ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى «جاڭا داۋىردەگى جالپى حالىقتىق قورعانىس تاربيەسى قىزمەتىن كۇشەيتۋ جانە جاقسارتۋ جونىندەگى پىكىردى» باسىپ تاراتتى
2022.09.02 15:56 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 1 - كۇنى، بەيجيڭ. ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى تاياۋدا «جاڭا داۋىردەگى جالپى حالىقتىق قورعانىس تاربيەسى قىزمەتىن كۇشەيتۋ جانە جاقسارتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى.
«پىكىردە» بىلاي دەپ اتاپ كورسەتىلدى: جالپى حالىقتىق قورعانىس تاربيەسى − مەملەكەت قورعانىسى مەن قۇدىرەتتى حالىق ارمياسىن قۇرۋدىڭ، بەكەمدەۋدىڭ نەگىزدىك ينجەنەرياسى، پارتيانىڭ ۇگىت - يدەيا قىزمەتىنىڭ ماڭىزدى قۇرامداس بولىگى، وتانشىلدىق رۋحتى ساۋلەلەندىرۋدىڭ، جالپى حالىقتىڭ قورعانىس تانىمىن كۇشەيتۋدىڭ ءونىمدى جولى، ماڭىزى زور، ىقپالى تەرەڭ. پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جالپى حالىقتىق قورعانىس تاربيەسى قىزمەتىنە ايرىقشا ءمان بەرىپ، ءبىرقىدىرۋ ماڭىزدى شەشىم، ورنالاستىرۋ جاساپ، جاڭا داۋىردەگى جالپى حالىقتىق قورعانىس تاربيەسىنە باسشىلىق ەتۋ ءتۇزىلىس، مەحانيزمى رەفورماسىن ىلگەرىلەتىپ، قۇربانداردى ەسكە ءتۇسىرۋ كۇنىن، مەملەكەتتىك ازا ءبىلدىرۋ كۇنىن بەلگىلەپ، پارتيا مەن مەملەكەتتىڭ ەڭبەك ءسىڭىرىپ داڭىققا كەنەلگەندەردى ماراپاتتاۋ ءتۇزىمىن ورناتىپ، ءبىرقىدىرۋ ماڭىزدى قۇتتىقتاۋ، ەسكە ءتۇسىرۋ قيمىلىن وتكىزۋدى جوسپارلاپ، پارتيانىڭ، ارميانىڭ، حالىقتىڭ تىلەگىن بارىنشا سەرپىلتتى، جالپى حالىقتىڭ قورعانىس تانىمى ۇزدىكسىز كۇشەيدى، مەملەكەت قورعانىسى مەن ارميا قۇرىلىسىنا كوڭىل ءبولىپ، قولداۋ كورسەتەتىن قوعامدىق اۋقىم اناعۇرلىم كۇشەيدى. وتاننىڭ بەيبىت بىرلىككە كەلۋىن ىلگەرىلەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋدا جالپى حالىقتىڭ قورعانىس تاربيەسى قىزمەتىنىڭ بورىشى داڭقتى، مىندەتى جاپالى.
«پىكىردە» بىلاي دەپ ايقىن بەلگىلەندى: جاڭا داۋىردەگى جالپى حالىقتىق قورعانىس تاربيەسى قىزمەتىن كۇشەيتۋ جانە جاقسارتۋدا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ جالپى حالىقتىق قورعانىس تاربيەسى قىزمەتىنە باسشىلىعىندا تاباندى بولىپ جانە ونى كۇشەيتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، جالپى حالىقتىڭ پارتيانى، وتاندى، سوتسياليزمدى ءسۇيۋ تەرەڭ سۇيىسپەنشىلىگىن، امانشىلىقتا جامانشىلىقتىڭ بولارىن ويلاۋ سىندى تاۋقىمەت تانىمىن، ارميانى ارداقتاۋ يدەيالىق كوزقاراسىن، مەملەكەتتى، ارميانى قۇدىرەتتەندىرۋ جاۋاپكەرلىگىن كۇشەيتۋگە كۇش سالىپ، مەملەكەت قورعانىسىنا كوڭىل ءبولۋدى، مەملەكەت قورعانىسىن قىزۋ ءسۇيۋدى، مەملەكەت قورعانىسىن قۇرۋدى، مەملەكەت قورعانىسىن قورعاۋدى تۇتاس قوعامنىڭ يدەيالىق ورتاق تانىمىنا جانە سانالى ارەكەتىنە اينالدىرۋ كەرەك.
