جۇڭحۋا ۇلتى رۋحىنىڭ عيماراتى اسقاق بوي كوتەردى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ – وزگەشە 10 جىل)
«حالىق گازەتىنىڭ» ءتىلشىسى جىڭ حاي – وۋ
2022.09.06 16:18 كەلۋ قاينارى : حالىق تورابى
ۇلىلىق قاراپايىمدىلىقتان تۋادى، قاراپايىمدىلىقتان ۇلىلىق تۋادى. «جۇڭگوداعى ىزگى جانداردىڭ» ەڭ باعالى جەرى ادەتتەگى قىزمەت بارىسىندا كەرەمەت ناتيجە جاراتۋىندا.
لي پەيشىڭ، حۋ شياۋچۇن انحۇي ولكەسىنىڭ حۋاڭشان كورىنىس رايونىندا جەكە - جەكە قورشاعان ورتانى قورعاۋ، تازالىقتى ساقتاۋ جانە حۋاڭشان قاراعايىن قورعاۋ قىزمەتىمەن شۇعىلدانىپ، ۇزاق جىلدار بويى تاۋ - جارتاستار اراسىندا قورشاعان ورتانى تازارتىپ، نەشە مىڭ جىلدىق حۋاڭشان قاراعايلارىن كۇن سايىن قورعاپ، كورىكتى حۋاڭشان تاۋىن شىن نيەتتەرىمەن، سۇيىسپەنشىلىكتەرىمەن قورعاپ كەلدى. 2012 - جىلى جانە 2021 - جىلى ەكەۋى ىلگەرىندى - كەيىندى كاسىپتى قاستەرلەپ، ۇلەس قوسۋ تۇرىندەگى «جۇڭگوداعى ىزگى جاندار» بولىپ تاڭدالدى.
باس شۋجي شي جينپيڭ 8 - ايدىڭ 13 - كۇنى «جۇڭگوداعى ىزگى جاندار» لي پەيشىڭ، حۋ شياۋچۇنگە جاۋاپ حات جازىپ مىنانى ءبىلدىردى: «سىزدەردىڭ ۇلگىلىك رولدارىڭىزدى ۇزدىكسىز ويداعىداي ساۋلەلەندىرىپ، شىنايىلىقتى، ىزگىلىكتى، كوركەمدىكتى بەلسەنە تاراتىپ، وڭ ەنەرگيا جەتكىزىپ، ماڭايلارىڭىزداعى ءتىپتى دە كوپ ادامدى العا باسۋعا، ىزگىلىككە جەتەكتەپ، سوتسياليستىك وزەكتى قۇن كوزقاراسىن ساۋلەلەندىرىپ، قوعامنىڭ ابزال ازاماتتارى، ورىننىڭ جاقسى قىزمەتكەرلەرى، وتباسىنىڭ جاقسى مۇشەلەرى بولۋعا تالپىنىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ءوز ىنتا – ىقىلاستارىڭىزدى ارناۋلارىڭىزدى ءۇمىت ەتەمىن».
ۇلى ءداۋىر ۇلى رۋحقا ۇندەيدى، وسكەلەڭ ءىس ۇلگىنىڭ جەتەكشىلىگىن قاجەت ەتەدى. 136 كوللەكتيۆكە نەمەسە جەكەگە «ءداۋىر ۇلگىسى» اتاعى، 299 ادامعا مەملەكەتتىك ءمورال ۇلگىسى داڭقتى اتاعى بەرىلدى، 300 «ەڭ تاڭداۋلى كۇرەسكەر» ماداقتالىپ - سيلاندى، 736 «ەڭ تاڭداۋلى ادام» جاريالاندى، «جۇڭگوداعى ىزگى جانداردان» 11 مىڭ 585 باعالانىپ شىقتى ... 10 جىلدان بەرى ءمورال ۇلگىلەرىنىڭ ونەگەلىك كۇشى ءجۇز ميلليونداعان بۇقارانىڭ جاندى امالياتىنا اينالىپ، بۇكىل قوعامدا ءمورالدى قاستەرلەپ، ىزگىلىككە تالپىناتىن، جاقسىدان ونەگە الاتىن، مورالمەن ءىس جۇرگىزەتىن تاماشا اۋقىم قالىپتاستى.
وسى زامانعى جۇڭگونىڭ تاۋ - سۋى كوركەم، حالقى ايبىندى، بولاشاعى نۇرلى. ءداۋىر ەلىمىزدىڭ ادەبيەت - كوركەمونەرىنىڭ گۇلدەنىپ - كوركەيۋىنە، دامۋىنا بۇرىن بولىپ كورىلمەگەن كەڭ ءورىس ازىرلەدى. 10 جىلدان بەرى جاسامپازدىقتى وزەكتى مىندەت، ويىن قويۋدى وزەكتى بۋىن ەتكەن قىزمەت مەحانيزمى ۇزدىكسىز كەمەلدەندى. «ۇلى جورىق»، «كۇرەس جۇرگىزەيىك، جۇڭحۋا ۇلاندارى»، «ءبىزدىڭ 40 جىلىمىز» سياقتى ماڭىزدى ادەبيەت - كوركەمونەر ويىندارى ءساتتى وتكىزىلىپ، ءداۋىردىڭ نەگىزگى اۋەنىن اسقاقتاتا شىرقاپ، جاڭا ءداۋىردىڭ ايبىندى داستانىن جازدى. ءبي تەاترى «ماڭگى وشپەيتىن ەلەكتر تولقىنى»، ولەڭ - ءبي تەاترى «جاسىل جەلەك جامىلۋ»، وپەرا «ي – مىڭشان» سياقتى تاڭداۋلى تۋىندىلار ۇزدىكسىز جارىققا شىعىپ، جەلىدە جانە جەلىدەن تىس تاراتۋ تاسىلدەرى قولدانىلىپ، كونسەرت نومىرلەرى قاتار قويىلدى. پيەسا «گۋ ۋىنچاڭ»، ءبي تەاترى «اسپان جولى»، مۋزىكا جينالىسى وپەراسى «جاڭ فۋچيڭ»، سونداي - اق تەلە فيلم «مەكەنگە سۇيىسپەنشىلىك»، «ءومىر»، كينو «ارالدى كۇزەتۋشى» قاتارلى تاڭداۋلى رەال تاقىرىپتىق ادەبيەت - كوركەمونەر تۋىندىلارى ءداۋىر مەن حالىقتى ءان – جىرعا بولەپ، ادامدى العا باسۋعا جەبەدى.
