاتىستى ماسەلەلەردى دەرەۋ اتقارۋعا، دەرەۋ وزگەرتۋگە قۋزادى ...
«بۇقارانىڭ ارىز - شاعىمى، باستىسى، قايسى سالالارعا شوعىرلانعان؟»
«زاڭ اتقارۋشى قىزمەتكەرلەر زاڭ اتقارۋ كۋالىگىن ىرىقتىلىقپەن كورسەتە مە، جوق پا؟»
ءبىر - بىرلەپ تەكسەرۋ بارىسىندا بايقالعان جاعدايلار مەن ماسەلەلەر قاز - قالپىندا ەستەلىككە الىندى.
تاياۋدا ورتالىقتىڭ مەملەكەتتى زاڭمەن جونگە سالۋ كەڭسەسى قالا، اۋدانداردىڭ زاڭمەن جونگە سالۋ قۇرىلىسى قىزمەتىن باقىلاۋ - تەكسەرۋدى باستادى. باقىلاۋ - تەكسەرۋ گرۋپپاسى سانشي، لياۋنيڭ، جياڭسۋ، گۇيجوۋ سياقتى 8 ولكەگە ءبولىنىپ بارىپ، ءبىرىنشى شەپكە ىشكەرىلەي ارالاسىپ، ءالسىز بۋىنداردى قاداعالاپ، باقىلاۋ - تەكسەرۋدى تۇتقا ەتىپ، مەملەكەتتى جاپپاي زاڭمەن جونگە سالۋدىڭ نەگىزگى ساتى نەگىزىن بەكەمدەدى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭگوشا سوتسياليزمدە تاباندى بولۋ جانە ونى دامىتۋ جالپى جاعدايى مەن ستراتەگيالىق تۇرعىسىنان زاڭمەن جونگە سالۋدى تۇراقتاندىرىپ، زاڭمەن جونگە سالۋدى ورنالاستىرىپ، زاڭمەن جونگە سالۋدى قاتاڭ اتقارىپ، مەملەكەتتى جاپپاي زاڭمەن جونگە سالۋدىڭ تىڭ ءورىسىن اشتى. شي جينپيڭ زاڭمەن جونگە سالۋ يدەياسىنىڭ جەتەكشىلىگىندە، ەلىمىزدىڭ سوتسياليستىك زاڭمەن جونگە سالۋ قۇرىلىسىندا تاريحي وزگەرىستەر تۋىلىپ، تاريحي تابىستارعا قول جەتىپ، زاڭمەن جونگە سالىناتىن جۇڭگو بۇرىن بولىپ كورمەگەن شۇعىلالى داستان جازىپ، جۇڭحۋا ۇلتىنىڭ بولاشاقتىق ۇلى ءىسىنىڭ زاڭمەن جونگە سالۋ ىرگە تاسىن قالادى.
− عىلمي جولمەن زاڭ شىعارۋدى، دەموكراتيالىق جولمەن زاڭ شىعارۋدى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، تاماشا زاڭ ارقىلى دامۋدى جەبەپ، شەبەرلىكپەن جونگە سالۋدى قامتاماسىز ەتتى.
گۋاڭشي جۋاڭزۋ اۆتونوميالى رايونى ليۋجوۋ قالاسى سانجياڭ دۇڭزۋ اۆتونوميالى اۋدانى لينشي قالاشىعى گۋاندۇڭ قىستاعىنىڭ سامالدىعىندا قىستاق تۇرعىندارىنىڭ ۋاكىلدەرى قورالانا وتىرىپ، سانجياڭ نەگىزگى ساتى زاڭ شىعارۋ بايلانىس تۇيىنىندەگى ينفورماتسيا قىزمەتكەرلەرى «جۇڭحۋا حالىق رەسپۋبليكاسىنىڭ ايەلدەردىڭ ۇقىق - مۇددەسىن قامتاماسىزداندىرۋ زاڭىنىڭ (وزگەرىس ەنگىزىلگەن جوبا)» قارالعان نۇسقاسىن ەگجەي - تەگجەيلى تۇسىندىرگەننەن كەيىن كوپشىلىك ءبىر - بىرلەپ سويلەپ، قىزۋ تالقى جۇرگىزدى.
