اۆتونوميالى رايوندىق بازاردى باقىلاۋ - باسقارۋ مەكەمەسى:
15 تارماق شارا بازار تۇلعالارىنىڭ قيىن وتكەلدەن وتۋىنە دەم بەردى
2022.09.01 16:59 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى سۋ لۋپيڭ 8 - ايدىڭ 30 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسىنىڭ 8 - ايدىڭ 30 - كۇنى اشقان ىندەتتەن ساقتانۋ - تىزگىندەۋ جونىندەگى اقپار جاريالاۋ ماجىلىسىنەن ۇعىسۋىمىزشا، وسى جولعى ىندەت تۋىلعاننان بەرى، اۆتونوميالى رايوندىق بازاردى باقىلاۋ - باسقارۋ مەكەمەسى كاسىپورىنداردى قيىنشىلىق قىسپاعىنان قۇتىلدىرۋعا كومەكتەسۋ تەبىنىن اناعۇرلىم كۇشەيتۋگە قاتىستى 15 تارماق شارانى دەر كەزىندە بەلگىلەپ، كاسىپورىنداردى قيىنشىلىق قىسپاعىنان قۇتىلدىرۋ قىزمەتىن ناقتى تياناقتاندىرعان.
اكىمشىلىك رۇقسات بويىنشا قىزمەت وتەۋدى ساپالىلاندىرۋ جاعىندا، ىندەتتىڭ ىقپالىنا ۇشىراپ سول جەردە اداقتاۋ جۇرگىزىپ رۇقسات كۋالىگىن ۋاعىندا اۋىستىرا الماعان كاسىپورىندارعا قاراتا، تەكسەرىپ - باعالاماي - اق كۋالىك اۋىستىرۋ، ىندەت اياقتاعاننان كەيىن سول جەردە قايتادان اداقتاۋ جۇرگىزۋ سياقتى قىزمەت وتەۋدى جاقسارتۋ شارالارىن قولداندى. ازىق - تۇلىك وندىرۋگە رۇقسات ەتۋ ۋاقىتى تولىپ، ۋاقىتىن ۇزارتۋدا سول جەردە اداقتاۋ جۇرگىزۋگە شاراسىز قالعان كاسىپورىندارعا قاراتا، كاسىپورىن الدىن الا ۋادە بەرۋ، كۇشكە يە رۇقسات ۋاقىتىن 2 اي ۇزارتۋ شاراسىن قولدانىپ، كاسىپورىنداردىڭ قالىپتى اينالىمىن قامتاماسىزداندىردى.
تۇتاس بارىستا ينتەرنەت جەلىسىندە بىتىرۋگە قىزمەت وتەۋدى جوعارىلاتۋ جاعىندا، بازار تۇلعالارىنىڭ ”تىركەلۋ - تىزىمگە الدىرۋ“، ”تاڭبا ويۋ“، ”بانكەدەن الدىن الا ەسەپشوت اشۋ“، ”تالون ءوتىنىش ەتىپ الۋ“، ”قوعامدىق قامسىزداندىرۋ، ەمدەۋ قامسىزداندىرۋى جانە تۇرعىن ءۇي الەۋمەتتىك قورىنان ەسەپشوت اشۋ“ سياقتى كاسىپورىندارعا بىتىرەتىن ادەتتەگى جۇمىستارىن ”تۇتاس بارىستا ينتەرنەت جەلىسىندە بىتىرۋگە“، 3 قىزمەت كۇنى ىشىندە ءبىر جولدا بىتىرۋگە تاباندى بولدى، سونىمەن بىرگە ”ينتەرنەت جەلىسىندە جۇمىس ءبىتىرۋ + ينتەرنەت جەلىسىنەن تىس جولداپ بەرۋ“ ۇلگىسى ارقىلى بازار تۇلعالارىنىڭ ”شاپقىلاماي - اق“ تيجارات كۋالىگى مەن تيجارات رۇقسات كۋالىگىن بىتىرۋىنە كومەكتەستى.
باقىلاۋ - باسقارۋ بويىنشا زاڭ اتقارۋ مەحانيزمىن ساپالىلاندىرۋ جاعىندا، زاڭ اتقارۋ بارىسىندا ”قاتەلىگىنە جازاسى ساي بولۋ پرينسيبىنە“ تاباندى بولىپ، تۇڭعىش رەت زاڭعا قايشى كەلگەن ءارى زالالى مەن زاردابى بولماشى بولعان، سونداي - اق دەر كەزىندە تۇزەتكەن، باس اماندىق، سالاماتتىق، مال - مۇلىك سياقتىلاردىڭ حاۋىپسىزدىگىنە قاتەر توندىرمەگەن زاڭعا قايشى ارەكەتتەرگە قاراتا، ”بولماشىلارىن جازالاماۋ“، ”تۇڭعىش قاتەلەسكەندەردى جازالاماۋ“ سىندى ءبىر جايلى ەتۋ مەحانيزم شارالارىن جاقسارتىپ، بازار تۇلعالارىنىڭ دامۋىن قولداۋ تەبىنىن كۇشەيتتى.
