وزەكتى رايوندى تياناق ەتىپ، قۇرلىقتىق جولدىڭ تەز جىلدامدىقتى ارناسىن سالدى
□ انار بۇلت \ شينجياڭ گازەتىنىڭ ءتىلشىسى لۋ فىڭباۋ
2022.09.01 16:58 كەلۋ قاينارى : شينجياڭ گازەتى
8 - ايدىڭ 30 - كۇنى يىتىمبۇلاقتان چارقىلىققا دەيىنگى جوعارى جىلدامدىقتى تاس جولدا اۆتوكولىك قاتىنادى، سونىمەن شينجياڭدا شينجياڭعا كىرىپ - شىعاتىن 3 جوعارى جىلدامدىقتى تاس جول ۇلكەن ارناسى قالىپتاستى.
بۇل شينجياڭنىڭ جاقىنعى جىلداردان بەرى جىبەك جولى ەكونوميكالىق بەلدەۋى وزەكتى رايونى قۇرىلىسىن تياناق ەتىپ، قۇرلىقتىق جولدىڭ تەز جىلدامدىقتى ارناسىن جەدەل قۇرعاندىعىنىڭ شاعىن كورىنىسى.
”ءبىر بەلدەۋ، ءبىر جول“ باستاماسى ورتاعا قويىلعاننان بەرى، شينجياڭ تاس جول، تەمىر جول قۇرىلىسىنىڭ سەرپىنىن ارتتىرىپ، سولتۇستىك، ورتا، وڭتۇستىك قۇرلىقتىق جول جالپىلىق تاسىمال ارناسىن قالىپتاستىرىپ، شينجياڭعا كىرىپ - شىعۋ، شەكارادان كىرىپ - شىعۋ، وڭتۇستىك - سولتۇستىك شينجياڭ ارنالارىن قالىپتاستىردى ءارى تەز جىلدامدىقتى بولۋعا، تورلانۋعا قادام تاستادى، سونىمەن شينجياڭ سىندى كەزىندەگى ”جول تورىنىڭ ۇشى“ بىرتىندەپ ەۆروپا − ازيا قۇرلىقتارىن ۇلاستىرعان ”وڭىرلىك توراپقا“ اينالدى.
كوپ تۇيىندە ورنالاستىرىپ، قۇرلىقتىق جولدىڭ ۇلكەن ارناسىن قالىپتاستىردى
8 - ايدىڭ 26 - كۇنى شينجياڭنىڭ تۇڭعىش قۇرلىق - تەڭىز جاڭا ارناسى تەڭىز - تەمىر جول بىرلەسكەن تاسىمال پويەزى قورعاس تەمىر جول شەكارا وتكەلىنەن شەكارادان ءساتتى شىقتى. بۇل پويەز شينجياڭ تەمىر جولىنىڭ ورتاڭعى ارناسى لانجوۋ − شينجياڭ تەمىر جولى ارقىلى شينجياڭعا كىرگەننەن كەيىن باتىستى بەتكە الىپ قازاقستاننىڭ الماتىسىنا قاراي زىمىرادى.
بۇل شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسى ورايىن يگەرىپ، قۇرلىقتىق جول ارناسىن زور كۇشپەن دامىتۋىنىڭ جەتىستىگى.
”ءبىر بەلدەۋ، ءبىر جول“ باستاماسى ورتاعا قويىلعاننان كەيىن، شينجياڭ ەرەكشە وڭىرلىك ورىن باسىمدىعىن تياناق ەتىپ، جىبەك جولى ەكونوميكالىق بەلدەۋى وزەكتى رايونىن قۇرۋ بارىسىندا سولتۇستىك، ورتا، وڭتۇستىك 3 ۇلكەن قۇرلىقتىق جول ۇلكەن ارناسىن كۇش سالا قۇرىپ، وزەكتى رايون قاتىناس تورابى سەنترىن جەدەل سالدى.