حالىق سارايىندا حالىق قۇرىلتايى ۋاكىلدەرىنىڭ مۇقيات قاراۋىنان ىرگەدە نەگىزگى ساتىنىڭ زاڭ شىعارۋ بايلانىس ءتۇيىنىن قۇرۋعا دەيىن، ودان توراپتا زاڭ جوباسى جونىندەگى پىكىر - ۇسىنىستاردى اشىق جيناۋعا دەيىن ...، حالىق بۇقاراسىنىڭ زاڭ شىعارۋ قىزمەتىنە جالپى بارىس بويىنشا ات سالىسۋىنا ىلەسە، ەلىمىزدىڭ ءاربىر زاڭى حالىقتىڭ قالاۋىنان شىقتى.
«زاڭمەن جونگە سالۋدى نەعۇرلىم دارىپتەگەن سايىن، زاڭ شىعارۋ ساپاسىن سولعۇرلىم جوعارىلاتۋ كەرەك». پارتيانىڭ 18 - قۇرىلتايىنان بەرى ەلىمىز زاڭ شىعارۋ جوباسىن ۇزدىكسىز كەمەلدەندىرىپ، زاڭ شىعارۋ ءتۇيىنىن كورنەكتىلەندىرىپ، زاڭ شىعارۋ، زاڭعا وزگەرىس ەنگىزۋ، زاڭدى كۇشىنەن قالدىرۋ، زاڭدى ءتۇسىندىرۋ ىستەرىن قاتار جۇرگىزۋدە تاباندى بولدى، بيىل 6 - ايدىڭ سوڭىنا دەيىن جاسالعان، وزگەرىس ەنگىزىلگەن زاڭ - ەرەجە 730 نەشە پارشا (رەت) بولدى، قازىر اتقارىلىپ وتىرعان كۇشكە يە زاڭ 292 پارشا، اكىمشىلىك زاڭ - ەرەجە 598 پارشا بولدى. زاڭ شىعارۋ قىزمەتىندە تىڭ ىلگەرىلەۋشىلىكتەرگە، تىڭ تابىستارعا قول جەتىپ، جۇڭگوشا سوتسياليستىك زاڭ جۇيەسى ۇزدىكسىز كەمەلدەندى.
− زاڭ اتقارۋدى قاتاڭ ارناعا ءتۇسىرۋدى، ءادىل، وركەنيەتتى اتقارۋدى ناقتى تياناقتاندىرىپ، زاڭ اتقارۋ تالابى مەن زاڭ اتقارۋ فورماسىنىڭ، زاڭ اتقارۋ ونىمدىلىگى مەن قوعامدىق ونىمدىلىكتىڭ بىرلىگىن جۇزەگە اسىردى.
تاياۋدا بەيجيڭ قالاسى جاڭا ۇلگىدەگى اكىمشىلىك زاڭ اتقارۋ كۋالىگىن جاپپاي ىسكە قوسىپ، بۇرىنعى كۋالىكتى پايدالانۋدى توقتاتتى؛ انحۇي ولكەسى 2022 - جىلدىڭ سوڭىنان بۇرىن 140 مىڭنان استام زاڭ اتقارۋشى قىزمەتكەردىڭ كۋالىگىن اۋىستىرىپ تاراتۋ قىزمەتىن ورىنداۋدى مەجەلەدى ... بيىل جىل باسىنان بەرى جەر - جەر ءتۇرلى فورمالار ارقىلى اكىمشىلىك زاڭ اتقارۋشىلاردىڭ تولىمدىلىعى مەن كۋالىگىن باسقارۋدى كۇشەيتىپ، اكىمشىلىك زاڭ اتقارۋ ارەكەتىن اناعۇرلىم ارناعا ءتۇسىردى.
كۋالىكپەن جۇمىسقا شىعىپ، كۋالىك كورسەتىپ زاڭ اتقارادى. زاڭ اتقارۋ كۋالىگى اكىمشىلىك زاڭ اتقارۋدىڭ قاتاڭدىعى مەن ولشەمىن ارقالاپ وتىر.