«پىكىردە» مىنالار دارىپتەلدى: باس شۋجي شي جينپيڭنىڭ جالپى حالىقتىق قورعانىس تاربيەسىن كۇشەيتۋ جونىندەگى ماڭىزدى نۇسقاۋىنىڭ رۋحىن تياناقتاندىرىپ، شي جينپيڭ ارميانى قۇدىرەتتەندىرۋ يدەياسىن جالپى حالىقتىق قورعانىس تاربيەسىنىڭ ءار سالاسىنا، تۇتاس بارىسىنا ءسىڭىرۋ كەرەك. مەملەكەت قورعانىسى نازارياسى، مەملەكەت قورعانىسى بىلىمدەرى، مەملەكەت قورعانىسى تاريحى، مەملەكەت قورعانىسى زاڭ - ەرەجەلەرى، مەملەكەت قورعانىسى عىلىم - تەحنيكاسى، مەملەكەت قورعانىسى جاعدايى جانە مىندەتى، مەملەكەت قورعانىسى ونەرى جاقتارىنداعى ۇيرەتۋدى، تاربيەنى كۇشەيتىپ، مەملەكەت قورعانىسى مادەنيەتىن جەتىلدىرىپ، قالىڭ كادرلار مەن بۇقارانىڭ مەملەكەت قورعانىسى تانىمى مەن مەملەكەت قورعانىسى ساپاسىن جوعارىلاتۋ كەرەك. باسشى كادرلاردىڭ قورعانىس تاربيەسىن ۇزدىكسىز كۇشەيتىپ، ولكە، مينيسترلىك دارەجەلى، مەڭگەرمە، مەكەمە دارەجەلى، اۋدان، باسقارما دارەجەلى باسشى كادرلاردى قورعانىس تاربيەسى بويىنشا ارناۋلى كۋرستان وتكىزۋگە دارەجەگە ءبولىپ ۇيىمداستىرىپ، كاسىپورىندار، ءىسورىندار، باستاۋىش، ورتا، جوعارى مەكتەپتەر، ءتۇرلى اقپارات قۇرالدارى سياقتى ورىنداردىڭ جاۋاپتىلارىنىڭ قورعانىس تاربيەسى بويىنشا ارناۋلى كۋرستان وتكىزىلۋىن تارتىپپەن ورىستەتۋ كەرەك. جاستار مەن ورەندەردىڭ قورعانىس تاربيەسىن كۇش سالا نىعايتىپ، قورعانىس تاربيەسى تالابىن وقۋلىق ماتەريالدارىمەن ورگانيكالى ۇشتاستىرىپ، قورعانىس تاربيەسىن ادەتتەگى جوعارى مەكتەپتەر مەن ورتا مەكتەپتەردىڭ ەمتيحان مازمۇندارىمەن ۇشتاستىرىپ، مەكتەپتەردىڭ قىزمەت ناتيجەسىن باعالاۋ جۇيەسىنە ەنگىزۋ كەرەك.
«پىكىردە» مىنالار ورتاعا قويىلدى: امالياتتىق دانەكەردى ۇزدىكسىز بايىتىپ، ارميا مەن جەرگىلىكتى ورىننىڭ بايلىعىنا سۇيەنىپ، قۇرىلىمدىق ورنالاستىرۋدى ساپالىلاندىرىپ، ولكە، اۆتونوميالى رايون، توتە قاراستى قالالاردىڭ قورعانىس ەرەكشەلىگى ايقىن، يقۋاتتىق قۇرىلعىلارى سايكەستى ءبىر توپ جالپى حالىقتىق قورعانىس تاربيەسى بازاسىن قۇرۋىن ىلگەرىلەتۋ كەرەك. بۇقارالىق قورعانىس تاربيەسى قيمىلىن كەڭ كولەمدە ورىستەتىپ، «مەملەكەت قورعانىسىن ءسۇيۋ» اتىنداعى مەملەكەتتىك ستۋدەنتتەر لەكسياسى مەن باستاۋىش، ورتا، جوعارى مەكتەپتەردىڭ مەملەكەت قورعانىسى بىلىمدەرىن جالپىلاستىرۋ قيمىلىن ۇيىمداستىرىپ جانە وتكىزىپ، مەملەكەت قورعانىسى تاقىرىپتىق كينولارىن قويۋ، مەملەكەت قورعانىسى ونەر باسەكەسىن وتكىزۋ، مەملەكەت قورعانىسى دەنەتاربيە جارىسى سياقتى بۇقارالىق قورعانىس تاربيەسى قيمىلىن ورىستەتىپ، قوعامنىڭ ءار سالاسىن كەڭ كولەمدە ات سالىسۋعا باۋراۋ كەرەك. الەۋمەت پىكىرىندىك ۇگىتتەۋدى، جەتەكتەۋدى كۇشەيتىپ، جالپى حالىقتىق قورعانىس تاربيەسىن