شي جينپيڭ مەملەكەتتىك «حالىق رازى مەملەكەت قىزمەتكەرلەرىنىڭ» جانە «حالىق رازى مەملەكەت قىزمەتكەرلەرى كوللەكتيۆتەرىنىڭ» ۋاكىلدەرىمەن كەزدەستى
لي كىچياڭ كەزدەسۋدە بىرگە بولدى، ۋاڭ حۋنيڭ، حان جىڭ كەزدەسۋدە بىرگە بولدى ءارى ماداقتاۋ - سيلاۋ جينالىسىنا قاتىناستى
2022.08.31 17:11 كەلۋ قاينارى : حالىق تورابى
 |
8 - ايدىڭ 30 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ، حان جىڭ قاتارلىلار بەيجيڭدەگى حالىق سارايىندا مەملەكەتتىك «حالىق رازى مەملەكەت قىزمەتكەرلەرىنىڭ» جانە «حالىق رازى مەملەكەت قىزمەتكەرلەرى كوللەكتيۆتەرىنىڭ» ۋاكىلدەرىمەن كەزدەستى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
«حالىق گازەتى»، 8 - ايدىڭ 30 – كۇنى، بەيجيڭ. مەملەكەتتىك » «حالىق رازى مەملەكەت قىزمەتكەرلەرىن» جانە «حالىق رازى مەملەكەت قىزمەتكەرلەرى كوللەكتيۆتەرىن» ماداقتاۋ - سيلاۋ جينالىسى 8 - ايدىڭ 30 - كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماداقتالىپ - سيلانعانداردىڭ ۋاكىلدەرىمەن ىقىلاسپەن كەزدەسىپ، ولاردان شىنايى حال سۇرادى جانە قىزۋ قۇتتىقتادى، ولاردى بورىشتى، جاۋاپكەرلىكتى ەستە بەرىك ساقتاپ، باتىلدىقپەن جاۋاپكەرلىك ارقالاپ، ىسكەرلىك كورسەتۋگە شابىتتاندىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ كەزدەسۋدە بىرگە بولدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋدە بىرگە بولدى ءارى ماداقتاۋ - سيلاۋ جينالىسىندا ءسوز سويلەدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ كەزدەسۋدە بىرگە بولدى ءارى جينالىستا ماداقتاۋ - سيلاۋ قارارىن وقىدى.
تۇستەن بۇرىن ساعات 11 دە شي جينپيڭ قاتارلىلار حالىق سارايىنىڭ سولتۇستىك زالىنا كەلگەندە، زالدان دۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاسپەن اڭگىمەلەستى ءارى توپتىق ەستەلىك سۋرەتكە ءتۇستى.
حان جىڭ ماداقتاۋ - سيلاۋ جينالىسىندا «ج ك پ ورتالىق كوميتەتىنىڭ، مەملەكەتتىك كەڭەستىڭ مەملەكەتتىك ‹حالىق رازى مەملەكەت قىزمەتكەرلەرىن› جانە ‹حالىق رازى مەملەكەت قىزمەتكەرلەرى كوللەكتيۆتەرىن› ماداقتاۋ - سيلاۋ جونىندەگى قارارىن» وقىدى. قاراردا مىنالار اتاپ كورسەتىلدى: پارتيانىڭ 20 - قۇرىلتايى اشىلۋ قارساڭىندا وزات تيپتەردى ماداقتاپ - سيلاپ، كۇرەسكەرلىك رۋحتى ساۋلەلەندىرىپ، قالىڭ مەملەكەت قىزمەتكەرلەرى مەن مەملەكەت قىزمەتكەرلەرى كوللەكتيۆتەرىن جاڭا جورىققا اتتانۋعا، جاڭا داۋىرگە ۇلەس قوسۋعا شابىتتاندىرىپ، جۇمىلدىرۋ ءۇشىن، پارتيا ورتالىق كوميتەتى، مەملەكەتتىك كەڭەس جۋ چين قاتارلى 397 جولداسقا مەملەكەتتىك «حالىق رازى مەملەكەت قىزمەتكەرى» اتاعىن بەرۋدى؛ بەيجيڭ ليزى فينانس - ساۋدا رايونىن باسقارۋ كوميتەتى سياقتى 198 كوللەكتيۆكە مەملەكەتتىك «حالىق رازى مەملەكەت قىزمەتكەرلەرى كوللەكتيۆى» اتاعىن بەرۋدى ۇيعاردى (قاراردىڭ تولىق مازمۇنى بولەك جاريالاندى).