تىزىمگە الۋ جۇيەسى، شەشۋشى ارىپتەردى ەنگىزۋ، 24 ساعاتتىق شارلاۋ جاعدايىن قايتا كورۋ ... تاڭەرتەڭ ەرتە بەيجيڭ قالاسى چاۋۋاي كوشەسى ساقشى بولىمشەسى دەلو باسقارۋ گرۋپپاسىنىڭ حالىق ساقشىسى فۋ يۇي زاڭ اتقارۋ، دەلو ىستەۋ جۇيەسىن اشىپ، دەلو ىستەۋ جاعدايىن تەكسەرىپ، دەلو تۇرعىزىلماعان شارلاۋ جاعدايىنا قاراتا دىبىس – بەينە ماتەريالدارىن كورىپ، ىسكە قاتىستى ادامداردان قايتالاي جاعداي ۇعىستى. «مالىمدەۋدەن تەكسەرىپ تۇراقتاندىرعانعا دەيىن جۇيەدە بارلىق بۋىنعا بايلانىستى ەگجەي - تەگجەيلى ەستەلىك بار، الدا - جالدا زاڭ اتقارۋ ماسەلەسى تۋىلا قالسا، دەرەۋ قايتا اشىپ كورۋگە بولادى» دەدى فۋ يۇي.
تاياۋ جىلداردان بەرى جەر - جەردەگى قوعام حاۋىپسىزدىگى مەكەمەلەرى زاڭ اتقارۋ ۇقىعىن جۇرگىزۋ مەحانيزمىن ۇزدىكسىز كەمەلدەندىرىپ، زاڭ اتقارۋدى باقىلاۋدى قاتايتىپ، زاڭ اتقارۋداعى كورنەكتى ماسەلەلەردى شەشىپ، زاڭ اتقارۋ ونىمدىلىگىن ۇزدىكسىز جوعارىلاتىپ، حالىق بۇقاراسىنىڭ تابىس سەزىمىن اناعۇرلىم كۇشەيتىپ، باقىت سەزىمىن اناعۇرلىم باياندى ەتىپ، حاۋىپسىزدىك سەزىمىن اناعۇرلىم قامتاماسىز ەتتى.
− ءادىليا جاۋاپكەرلىك ءتۇزىمىن ءتۇيىن ەتكەن ءادىليا ءتۇزىلىسى رەفورماسىن تەرەڭدەتىپ، ءادىليا ۇقىعىنىڭ اينالىم مەحانيزمىن اقاۋسىزداندىرىپ، ءادىليا قىزمەتكەرلەرىن باسقارۋ ءتۇزىمىن كەمەلدەندىردى.
شانشي ولكەسى باۋجي قالاسى چىنساڭ رايونىندا داۋ – دامايعا ۇلاسقان قاتىناس شىرعالاڭىن تۋدىرۋ دەلوسى اشىق دالەلدەۋ بۋىنىنا كىرەدى. «مەن كولىگىمدى ۋاڭ XX كە وتكەرمەلەپ بەردىم ءارى وسىدان كەيىن تۋىلعان ءارقانداي ماسەلەگە ۋاڭ XX جاۋاپتى بولادى دەپ كەلىستىك» دەدى داۋگەر گاۋ XX. كەيىن كەلە كولىكتەن قاتىناس شىرعالاڭى تۋىلىپ، ەكى جاق وتكەرۋ رەسمياتىن وتەمەگەندىكتەن، بۇرىنعى كولىك يەسى گاۋ XX 100 مىڭ يۋان تولەم تولەيدى دەگەن ۇكىم شىعارىلادى. گاۋ XX ارىزىنان ناتيجە شىقپاعان سوڭ امالسىزدان پروكۋراتۋرالىق باقىلاۋدى ءوتىنىش ەتەدى. دالەلدەۋ ماجىلىسىندە پروكۋراتۋرا ورگانى دەلو جاعدايىمەن ۇشتاستىرىپ، زاڭدى ءتۇسىندىرۋ جانە زاڭمەن باسقارۋ تاربيەسىن جۇرگىزەدى، دەلو ىستەۋ بارىسى اشىق، جاريالى، ءادىل بولادى. دالەل تىڭداۋشىنىڭ كۋا بولۋىمەن گاۋ XX پەن ۋاڭ XX ءوز ەرىكتەرىمەن جاراسۋ كەلىسىمىنە قول قويادى.
ادىلدىك − ءادىليانىڭ وزەگى مەن جانى. پارتيانىڭ 18 - قۇرىلتايىنان بەرى ەلىمىز سوت جۇرگىزۋدى وزەك ەتكەن قىلمىستىق ىستەر ارىز - شاعىم ءتۇزىمى رەفورماسىن ۇزدىكسىز ىلگەرىلەتىپ، ازاماتتىق ىستەر ارىز - شاعىم تارتىبىندە كۇردەلىلەرى مەن قاراپايىمدارىن ءبولۋدى ىلگەرىلەتىپ، ءادىلياعا كيلىگۋدىڭ «ءۇش بەلگىلەمەسىن» قاتاڭ تياناقتاندىرىپ، ءادىليانىڭ ساپاسى، ونىمدىلىگى، الەۋمەتتىك سەنىمدىلىگى كورنەكتى جوعارىلاپ، قوعامدىق ادىلدىك پەن ادىلەتتىلىكتى زاڭمەن باسقارۋ قامتاماسىزدىعى اناعۇرلىم پارمەندى بولدى.