كەزىندە شينجياڭعا كىرىپ - شىعاتىن تەمىر جول ارناسى لانجوۋ − شينجياڭ تەمىر جولى بولاتىن. لانجوۋ − شينجياڭ تەمىر جولى جولاۋشى تاسىمالى مەن زات تاسىمالىنا بىردەي پايدالانىلاتىن تەمىر جول، ارناسى جالعىز، تاسىمال قابىلەتى شەكتى بولاتىن. ليانيۇنگاڭنان شىققان جوعارى جىلدامدىقتى تاس جول − G30 لەنياسىنداعى ليانيۇنگاڭ − قورعاس جوعارى جىلدامدىقتى تاس جولى باتىستا تۋرا شينجياڭعا كىرىپ، اقىرىندا قورعاسقا جەتەدى، ول سول كەزدەگى شينجياڭعا كىرىپ - شىعاتىن بىردەن - ءبىر جوعارى جىلدامدىقتى تاس جول ارناسى بولاتىن.
قۇرلىقتىق جول ورتا ارناسىنىڭ قاتىناتۋ قابىلەتىن جوعارىلاتۋ، سولتۇستىك ارنا مەن وڭتۇستىك ارنانى سالىپ شىعۋ شينجياڭنىڭ مۇنان كەيىنگى قۇرىلىس تۇيىنىنە اينالدى.
2014 - جىلى لانجوۋ − شينجياڭ جوعارى جىلدامدىقتى تەمىر جولى ىسكە قوسىلىپ، شينجياڭدا تۇڭعىش جوعارى جىلدامدىقتى تەمىر جول بار بولدى. جوعارى جىلدامدىقتى تەمىر جول اشىلعاننان كەيىن، لانجوۋ − شينجياڭ جوعارى جىلدامدىقتى تەمىر جولى مەن لانجوۋ − شينجياڭ تەمىر جولى ىركەس - تىركەس جولاۋشى تاسىمالى مەن زات تاسىمالىن ءبولۋدى جۇزەگە اسىرىپ، لانجوۋ − شينجياڭ تەمىر جولىنىڭ تاسىمال قابىلەتى شىعارىلىپ، لانجوۋ − شينجياڭ تەمىر جولى مەن لانجوۋ − شينجياڭ جوعارى جىلدامدىقتى تەمىر جولى شينجياڭنىڭ شىعىسقا ۇلاسىپ، باتىسقا شىعۋىنداعى باستى ارناسىنا اينالدى. 2015 - جىلى لينحىدان قۇمىلعا دەيىنگى تەمىر جولدىڭ اشىلىپ ىسكە قوسىلۋىمەن شينجياڭعا كىرىپ - شىعۋدىڭ سولتۇستىك ارناسى قالىپتاستى. 2020 - جىلى 12 - ايدىڭ 9 - كۇنى گولمۋدتان كورلاعا دەيىنگى تەمىر جولدىڭ اشىلۋىمەن شينجياڭعا كىرىپ - شىعۋدىڭ 3 - ۇلكەن تەمىر جول ارناسى قالىپتاستى.
سونىمەن بىرگە تاس جول ارنالارى دا كۇن سايىن كەمەلدەندى. ورتا ارنادا ليانيۇنگاڭ − قورعاس شەكارا وتكەلى جوعار جىلدامدىقتى ۇلكەن ارناسى تۇتاس جەلى بويىنشا ۇلاستى؛ سولتۇستىك ارنادا بەيجيڭ − شينجياڭ جوعارى جىلدامدىقتى تاس جول ۇلكەن ارناسى تۇتاس جەلى بويىنشا ۇلاسىپ، شينجياڭنان كىرىپ - شىعاتىن كۇندىز - ءتۇنى قاتىناۋعا بولاتىن 2 - تاس جول قاتىناس كۇرە تامىرى قالىپتاستى؛ وڭتۇستىك ارنادا يىتىمبۇلاق − چارقىلىق − حوتان − قاشقار − حونچيراپ بولىكتەرىندە جەكە - جەكە جوعارى جىلدامدىقتى (1 - دارەجەلى)، 2 - دارەجەلى تاس جولدار سالىنىپ بولدى؛ وڭتۇستىك، سولتۇستىك شينجياڭ ۇلكەن ارناسىندا تۇرپان − كورلا − اقسۋ − قاشقار − ەركەشتام شەكارا وتكەلى بولىكتەرىندە جوعارى جىلدامدىقتى تاس جول سالىنىپ بولدى.
