مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 36 - رەتكى ءماجىلىسى بىرلەسكەن گرۋپپالار جيىنىن وتكىزدى
قورشاعان ورتانى قورعاۋ زاڭىنىڭ اتقارىلۋىن تەكسەرۋ بايانداماسىن قارادى ءارى ارناۋلى تاقىرىپتا پىكىر الدى
لي جانشۋ ماجىلىسكە قاتىناستى ءارى ءسوز سويلەدى
2022.09.02 16:01 كەلۋ قاينارى : حالىق تورابى
«حالىق گازەتى»، 9 - ايدىڭ 1 - كۇنى، بەيجيڭ. مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 36 - رەتكى ءماجىلىسى 9 - ايدىڭ 1 - كۇنى تۇستەن بۇرىن بەيجيڭدەگى حالىق سارايىندا بىرلەسكەن گرۋپپا ءماجىلىسىن اشىپ، مەملەكەتتىك حالىق قۇرىلتايى تۇراقتى كوميتەتى زاڭ اتقارۋدى تەكسەرۋ گرۋپپاسىنىڭ قورشاعان ورتانى قورعاۋ زاڭىنىڭ اتقارىلۋ جاعدايىن تەكسەرۋ جونىندەگى بايانداماسىن قارادى ءارى ارناۋلى تاقىرىپتا پىكىر الدى. كوميتەت باستىعى لي جانشۋ ماجىلىسكە قاتىناستى ءارى ءسوز سويلەدى.
كوميتەت باستىعىنىڭ ورىنباسارى شىن يۋەيۋە ءماجىلىستى باسقاردى. مەملەكەتتىك حالىق قۇرىلتايى تۇراقتى كوميتەتىنىڭ، ارناۋلى كوميتەتتەردىڭ قۇرامىنداعىلار يۋان سى، دوۋ شۋحۋا، لۇي سايشيا، جياۋ يۇڭ، ۋاڭ ي جانە مەملەكەتتىك حالىق قۇرىلتايىنىڭ ۋاكىلى جاڭ يۇيجىن ەكولوگيالىق ورتانى زاڭ بويىنشا قورعاۋ، قورشاعان ورتا نەگىزدىك قۇرىلعى قۇرىلىسىن جەدەلدەتۋ، ەكولوگيانى قورعاۋدى جانە قالپىنا كەلتىرۋدى كۇشەيتۋ سياقتى ماسەلەلەر توڭىرەگىندە پىكىر الدى.
مەملەكەتتىك كەڭەستىڭ مۇشەسى ۋاڭ يۇڭ، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ - رەفورما كوميتەتىنىڭ مەڭگەرۋشىسى حى ليفىڭ، مەملەكەتتىك كەڭەس كەڭسەسى، ەكولوگيالىق ورتا مينيسترلىگى، قازىنا مينيسترلىگى، جاراتىلىستىق بايلىق مينيسترلىگى، تۇرعىن ءۇي، قالا - اۋىل قۇرىلىسى مينيسترلىگى، اۋىل شارۋاشىلىعى، اۋىل - قىستاق مينيسترلىگى سياقتى قاتىستى تاراۋلارداعى جاۋاپتى جولداستار جانە ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى جاۋاپتى جولداستار ماجىلىسكە قاتىناسىپ، پىكىرلەردى تىڭداپ، سۇراۋلارعا جاۋاپ بەردى.
لي جانشۋ سوزىندە مىنالاردى اتاپ كورسەتتى: مەملەكەتتىك 13 - كەزەكتى حالىق قۇرىلتايى تۇراقتى كوميتەتى ەكولوگيالىق ورتانى قورعاۋ سالاسىنداعى زاڭ شىعارۋ، باقىلاۋ قىزمەتىن ويداعىداي ىستەۋدى ەڭ ماڭىزدى ورىنعا قويىپ، زاڭدىق باقىلاۋ مەن قىزمەتتى باقىلاۋدى ۇزدىكسىز كۇش سالا ورىستەتىپ، ەكولوگيالىق ورتانى قورعاۋعا بەرىك زاڭمەن جونگە سالۋ تىرەگىن ازىرلەۋگە قۇلشىندى. قورشاعان ورتانى قورعاۋعا قاتىستى 9 ارناۋلى زاڭنىڭ جانە قاتىستى قاۋلىنىڭ اتقارىلۋ جاعدايىنا تەكسەرۋ جۇرگىزۋ نەگىزىندە، بيىلعى قورشاعان ورتانى قورعاۋ زاڭىنا زاڭنىڭ اتقارىلۋى تۇرعىسىنان تەكسەرۋ جۇرگىزۋ وسى كەزەكتەن بەرگى ءبىر رەتكى زاڭنىڭ اتقارىلۋىن تەكسەرۋ قىزمەتىنىڭ ناتيجەسىن قورىتىندىلاۋ، باعالاۋ بولىپ تابىلادى. زاڭنىڭ اتقارىلۋىن تەكسەرۋ جاعدايىنان قاراعاندا، ەلىمىزدىڭ ەكولوگيالىق ورتانى قورعاۋ قىزمەتىندە ءبىرقىدىرۋ وراسان زور تابىسقا قول جەتكەن، تاۋى جاسىل، سۋى تۇنىق، اۋاسى تازا كورىكتى جۇڭگو قاعاز جۇزىندەگى جوبادان بىرتىندەپ جاندى رەالدىققا اينالۋدا.