ۋاڭ حۋنيڭ جينالىستا ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ ماداقتالىپ - سيلانعان ۋاكىلدەرمەن ىقىلاسپەن كەزدەسۋى پارتيا ورتالىق كوميتەتى مەن باس شۋجي شي جينپيڭنىڭ مەملەكەت قىزمەتكەرلەرى قوسىنى قۇرىلىسىنا ايرىقشا ءمان بەرەتىنىن، مەملەكەتتىك «حالىق رازى مەملەكەت قىزمەتكەرلەرى» مەن «حالىق رازى مەملەكەت قىزمەتكەرلەرى كوللەكتيۆتەرىن» ايرىقشا ماداقتايتىنىن، بۇكىل ەلدەگى قالىڭ مەملەكەت قىزمەتكەرلەرىنە دەگەن شىنايى قامقورلىعىن تولىق ايگىلەدى. پارتيانىڭ 18 – قۇرىلتايىنان بەرى باس شۋجي شي جينپيڭ حالىق رازى مەملەكەت قىزمەتكەرلەرى قوسىنىن قۇرۋدى توڭىرەكتەپ ءبىرقىدىرۋ ماڭىزدى پايىمداۋ جاساپ، جاڭا داۋىردەگى مەملەكەت قىزمەتكەرلەرى قىزمەتىن جاقسى ىستەۋگە ءتۇبىرلى تياناق ازىرلەدى. جاڭا جورىقتا قالىڭ مەملەكەت قىزمەتكەرلەرى تۋدى ايقىن ۇستاي وتىرىپ ساياسيدى دارىپتەپ، شي جينپيڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن جەتە ۇيرەنىپ، جەتە يگەرىپ، شىنايى تياناقتاندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، قاشان دا ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋى كەرەك. حالىقتى وزەك ەتۋدە، بۇقارامەن تىعىز بايلانىس ورناتۋدىڭ ۇلگىسى بولۋدا باستاماشىلدىقپەن تاباندى بولىپ، جاڭا دامۋ ۇستانىمىن باستاماشىلدىقپەن دايەكتىلەندىرىپ، ساپالى دامۋدى ىلگەرىلەتۋدىڭ ۇلگىسى، تۇزىمگە باستاماشىلدىقپەن بويسۇنىپ، ءتۇزىمدى اتقارۋدىڭ ۇلگىسى، باستاماشىلدىقپەن ءمورالدى بولىپ، ءوزىن تاربيەلەپ، پاك مادەنيەتتى جەتىلدىرۋدىڭ ۇلگىسى بولۋ كەرەك. پارتيانىڭ مەملەكەت قىزمەتكەرلەرى قىزمەتىنە باسشىلىعىن كۇشەيتىپ، پارتيا الاڭسىز، حالىق رازى بولاتىن ساپالى، ارنايىلانعان مەملەكەت قىزمەتكەرلەرى قوسىنىن قۇلشىنا قۇرۋ كەرەك.
ديڭ شۋەشياڭ، حۋ چۇنحۋا، حۋاڭ كۇنميڭ، شياۋ جيە كەزدەسۋدە بىرگە بولدى ءارى جينالىسقا قاتىناستى، چىن شي كەزدەسۋدە بىرگە بولدى ءارى جينالىستى باسقاردى.
جينالىس ماداقتالىپ - سيلانعانداردىڭ ۋاكىلدەرىنە سيلىق تاراتتى. ماداقتالىپ - سيلانعان جەكەلەر مەن كوللەكتيۆتەردىڭ ۋاكىلدەرى جينالىستا ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
