ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتىنىڭ مەملەكەت حاۋىپسىزدىگى مينيسترلىگىندە تۇراتىن ءتارتىپ تەكسەرۋ، باقىلاۋ ـ تەكسەرۋ گرۋپپاسىنىڭ بۇرىنعى باستىعى، مەملەكەت حاۋىپسىزدىگى مينيسترلىگى پارتكومىنىڭ بۇرىنعى مۇشەسى ليۋ يانپيڭ تارتىپكە، زاڭعا اۋىر قايشىلىق جاساعاندىقتان پارتيادان شىعارىلدى جانە قىزمەتىنەن ايدالدى
2022.09.02 13:41 كەلۋ قاينارى : حالىق تورابى
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى تورابىنىڭ حابارى. تاياۋدا ج ك پ ورتالىق كوميتەتىنىڭ بەكىتۋىمەن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتىنىڭ مەملەكەت حاۋىپسىزدىگى مينيسترلىگىندە تۇراتىن ءتارتىپ تەكسەرۋ، باقىلاۋ ـ تەكسەرۋ گرۋپپاسىنىڭ بۇرىنعى باستىعى، مەملەكەت حاۋىپسىزدىگى مينيسترلىگى پارتكومىنىڭ بۇرىنعى مۇشەسى ليۋ يانپيڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى مىنانى انىقتادى: ليۋ يانپيڭ مۇرات ـ سەنىمىن جوعالتىپ، پارتيالىلىق پرينسيپتەن ايرىلعان، «ەكىنى قورعاۋدان» بەزىپ، «ٴتورت تانىمنان» جۇرداي بولعان، ساياسي جاقتا تۇبەگەيلى ازعىنداپ، سۇن ليجۇن ساياسي توبىنا قاتىناسقان، ساياسي مۇددە ايىرباسىن بارىنشا جۇرگىزىپ، ورايدان پايدالانىپ ورمەلەپ، ايلاكەرلىك ىستەگەن؛ زاڭ - ءتارتىپتى قالاعانىنشا اياق استى ەتىپ، قوعام حاۋىپسىزدىگى قورعاۋشىلىق ۇقىعىنان الباتى پايدالانعان، ونى ساياسي كاپيتال تابۋدىڭ، جەكە باسىنىڭ قامىن كۇيتتەۋدىڭ قۇرالىنا اينالدىرىپ، ناشار ىقپال تۋدىرعان؛ ۇزاق ۋاقىت سوقىر سەنىم قيمىلىن ۇيىمداستىرعان؛ ۇيىمنىڭ تەكسەرۋىنە قارسى تۇرعان. تۇرمىستا قاتتى ءىرىپ - شىرىگەن، ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەپ - ەسكەرمەي، بەلگىلەمەگە قايشىلىق جاساپ، كوپ تۇرعىن ءۇيدى يەلەپ العان، استا – توك ءىشىپ - جەپ، ۇزاق ۋاقىت بويى جەكەشە كاسىپورىن قوجايىندارىنىڭ گولف دوپ ويناۋ ورنالاستىرۋىن قابىلداعان ءارى دوپ كارتۋچكاسىن العان. ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسى، ساياحات جانە ەمدەۋ قىزمەت وتەۋى قاتارلى قيمىل ورنالاستىرۋلارىن ۇزاق ۋاقىت قابىلداعان، تارتۋ - تارالعى الىپ، توي – تومالاق، ءولىم – ءجىتىم ىستەرىن كەڭ كولەمدە ىستەگەن ءارى ورايدان پايدالانىپ اقشا جيناعان؛ ۇيىمدىق پرينسيپكە اۋىر قايشىلىق جاساپ، ۇيىم حات ارقىلى سۇراستىرعاندا ماسەلەسىن قاز - قالپىندا تۇسىندىرمەگەن. كادرلاردى تاڭداپ ءوسىرۋ، مىندەتكە تاعايىنداۋ، جۇمىسشى - قىزمەتكەرلەردى قابىلداۋ قىزمەتىندە بەلگىلەمەگە قايشىلىق جاساپ، باسقالارعا پايدا جەتكىزگەن؛ ءمورالدىق جاقتان ازعىنداپ، ۇقىق – ءناپسى ساۋداسىن، ۇقىق – اقشا ساۋداسىن بارىنشا جۇرگىزگەن؛ ۇقىق كوزقاراسى توتەنشە بۇرمالانعان. قولىنداعى ۇقىعىنان بەتالدى پايدالانىپ، باسقالارعا كاسىپورىن تيجاراتى سياقتى جاقتاردا پايدا جەتكىزگەن، ءارى زاڭسىز قوماقتى مال - مۇلىك العان.
ليۋ يانپيڭ پارتيانىڭ ساياسي تارتىبىنە، ۇيىمدىق تارتىبىنە جانە پاكتىك تارتىبىنە اۋىر قايشىلىق جاساعان، قىزمەت مىندەتى بويىنشا زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن تيىلماعان، تىزگىنىن تارتپاعان، سيپاتى ەرەكشە جيرەنىشتى، ماسەلەسى ەرەكشە اۋىر، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەر جازاسى زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنىڭ بەكىتۋى ارقىلى ليۋ يانپيڭگە پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ ـ تەكسەرۋ كوميتەتى وعان قىزمەتتەن ايداۋ جازاسىن بەردى؛ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا تاپسىرىپ، ساياتىن مال ـ مۇلىكتى بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