ساپا ارتىپ، دارەجە جوعارىلاپ، ارنالار تەز جىلدامدىقتى بولۋعا قادام تاستادى
شينجياڭ ازيا − ەۆروپا قۇرلىعىنىڭ قويناۋىندا، ادام اينالىمى مەن زات اينالىمى تەمىر جول مەن تاس جولدان ايرىلا المايدى. شىعىس پەن باتىستىڭ بايلانىسىن كۇشەيتۋ ارنانىڭ تەز قارقىندانۋىن قاجەت ەتەدى.
2019 - جىلى شينجياڭ تەمىر جولى ”فۋشيڭ ءنومىرلى“ 160 كيلومەترلىك قوزعاۋشى كۇش شوعىرلانعان موتورلى ۆاگوندار قۇراماسى پويەزىن قاتىناتتى، وسىدان كەيىن ”فۋشيڭ ءنومىرلى“ بىرتىندەپ وڭتۇستىك، سولتۇستىك شينجياڭنىڭ كوپ جەرىن قامتىپ، وڭتۇستىك، سولتۇستىك شينجياڭ اراسىنداعى ساپار ۋاقىتى قىسقارا ءتۇستى.
2020 - جىلى ۇرىمجىدەن شي - انعا دەيىن موتورلى ۆاگوندار قۇراماسى پويەزى تۇڭعىش رەت قاتىنادى، ونىڭ جالپى قاتىناۋ ارالىعى 2354 كيلومەتر، قاتىناۋ ۋاقىتى 13 ساعات 22 مينۋت بولدى، سونىمەن ءۇرىمجى بۇكىل ەلدىڭ جوعارى جىلدامدىقتى تەمىر جول تورىنا كىردى.
2022 - جىلى 6 - ايدىڭ 16 - كۇنى حوتاننان چارقىلىققا دەيىنگى تەمىر جول اشىلىپ ىسكە قوسىلىپ، وڭتۇستىك - سولتۇستىك شينجياڭدا تەمىر جول اينالما جەلىسى قالىپتاسىپ قانا قالماستان، تەمىر جولدىڭ وڭتۇستىك ارناسى باتىسقا قاراي سوزىلدى.
2022 - جىلى 8 - ايدىڭ 26 - كۇنى ءۇرىمجى سولتۇستىك ۆوگزالىنان جياڭجۇنمياۋعا دەيىنگى تەمىر جولدىڭ يقۋاتىن كەڭەيتىپ وزگەرتىپ سالۋ ينجەنەرياسىنىڭ جاڭادان مولايتىلعان ەكى جەلىسى تۇتاس جەلى بويىنشا اشىلدى، كەيىنگى مەزگىلدە ەلەكترلەندىرۋ ينجەنەرياسى جەدەل سالىنادى. جياڭجۇنمياۋدان نومعا دەيىنگى تەمىر جول كەزەكتە رەليس جاتقىزۋ كەزەڭىندە تۇر، بيىل تۇتاس جەلى بويىنشا رەليس جاتقىزىلىپ، كەلەر جىلى جوسپار بويىنشا ىسكە قوسىلادى. سول كەزدە شينجياڭ تەمىر جولىنىڭ سولتۇستىك ارناسى ەلەكترلەنىپ جۇمىس ىستەپ، پويەزدىڭ تاعى دا جىلدامدىعىن جوعارىلاتۋىنان ءۇمىت بار.
تاس جول جاعىندا، 2021 - جىلى بەيجيڭ − شينجياڭ جوعارى جىلدامدىقتى تاس جولى تۇتاس جەلى بويىنشا ۇلاستى. شىعىسقا قاراي ۇرىمجىدەن بەيجيڭگە دەيىنگى تۇتاس ارالىق جوعارى جىلدامدىقتى تاس جول بولدى؛ باتىسقا قاراي ۇرىمجىدەن الاتاۋ، قورعاسقا دەيىنگى تۇتاس ارالىق جوعارى جىلدامدىقتى تاس جول بولدى. ليانيۇنگاڭ − قورعاس جوعارى جىلدامدىقتى تاس جولىنىڭ شينجياڭنىڭ ىشىندەگى كوپتەگەن جول بولىكتەرىندە يقۋاتىن كەڭەيتىپ وزگەرتىپ سالۋ ورىندالىپ بولدى، ءىشىنارا جول بولىكتەرى 4 اۆتوكولىك جولىنان 8 اۆتوكولىك جولىنا ارتتىرىلىپ، قاتىناۋ قۋاتى ىشكەرىلەي جوعارىلاتىلدى. قازىر يىتىمبۇلاق − چارقىلىق جوعارى جىلدامدىقتى تاس جولىندا اۆتوكولىك قاتىناۋىمەن يىتىمبۇلاقتان چارقىلىققا، حوتانعا، ءتىپتى، قاشقارعا دەيىن تۇگەلدەي جوعارى جىلدامدىقتى تاس جولدى ۇلاستىرۋ جۇزەگە استى.