− جالپى حالىققا زاڭ جالپىلاستىرۋ تەبىنىن ارتتىرىپ، تۇتاس قوعامدا ءىستى زاڭ بويىنشا ىستەۋ، ىسكە جولىققاندا زاڭدى ىزدەۋ، ماسەلەنى شەشۋدە زاڭنان پايدالانۋ، قايشىلىقتى شەشۋدە زاڭعا سۇيەنۋ سىندى زاڭمەن باسقارۋ ورتاسىن جەتىلدىردى.
تارىم وزەنىندە كۇزگى كورىنىس كوز سۇرىندىرەدى. تارىم وزەنىنىڭ ەكى جاعالاۋىندا زاڭدى جالپىلاستىرۋعا ەرىكتى قىزمەت وتەۋ اترەتى قىزمەتتى دابىرالى ورىستەتۋدە.
«جەردى كوتەرمەگە الۋدى زاڭ بويىنشا تىزىمدەۋ، مايعا بەرۋدە، ءسوز جوق، توقتامعا قول قويۋ كەرەك»، «زاڭدىق اقىل - كەڭەس بەرۋدى جانە زاڭدىق كومەك بەرۋدى ءوتىنىش ەتپەك بولساڭىزدار، ‹12348› زاڭدىق قىزمەت وتەۋ ارناۋلى جەلىسىنە تەلەفون سوقساڭىزدار بولادى» ... شينجياڭ ءوندىرىس - قۇرىلىس بيڭتۋانى 1 - شىسى ارال قالاسىنداعى ساياسي - زاڭ كادر - ساقشىلارىنان، ادۆوكاتتاردان، حالىقتىق جاراستىرۋشىلاردان جانە «1 + 1» جۇڭگو زاڭدىق كومەك بەرۋ ەرىكتىلەرىنەن ۇيىمداسقان زاڭدى جالپىلاستىرۋ قىزمەت وتەۋ اترەتى اتىز باسىنا بارىپ، كوشەلەرگە كىرىپ، بۇقارامەن اۋىل شارۋاشىلىعى ىستەرىن اڭگىمەلەپ، زاڭدى سويلەپ، بۇقارانىڭ زاڭمەن جونگە سالۋ تانىمىن ۇزدىكسىز جوعارىلاتتى.
وسىنداي تىڭعىلىقتى، جۇرت كوڭىلىن جادىراتاتىن زاڭدى جالپىلاستىرۋ كورىنىسى بۇكىل ەل كولەمىندەگى زاڭ جالپىلاستىرۋ قىزمەتىنىڭ ىقشام كورىنىسى سانالادى. تاياۋ جىلداردان بەرى «7 – بەسجىلدىق» زاڭ جالپىلاستىرۋ جوباسى جاپپاي تياناقتاندىرىلىپ، «8 – بەسجىلدىق» زاڭ جالپىلاستىرۋ جوباسى تىڭعىلىقتى ىلگەرىلەتىلىپ، زاڭمەن جونگە سالۋ بىرتىندەپ جالپى حالىقتىڭ ويلاۋ ءتاسىلى مەن ارەكەت داعدىسىنا اينالىپ، تۇتاس قوعامنىڭ زاڭمەن جونگە سالۋ تانىمى كورنەكتى جوعارىلادى.
زاڭمەن جونگە سالۋ گۇلدەنسە، ەل گۇلدەنەدى، زاڭمەن جونگە سالۋ كۇشەيسە، ەل قۇدىرەتتەنەدى. جاڭا جورىقتا مەملەكەتتى جاپپاي زاڭمەن جونگە سالۋدى ىلگەرىلەتىپ، جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، زاڭمەن جونگە سالۋ ارناسىندا مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتسەك، ءسوز جوق، جاپپاي سوتسياليستىك وسىزاماندانعان مەملەكەت قۇرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى زاڭمەن جونگە سالۋ جاعىنان پارمەندى قامتاماسىز ەتە الامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
