اۆتونوميالى رايون ارناۋلى تاقىرىپتىق بەينە ەكراندا ورنالاستىرۋ ءماجىلىسىن اشىپ، وقۋشىلاردىڭ شينجياڭنان شىعۋى، شينجياڭعا قايتۋى، ەنەرگيامەن قامداۋعا كەپىلدىك ەتۋ سياقتى قىزمەتتەردى ورنالاستىردى
حالىق تۇرمىسىن، اينالىمدى، حاۋىپسىزدىكتى، دامۋدى كۇش سالا قامتاماسىز ەتۋ كەرەك
2022.09.01 16:58 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 29 - كۇنى تۇستەن كەيىن جانە 8 - ايدىڭ 30 - كۇنى تۇستەن بۇرىن اۆتونوميالى رايون ارناۋلى تاقىرىپتىق بەينە ەكراندا ورنالاستىرۋ ءماجىلىسىن اشىپ، 2022 - جىلعى كۇزگى وقۋ ماۋسىمىندا وقۋشىلاردىڭ شينجياڭنان شىعۋى، شينجياڭعا قايتۋى، جۇمىستاندىرۋ، اينالىمعا، ىركىلىسسىزدىككە كەپىلدىك ەتۋ، كۇز، قىس ماۋسىمدارىنداعى ەنەرگيامەن جانە بازارمەن قامداۋعا كەپىلدىك ەتۋ سياقتى قىزمەتتەردى ورنالاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى.
8 - ايدىڭ 29 - كۇنى اشىلعان بەينە ەكراندا ورنالاستىرۋ ماجىلىسىندە، ەركىن تۇنياز اۆتونوميالى رايوندىق وقۋ - اعارتۋ مەڭگەرمەسىنىڭ، قاتىناس - تاسىمال مەڭگەرمەسىنىڭ، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ، ءۇرىمجى قالاسىنىڭ وقۋشىلاردىڭ شينجياڭنان شىعۋ، شينجياڭعا قايتۋ قىزمەتى جاعدايى جونىندەگى مالىمەتىن تىڭداپ، ءۇرىمجى، قۇمىل، تۇرپان سياقتى جەرلەردىڭ اۋەجاي، پويەز ستانسيالارىنىڭ ناق مايدان جاعدايىن ۇعىسىپ، حاۋىپسىزدىككە كەپىلدىك ەتۋ العى شارتىندا، ەڭ جوعارى ولشەم، ەڭ كۇشتى ۇيىمداستىرۋ، ەڭ ناقتى شارا ارقىلى وقۋشىلاردىڭ شينجياڭنان شىعۋ، شينجياڭعا قايتۋ قىزمەتىن كۇش سالا ويداعىداي ىستەپ، مەكتەپكە قايتاتىن وقۋشىلاردىڭ ينفورماتسياسىن دالمە - ءدال انىقتاپ، قاتىستى ولكە، رايون، قالالارمەن سايكەسۋدى، تىلدەسۋدى كۇشەيتىپ، حىسۋان، انتيگەن تەكسەرۋ، دەنە تەمپەراتۋراسىن باقىلاۋ - تەكسەرۋ سياقتى ىندەتتەن ساقتانۋ شارالارىن قاتاڭ تياناقتاندىرىپ، وقۋشىلاردىڭ شىعاتىن جەرىندە جينالۋى، جولشىباي كولىك اۋىستىرۋى، مەكتەپكە قايتقاننان كەيىنگى تاپسىرىپ بەرۋ - تاپسىرىپ الۋ تۇتاس تىزبەگىن باسقارۋدى ويداعىداي ىستەپ، وقۋشىلاردىڭ مەكتەپكە ءساتتى قايتۋىنا شىنايى كەپىلدىك ەتۋ كەرەكتىگىن باسا دارىپتەدى.