كاسىپورىنعا قاتىستى اقى الۋدى باقىلاۋ - باسقارۋدى كۇشەيتۋ جاعىندا، سۋ، ەلەكتر، گاز، جىلۋمەن قامداۋ جانە قاتىناس، زات اينالىمى سالاسى سياقتى الەۋمەتتىك كاسىپتەردىڭ اقى الۋ باعاسىنىڭ وزگەرىسىنە ءتۇيىندى نازار اۋدارىپ، اقىنى تومەندەتۋ، اۋىرتپالىقتى جەڭىلدەتۋ ساياساتىن تياناقتاندىرماۋ، ىندەتتەن ساقتانۋ - تىزگىندەۋدى سىلتاۋراتىپ ەرەجەگە قايشى تۇردە اقى الۋ تۇرلەرىن قوسۋ، مەملەكەت پەن اۆتونوميالى رايون شىعارعان كاسىپورىندارعا تيىمدىلىك جاسايتىن اقى الۋ ساياساتىن تالاپ بويىنشا اتقارماۋ سياقتى ارەكەتتەردى زاڭ بويىنشا تەكسەرىپ ءبىر جايلى ەتۋ قىزمەت سەرپىنىن كۇشەيتىپ، اقىنى تومەندەتۋ ساياساتتارىنىڭ تياناقتاندىرىلۋىن شىنايى ىلگەرىلەتتى.
ساراپتاۋ، تەكسەرۋ قىزمەت وتەۋى جاعىندا، ەرەكشە جابدىق، ءونىم ساپاسىن ساراپتاۋ، تەكسەرۋ جانە ولشەۋگە قىزمەت وتەۋ جاسىل ارناسىن اشىپ، ىندەتتىڭ ىقپالىنا ۇشىراپ ءوندىرىس، تيجارات جاعىندا قيىنشىلىققا جولىققان ورتا، شاعىن، ۇساق كاسىپورىندارعا قاراتا، اقىنى ازايتۋ - كەشىرىم ەتۋ، ۋاقىت شەكتەمەسىن قىسقارتۋ، الدىنا بارىپ قىزمەت وتەۋ، جەدەل اڭىس قايتارۋ سياقتى ءبىر قىدىرۋ قىزمەت وتەۋلەردى ازىرلەدى.
كاسىپورىندارعا تەحنيكا ارقىلى كومەكتەسۋ - سۇيەمەلدەۋ تەبىنىن كۇشەيتۋ جاعىندا، نازاردى ءتۇيىندى سالالار مەن ءتۇيىندى كاسىپتەرگە شوعىرلاندىرىپ، ماماندار ۇجىمىن كاسىپورىندارعا بارىپ ساپا تەكسەرۋ، ساپا ارقىلى كومەكتەسۋ - سۇيەمەلدەۋ قيمىلىن ورىستەتۋگە ۇيىمداستىردى ءارى كاسىپورىنداردى اۆتونوميالى رايوننىڭ جەرگىلىكتى ولشەمدەرىن ۇعىسۋىنا جانە كاسىپورىنداردىڭ قولدانعان ولشەمدەرىنىڭ ونىمدىلىگىن بەكىتۋىنە اقىسىز قىزمەت وتەدى.
سونىمەن بىرگە، ءبىلىم مەنشىك ۇقىعى ارقىلى كاسىپورىندارعا تيىمدىلىك جاساۋ قىزمەت وتەۋىن كۇشەيتىپ، پاتەنت، ساۋدا ماركاسىن كەپىلگە قويۋدى تىركەۋ، تەكسەرۋ پەريودىن ءبىر قىزمەت كۇنىنە قىسقارتتى. قارجى قيىنشىلىعى سەبەبىنەن قارجى قۇراۋعا مۇقتاج بولعان ورتا، شاعىن كاسىپورىندارعا قاراتا، پاتەنت ۇقىعىن كەپىلگە قويىپ قارجى قۇراۋعا ىنتالاندىرىپ، ينتەرنەت جەلىسىندە جانە ينتەرنەت جەلىسىنەن تىس تۇتاس بارىستا جەتەكشىلىك ەتىپ جانە الدىنا بارىپ قىزمەت وتەدى ءارى كاسىپورىندارعا پاتەنتكە تالداۋ جاساۋ، ساقتاندىرۋ جانە پاتەنت ۇقىعىنا سۇعاناقتىق جاسالعاندىعىن تۇراقتاندىرۋ جونىندە كەڭەس بەرىپ، جاڭالىق اشۋدى ءونىمدى قورعاپ، كاسىپورىنداردىڭ ومىرشەڭدىگىن قاۋلاتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