جوباعا ساي، ”14 - بەسجىلدىقتىڭ“ اياعىندا جىبەك جولى ەكونوميكالىق بەلدەۋىنىڭ سولتۇستىك ارناسىن، وڭتۇستىك ارناسىن جالپى بەتتىك جوعارى جىلدامدىقتى ەتۋگە، ورتا ارنانىڭ قابىلەتىن زور مولشەردە جوعارىلاتۋعا؛ سولتۇستىك شينجياڭدا جوڭعار ويپاتىن اينالا، وڭتۇستىك شينجياڭدا تارىم ويپاتىن اينالا جالپى بەتتىك جوعارى جىلدامدىقتى جول سالۋعا كۇش سالىنىپ، وڭتۇستىك، سولتۇستىك شينجياڭ ۇلكەن ارنالارى جەدەل سالىنادى. سول كەزدە شينجياڭنىڭ قاتىناس نەگىزى ءتىپتى دە بەكەمدەلەدى.
اقتاڭداقتى ازايتىپ، ۇلاسقان، تۇتاسقان تور قالىپتاستىردى
شينجياڭنىڭ ”3 تاۋ، 2 ويپاتتى اراعا العان“ ەرەكشە جەر ءتۇزىلىسى شينجياڭنىڭ سان قيلى كورىكتى كورىنىسىن قالىپتاستىرعان، دەسەدە بۇل قاتىناستىڭ دامۋىنا تۇساۋ بولىپ كەلدى. اسىرەسە، اسقار دا قاتەرلى تيانشان تاۋى شينجياڭدى وڭتۇستىك جانە سولتۇستىك سىندى ەكى جەرگە ءبولدى، قاتىناس نەگىزدىك قۇرىلعى نىساندارىنىڭ ىركەس - تىركەس تياناقتانۋىنا ىلەسە، سولتۇستىك شينجياڭدا جوڭعار ويپاتىن اينالا، وڭتۇستىك شينجياڭدا تارىم ويپاتىن اينالا جالپى بەتتىك جوعارى جىلدامدىقتى جول سالۋ، نەگىزىنەن، جۇزەگە استى، الايدا وڭتۇستىك، سولتۇستىك شينجياڭدى ۇلاستىراتىن جوعارى جىلدامدىقتى تاس جول سالۋ ورتادا كولبەپ جاتقان تيانشان تاۋىنىڭ سەبەبىنەن الىگە دەيىن قالىپتاسپاعان ەدى.
وڭتۇستىك، سولتۇستىك شينجياڭدى ۇلاستىراتىن جوعارى جىلدامدىقتى تاس جولدى ەرتەرەك سالىپ شىعۋ ءۇشىن، قۇرىلىسشىلار تيانشان تاۋىنا ”اتوي“ سالدى. 8 - ايدىڭ 29 - كۇنى G0711 لەنياسى ۇرىمجىدەن لوپنۇرعا دەيىنگى جوعارى جىلدامدىقتى تاس جول تيانشان جەڭىس تۋنەلىنىڭ كىرەر اۋزىنداعى ورتا جەتەك ۇڭگىرىندە قاتتى تاۋ جىنىسىن قازۋ ماشيناسى ۇزدىكسىز الدىعا قاراي قازىپ، كىرەر اۋىزدىڭ ورتا جەتەك ۇڭگىرىن جيىنى 6010 مەتىر قازىپ كىرگىزدى، بۇعان شىعار اۋىزدىڭ ورتا جەتەك ۇڭگىرىنىڭ 7000 نەشە مەتر قازىلۋ ارالىعىن قوسقاندا، بۇل تۋنەلدىڭ كىرەر - شىعار اۋىزدارىنداعى ورتا جەتەك ۇڭگىرى جيىنى 13 كيلومەتر قازىلدى.