كەلەلى تاقىرىپتىق ۇگىتپەن، جاعداي، ساياسات ۇگىتىمەن، تابىس ۇگىتىمەن، تيپتىك ۇگىتپەن توعىستىرىپ، جالپى حالىقتىق قورعانىس تاربيەسى ۇگىتىنىڭ باۋراۋ قۋاتى مەن اسەرلەندىرۋ قۋاتىن جوعارىلاتۋ كەرەك. تاڭداۋلى ادەبيەت - كوركەمونەر تۋىندىلارىن جاراتۋعا دەم بەرىپ، وتاندى ءسۇيۋ، ارميانى قۇدىرەتتەندىرۋ، مەملەكەت قورعانىسىنا ءوزىن ارناۋ مازمۇنىنداعى ادەبيەت - كوركەمونەر سارا تۋىندىلارىن ۇزدىكسىز كوپتەپ جارىققا شىعارۋ كەرەك. وزات تيپتەر ارقىلى ۇلگى كورسەتىپ جەتەكشىلىك ەتۋگە ءمان بەرىپ، مەملەكەت قورعانىسى ىستەرىنە ەلەۋلى ۇلەس قوسقان ءبىر توپ وزات تيپتەردى دەن قويا تاڭداپ، «مەملەكەت قورعانىسىنا سۇيىسپەنشىلىك ورناتۋ» جەلىلەس وزات تيپتەردى ۇگىتتەۋ قيمىلىن ورىستەتۋ كەرەك. جالپى حالىقتىق قورعانىس تاربيەسىن ينفورماتسيالاندىرۋ قۇرىلىسىن كۇشەيتىپ، جالپى حالىقتىق قورعانىس تاربيەسىنىڭ جاڭا مەديا توراپ جۇيەسىن قۇرۋ كەرەك.«پىكىردە» مىنالار تالاپ ەتىلدى: جاڭالىق اشا دامۋدى بار كۇشپەن ىلگەرىلەتىپ، ينتەرنەت، ءىرى ساندى مالىمەت، بۇلتتىق ەسەپتەۋ، جاساندى زەردە، وڭىرلىك تىزبەك سياقتى جاڭا تەحنيكالاردان، جاڭا قولدانىستاردان پايدالانۋ جاقتارىندا ىزدەنىس جاساپ، سيفرلى تەحنيكانىڭ جالپى حالىقتىق قورعانىس تاربيەسىندەگى زورايتۋ، قاباتتاۋ، ەسەلەپ ارتتىرۋ رولىن ساۋلەلەندىرۋ كەرەك. جالپى حالىقتىق قورعانىس تاربيەسى پاندەر قۇرىلىسىن كۇشەيتىپ، پاندەردىڭ ساباق جۇيەسىن كەمەلدەندىرىپ، نازاريالىق زەرتتەۋ مەن وقۋلىقتاردى قۇراستىرۋدى ورىستەتۋ كەرەك. ارميانىڭ ماڭىزدى رولىن تولىق ساۋلەلەندىرىپ، بەلگىلەمە بويىنشا ءبىرقىدىرۋ اسكەري كازارمالاردى اشىق ۇستاۋ قيمىلىن ۇيىمداستىرىپ جانە ورىستەتىپ، ارمياداعى مامان - وقىمىستىلاردى قورعانىس تاربيەسىندەگى وقىتۋشىلار قامباسىنا، ۇگىت - لەكسيا ۇيىرمەسىنە قاتىناسۋعا تاڭداپ، اسكەري امالياتتىق قيمىلداردى سايكەستى ورىستەتىپ، جەرگىلىكتى ورىنداردىڭ جالپى حالىقتىق قورعانىس تاربيەسىن ورىستەتۋىنە قولداۋ كورسەتۋ جانە سايكەسۋ كەرەك. باسشىلىق جۇيەسىن كەمەلدەندىرىپ، قىزمەت مەحانيزمىن اقاۋسىزداندىرىپ، ساياسات، زاڭ - ەرەجەلەردى كەمەلدەندىرىپ، باعالاۋ جۇيەسىن ورناتىپ، جالپى حالىقتىق قورعانىس تاربيەسىن كۇشەيتۋ مەن جاقسارتۋدى بۇكىل پارتيانىڭ، بۇكىل ارميانىڭ، بۇكىل قوعامنىڭ ورتاق جاۋاپكەرلىگى ەتىپ، جەرگىلىكتى پارتكومدار مەن ۇكىمەتتەردىڭ، ارميانىڭ ءارقايسى تاراۋلارىنىڭ قىزمەت جاۋاپلكەرلىگىنە، مىندەتىنە ەنگىزىپ، پارتكوم باسشىلىق ەتەتىن، ارميا مەن جەرگىلىكتى ورىن تىعىز سايكەسەتىن، قوعامنىڭ ءار سالاسى قولدايتىن، جالپى حالىق بىرگە ات سالىساتىن قىزمەت جاعدايىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
