جۇڭگو عۇمىر قامسىزداندىرۋ (توبى) سەرىكتەستىگى پارتكومىنىڭ بۇرىنعى شۋجيى، باس جوراسى ۋاڭ بين تارتىپكە، زاڭعا اۋىر قايشىلىق جاساعاندىعى سەبەپتى پارتيادان شىعارىلدى جانە قىزمەتتەن ايدالدى
2022.09.02 13:43 كەلۋ قاينارى : حالىق تورابى
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى تورابىنىڭ حابارى. تاياۋدا ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جۇڭگو عۇمىر قامسىزداندىرۋ (توبى) سەرىكتەستىگى پارتكومىنىڭ بۇرىنعى شۋجيى، باس جوراسى ۋاڭ بيننىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى مىنانى انىقتادى: ۋاڭ بين مۇرات - سەنىمىنەن ايرىلىپ، اۋەلگى ماقساتتان، بورىشتان بەزىپ، ساياسي تانىمى سولعىنداعان، پارتيا ورتالىق كوميتەتىنىڭ فينانس حاۋىپ - قاتەرىنەن ساقتانۋ جانە ونى جويۋ جونىندەگى كەلەلى شەشىمدەرى مەن ورنالاستىرۋلارىن تياناقتاندىرۋدان باس تارتقان، فينانس حاۋىپ - قاتەرىن جاساپ، زورايتىپ، فينانس جاعىنان زور دارەجەدە ءىرىپ – شىرگەن، پارتيانى جاپپاي قاتاڭ جونگە سالۋدىڭ سۋبيەكتتىك جاۋاپكەرشىلىگىنەن ۇزاق ۋاقىت بەزىپ، جاقىندارىنا عانا، جەكە مۇددەسى ءۇشىن عانا، پايدا ءۇشىن عانا قىزمەت ىستەيتىن بولعان، تۇرعان قىزمەت ورنىنىڭ ساياسي ەكولوگياسىن اۋىر دارەجەدە لاستاعان، پارتيانى باسقارۋ، پارتيانى جونگە سالۋدا كەڭ، بوس، ٴالسىز بولىپ، باقىلاۋعا كونبەگەن، باقىلاۋعا قارسىلىق كورسەتكەن، ۇيىمدىق تەكسەرۋگە قارسى تۇرعان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، بەلگىلەمەگە قايشىلىق جاساپ تارتۋ – تارالعى العان، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان ساياحات ورنالاستىرۋى مەن قوناعاسىلاردى قابىلداعان؛ جەكە باسىنا قاتىستى ىستەردى بەلگىلەمە بويىنشا مالىمدەمەگەن؛ باسقارۋ جانە قىزمەت وتەۋ وبيەكتىلەرىنىڭ قوماقتى اقشاسىن الىپ ىستەتىپ تۇرعان، بەلگىلەمەگە قايشىلىق جاساپ بازارعا سالىنباعان سەرىكتىكتىڭ جارناسىنا يە بولعان؛ بازار شارۋاشىلىعى قيمىلدارىنا كيلىككەن جانە ارالاسقان؛ وتباسى سالتىن بۇزىپ، ۇزاق ۋاقىت بويى تۋىس - تۋعاندارىنىڭ تارتىپكە، زاڭعا قايشى ارەكەتتەرمەن شۇعىلدانۋىنا جول بەرگەن، ءتىپتى كومەكتەسىكەن؛ تيتتەي دە يمەنبەي، ويىنا كەلگەنىن ىستەگەن، «قورشاپ اۋلاۋشىلاردىڭ» تۇزاعىنا ءوزى ەركىمەن تۇسكەن، ٴتىپتى وزدىگىنەن ىزدەگەن، ۇكىمەت ۇقىعىن وراسان زور جەكە مۇددەنى قولعا كەلتىرۋدىڭ قۇرالى ەتكەن. قىزمەت قولايلىلىعىنان پايدالانىپ، باسقالاردىڭ قارىز اقشا ارقىلى قارجى قۇراۋ، نىسان سەلبەستىگى سياقتى جاقتاردا پايدا تابۋىنا كومەكتەسكەن ءارى زاڭسىز قوماقتى مال – مۇلىك العان.
ۋاڭ بين پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتى بويىنشا زاڭعا اۋىر قايشىلىق جاساعان ءارى پارا الۋ سياقتى قىلمىسقا شاتىلعان، سونداي ـ اق پارتيا 18 ـ قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەر جازاسى زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنە بەكىتتىرۋ ارقىلى ۋاڭ بينگە پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ ـ تەكسەرۋ كوميتەتى وعان قىزمەتتەن ايداۋ جازاسىن بەردى؛ پارتيا 19 ـ قۇرىلتايىنىڭ ۋاكىلى تولىمدىلىعىن كۇشىنەن قالدىردى؛ ونىڭ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا تاپسىردى، ساياتىن مال ـ مۇلىكتى بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