ءۇرىمجى − لوپنۇر جوعارى جىلدامدىقتى تاس جولى تيانشان تاۋىن ەندەي وتەتىن ءتۇيىندى قاتىناس نىسانى، مۇنىڭ ىشىندە تيانشان جەڭىس تۋنەلى نىساننىڭ تىزگىندەۋ سيپاتتى ينجەنەرياسى، تۋنەل ۇلاسا قالسا، وڭتۇستىك، سولتۇستىك شينجياڭدى تەز ۇلاستىرۋ، تۇتاستىرۋدى جۇزەگە اسىرۋعا بولادى.
”ءبىز عىلمي جوسپارلاپ، قۇرىلىستى جەدەلدەتىپ، تيانشان جەڭىس تۋنەلىنىڭ قۇرىلىسىن ەرتەرەك ورىنداۋعا قۇلشىنامىز“، - دەدى جۇڭگو قاتىناس قۇرىلىسى شينجياڭ ءۇرىمجى − لوپنۇر تاس جولىن كوتەرىپ الۋ PPP نىسانى ءۇرىمجى − لوپنۇر تاس جولى توپىراق قۇرىلىسى 5 - بولىك نىسان ءبولىمىنىڭ ديرەكتورى ۋاڭ حىچي.
اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى اسەنجان احمەت مىنالاردى ءبىلدىردى: شينجياڭ تاس جول تورىنداعى ولقىلىقتاردى تولىقتاپ، ”14 - بەسجىلدىقتىڭ“ اياعىندا تاس جولدىڭ جالپى ۇزىندىعىن 220 مىڭ كيلومەترگە جەتكىزىپ، تۇتاس شينجياڭنىڭ نەگىزگى ارنا تاس جولدارىندا اينالما، تور قالىپتاستىرۋعا قۇلشىنادى.
«مەملەكەت تاس جولى تورى جوباسىندا» شينجياڭنىڭ ىشىندەگى نەگىزگى ارنا جول تورابى جونىندەگى ورنالاستىرۋ جاقسارتىلدى، كەمەلدەندىرىلدى، اسىرەسە، شەكارادان كىرىپ - شىعاتىن ۇلكەن ارنا G680 لەنياسى كوكتوعايدان تايكەشكەنگە دەيىنگى تاس جول، شينجياڭعا كىرىپ - شىعاتىن ۇلكەن ارنا G571 لەنياسى لاپەيچۋاننان باشقورعانعا دەيىنگى تاس جول، وڭتۇستىك، سولتۇستىك شينجياڭ ۇلكەن ارناسى G3033 لەنياسى كۇيتۇننەن مايتاۋعا، كۇشارعا دەيىنگى جوعارى جىلدامدىقتى تاس جول، بيڭتۋان مەن جەرگىلىكتى ورىن ۇلكەن ارناسى G3036 لەنياسى اقسۋدان ارالعا دەيىنگى جوعارى جىلدامدىقتى تاس جول سياقتى اقتاڭداق ماسەلەلەرىن شەشۋدەگى ماڭىزدى جەلىلەر جوباعا ەنگىزىلدى.
”جوباداعى نىساندار تياناقتانعاننان كەيىن، شينجياڭنىڭ تەمىر جول تورابى ءتىپتى دە كەمەلدەنىپ، شينجياڭنان كىرىپ - شىعۋ، شەكارادان كىرىپ - شىعۋ، وڭتۇستىك، سولتۇستىك شينجياڭ ارنالارى ءوزارا ۇلاسقان، تۇتاسقان قاتىناس تورابىن قالىپتاستىرادى“، - دەدى اسەنجان احمەت.
بولاشاقتاعى تەمىر جول قۇرىلىسىندا قۇلجادان اقسۋعا دەيىنگى، لوپنۇردان چارقىلىققا دەيىنگى سياقتى وڭتۇستىك شينجياڭ مەن سولتۇستىك شينجياڭدى تۇتاستىراتىن تەمىر جول نىساندارى دا قۇرىلىس ءتۇيىنى بولادى، بۇل نىساندار شينجياڭ تەمىر جولىنىڭ سولتۇستىك، ورتا، وڭتۇستىك ارنالارىن تۇتاستىرىپ، شينجياڭدى اينالعان تەمىر جول تورابىن قالىپتاستىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