لي جانشۋ بىلاي دەپ دارىپتەدى: وسى كەزەكتى مەملەكەتتىك حالىق قۇرىلتايى تۇراقتى كوميتەتى ورىستەتكەن ەكولوگيالىق ورتانى قورعاۋ سالاسىنداعى ءار رەتكى زاڭنىڭ اتقارىلۋىن تەكسەرۋدە شي جينپيڭ ەكولوگيالىق وركەنيەت يدەياسىن جەتەكشى ەتۋدە تاباندى بولىنىپ، نازار حالىق بۇقاراسى كوڭىل ءبولىپ وتىرعان قورشاعان ورتانى قورعاۋداعى كورنەكتى ماسەلەلەرگە شوعىرلاندىرىلىپ، زاڭدىق بەلگىلەمەلەر تىعىز ارقاۋ ەتىلىپ، ۇزدىكسىز باقىلاۋ مەن ونىمدىلىگىن قۋزاۋ كۇشەيتىلىپ، زاڭدى جالپىلاستىرۋ ۇگىت - تاربيەسى كۇشەيتىلىپ، پايدالى تاجىريبەلەر توپتالدى، ۇزدىكسىز تاباندى بولۋ جانە كەمەلدەندىرۋ كەرەك.
لي جانشۋ بىلاي دەپ اتاپ كورسەتتى: مەملەكەتتى جاپپاي زاڭمەن جونگە سالۋدى ىشكەرىلەي ىلگەرىلەتۋدە زاڭ شىعارۋ، زاڭعا وزگەرىس ەنگىزۋ قىزمەتىن ۇزدىكسىز كۇشەيتىپ، سايكەستى زاڭ - ەرەجەلەر مەن ءتۇزىم ولشەمدەرىن دەر كەزىندە جاساپ جانە كەمەلدەندىرىپ، جۇڭگوشا سوتسياليستىك زاڭ جۇيەسىن ۇزدىكسىز كەمەلدەندىرۋ كەرەك. سونىمەن بىرگە، زاڭنىڭ جاپپاي ءونىمدى اتقارىلۋىنا ايرىقشا ءمان بەرىپ، شىنايى كەپىلدىك ەتۋ كەرەك. ءار دارەجەلى باسشى كادرلار زاڭ ارقىلى ماسەلەنى شەشۋدى، قىزمەتتى ىلگەرىلەتۋدى ۇيرەنۋى جانە وعان شەبەر بولۋى، تۇتاس قوعام سانالىلىقپەن زاڭدى ۇيرەنىپ، قولدانۋى، ءىس جۇزىندىك قىزمەت بارىسىندا ءبىر - بىرلەپ قاتاڭ اتقارۋ كەرەك. ۇكىمەت، باقىلاۋ - تەكسەرۋ كوميتەتى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى حالىق قۇرىلتايى مەن ونىڭ تۇراقتى كوميتەتى، حالىق قۇرىلتايى ۋاكىلدەرى العا قويعان ۇسىنىس - پىكىرلەر مەن سۇراۋلارعا ءمان بەرىپ، قىزمەتتى اناعۇرلىم جاقسارتىپ، دەڭگەيدى جوعارىلاتۋى كەرەك.
ۋاڭ يۇڭ مىنانى ءبىلدىردى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ەكولوگيالىق ورتاسىن قورعاۋدا تاريحي، بۇرىلىستىق، جالپى جاعدايلىق وزگەرىستەر جارىققا شىقتى، الايدا قورشاعان ورتا جاعدايىنىڭ ورنىقتىلىق بارىسىندا جاقسارۋ نەگىزىن بەكەمدەۋ ءالى دە قاجەت. مەملەكەتتىك كەڭەس جانە قاتىستى تاراۋلار شي جينپيڭ ەكولوگيالىق وركەنيەت يدەياسى مەن شي جينپيڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، وسى رەتكى زاڭنىڭ اتقارىلۋىن تەكسەرۋدى پارمەندى وراي ەتىپ، زاڭدا بەلگىلەنگەن قىزمەت جاۋاپكەرلىگىن مۇقيات اتقارىپ، جاسىل، تومەن كومىرتەكتى اينالمالى دامۋدى تاباندىلىقپەن ىلگەرىلەتىپ، لاستانۋدان ساقتانۋ - جونگە سالۋدان قامال الۋ شايقاسىن باتىل ويداعىداي جۇرگىزىپ، ەكولوگيالىق جۇيەنى قورعاۋ جانە قالپىنا كەلتىرۋ سەرپىنىن ارتتىرىپ، زاڭمەن جونگە سالۋ جۇيەسىن ۇزدىكسىز اقاۋسىزداندىرىپ، كەمەلدەندىرىپ، باقىلاۋ - باسقارۋ، زاڭ اتقارۋ ونىمدىلىگىن ۇزدىكسىز جوعارىلاتىپ، ادام مەن تابيعات جاراسىمدى قاتار ءومىر سۇرەتىن كورىكتى جۇڭگو قۇرۋدى جەدەلدەتۋى كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