8 - ايدىڭ 30 - كۇنى اشىلعان بەينە ەكراندا ورنالاستىرۋ ماجىلىسىندە، ەركىن تۇنياز بەينە ەكراندا كومىر، ەلەكتر قۋاتى، تابيعي گاز سياقتىلارمەن قامداۋعا كەپىلدىك ەتەتىن كاسىپورىندار مەن اۋىل شارۋاشىلىعى قوسىمشا ونىمدەرى جالپىلىق بازارىنىڭ ناق مايدانداعى جاعدايىن ورنالاستىرىپ، اۆتونوميالى رايوندىق دامۋ جانە رەفورما كوميتەتىنىڭ، ونەركاسىپ جانە ينفورماتسيالاندىرۋ مەڭگەرمەسىنىڭ، تۇرعىن ءۇي جانە قالا، اۋىل قۇرىلىسى مەڭگەرمەسىنىڭ، ساۋدا ىستەرى مەڭگەرمەسىنىڭ، ءۇرىمجى قالاسىنىڭ، سانجى حۇيزۋ اۆتونوميالى وبلىسىنىڭ ەنەرگيامەن قامداۋعا كەپىلدىك ەتۋ، كاسىپورىنداردىڭ ءوندىرىس اينالىمى، زاتتىق ماتەريالدارمەن قامتاماسىز ەتۋ سياقتى جاعدايلار جونىندەگى مالىمەتىن تىڭدادى. ول بىلاي دەپ باسا دارىپتەدى: حالىق تۇرمىسىن قامتاماسىز ەتۋدى، اينالىمدى قامتاماسىز ەتۋدى، حاۋىپسىزدىكتى قامتاماسىز ەتۋدى، دامۋدى قامتاماسىز ەتۋدى ماڭىزدى ورىنعا قويىپ، كومىرمەن قامداۋ حاۋىپسىزدىگىن تومەنگى شەكتەن تۇسىرمەۋگە، مۇناي - تابيعي گاز سۇرانىسىن جەتكىلىكتى قامتاماسىز ەتۋگە، ەلەكترمەن قامداۋدىڭ تۇراقتى دا سەنىمدى بولۋىنا، تۇرمىستىق زاتتارمەن ءونىمدى تۇردە قامداۋعا شىنايى كەپىلدىك ەتۋ كەرەك.
ەركىن تۇنياز بىلاي دەپ باسا دارىپتەدى: رايونىمىزدىڭ ىندەت جاعدايىنىڭ ورنىعىپ جاقسارۋعا بەت الۋىنا ساي، ىندەتتەن ساقتانۋ - تىزگىندەۋدىڭ ءتۇرلى شارالارىن ۇزدىكسىز قاتاڭ يگەرۋ، ناقتى يگەرۋ، ەگجەي - تەگجەيلى يگەرۋ العى شارتىندا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جاپپاي جوعارى ءونىمدى ءبىر تۇتاس جوسپارلاپ، قالىپتى ءوندىرىس، تۇرمىس ءتارتىبىن ورنىقتى، ءتارتىپتى تۇردە قالپىنا كەلتىرۋ كەرەك. قاتىستى تاراۋلار، ورىندار ساياسي دەڭگەيدى جوعارىلاتىپ، ىندەتتەن ساقتانۋ - تىزگىندەۋ جانە وقۋشىلاردىڭ شينجياڭنان شىعۋى، شينجياڭعا قايتۋى قىزمەتىن ءبىر تۇتاس جوسپارلاپ ويداعىداي ىستەۋ كەرەك. بۇكىل رايونىمىزدىڭ كومىر، ەلەكتر، مۇناي - تابيعي گاز اينالىمىن قامتاماسىز ەتۋدى ويداعىداي يگەرىپ، شىنجياڭنىڭ ءىشىن قامداۋعا كەپىلدىك ەتۋدى تياناق ەتىپ، مەملەكەتتىڭ ەنەرگيا حاۋىپسىزدىگىنە اناعۇرلىم زور ۇلەس قوسۋ كەرەك. حالىق تۇرمىسىنا تىعىز جاناسىپ، بازاردىڭ قامداۋىن ءوسىرىپ، ”استىق“، ”كوجە قاتىق“ سياقتىلارمەن جەتكىلىكتى قامداۋدى كۇش سالا قامتاماسىز ەتىپ، بۇقارانىڭ كوپ نەگىزدى سۇرانىسىن قاناعاتتاندىرۋ كەرەك، كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋدىڭ ءتۇرلى ساياسات - شارالارىن ەگجەي - تەگجەيلى، ناقتى تياناقتاندىرىپ، جۇمىسسىزدىق قامسىزداندىرۋ قاراجاتىن جۇمىس ورنىن ورنىقتىرۋ بويىنشا قايتارىپ بەرۋ سياقتى اۋىرتپالىقتى جەڭىلدەتىپ، جۇمىس ورنىن ورنىقتىرۋ، جۇمىستانۋدى كەڭەيتۋ ساياساتتارىنىڭ تياناقتاندىرىلۋىن جەدەلدەتۋ، بار كۇشپەن جۇمىستانۋدى ورنىقتىرۋ، جۇمىستانۋدى قامتاماسىز ەتۋ كەرەك. 12345 ۇكىمەتتىك قىزمەت وتەۋ ىستىق لەنياسى سياقتى ارىز ايتۋ ارنالارىن ىركىلىسسىزدەندىرىپ، بۇقارانىڭ تالاپ - تىلەگىنە دەر كەزىندە جاۋاپ قايتارىپ، بۇقارانىڭ رازىلىق دارەجەسىن ۇزدىكسىز ءوسىرۋ كەرەك.
چىن ۋيجۇن، جاروللا يسامدين قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