2 - ايدىڭ 4 – كۇنى، بەيجيڭ قىسقى وليمپيادا سپورت جارىسىنىڭ اشىلۋ سالتى كۇللى الەمدى جالت قاراتتى، باستان - اياق ساباقتاستىرىلعان «جۇڭگو ستيلى» بۇكىل دۇنيە جۇزىنە جۇڭحۋانىڭ تاڭداۋلى ءداستۇرلى مادەنيەتىنىڭ وزگەشە قۇدىرەتىن ايگىلەدى.
بۇرىنعىلاردىڭ قاعيداسى بويىنشا ەندى ءوز ءومىر جولىمىزدى اشۋ كەرەك. «ءداستۇرلى مادەنيەت بايلىعىن جۇيەلى رەتتەپ، وردادا ساقتالعان مادەني مۇرالاردى، بايتاق دالاعا قويىلعان مۇرالاردى، بايىرعى كىتاپتاردا جازىلعان جازۋلاردى جانداندىرۋ كەرەك»، «جۇڭحۋا مادەنيەتىنىڭ جاسامپازدىقپەن جاڭالانۋىن جانە جاسامپازدىقپەن دامۋىن جۇزەگە اسىرۋ كەرەك» ... 10 جىلدان بەرى قالىڭ مادەنيەت، ادەبيەت - كوركەمونەر قىزمەتكەرلەرى جۇڭحۋانىڭ تاڭداۋلى ءداستۇرلى مادەنيەتىنىڭ يدەيالىق كوزقاراسىن، گۋمانيتارلىق رۋحىن، ءمورالدىق ولشەمىن اشىپ، كوركەمونەردىڭ جاسامپازدىق قۋاتى مەن جۇڭحۋا مادەنيەتىنىڭ قۇنىن توعىستىرىپ، جۇڭحۋا ەستەتيكاسىنىڭ رۋحى مەن قازىرگى زامان ەستەتيكالىق تالپىنىسىن ۇشتاستىرىپ، جۇڭحۋا مادەنيەتىنىڭ ومىرشەڭدىگىن جانداندىرىپ، ارحەولوگيا ورلەۋى، مۇراجاي ورلەۋى، بەيزاتتىق مادەني مۇرا ورلەۋى، ولەڭ - جىر ورلەۋى سياقتىلاردىڭ ءۇرتىس نىعايۋىنا دەم بەردى.
كىتاپحانا، مۇراجاي سياقتى الەۋمەتتىك مادەنيەت سارايلارىنا بارىپ ءبىلىم تولىقتاۋ كوپتەگەن ادامنىڭ تالعامىنا اينالدى. قازىر بۇكىل ەلدەگى بارلىق الەۋمەتتىك كىتاپحانا، مادەنيەت سارايى (پۋنكتى)، اسەمونەر سارايى جانە %91 مۇراجاي اقىسىز اشىلدى؛ سيفرلى كىتاپحانا، مەملەكەتتىك الەۋمەتتىك مادەنيەت بۇلت تۇعىرى، «بۇلت مۇراجايى» سياقتى سيفرلانعان سەزىنۋ تۇعىرلارى بۇقارانىڭ ۇيدەن شىقپاي - اق جەلىدە ساپالى الەۋمەتتىك مادەنيەت قىزمەت وتەۋىنەن يگىلىكتەنۋىنە مۇمكىندىك جاسادى ... 10 جىلدان بەرى ەلىمىزدىڭ الەۋمەتتىك مادەنيەت قىزمەت وتەۋىنىڭ بىركەلكىلەنۋ دەڭگەيى كورنەكتى جوعارىلاپ، حالىق بۇقاراسىنىڭ مادەنيەت تابىس سەزىمى ۇزدىكسىز كۇشەيدى.
كوك تىرەگەنن ءزاۋلىم عيماراتتار ەلىمىزدىڭ بايتاق دالاسىندا بوي كوتەرگەن كەزدە، جۇڭحۋا ۇلتىنىڭ رۋحاني عيماراتى دا اسقاق بوي كوتەرۋى كەرەك. ءبىز ۇزدىكسىز قۇلشىنىپ، سوتسياليستىك رۋحاني وركەنيەت قۇرىلىسىن ۇزدىكسىز قاجىماي - تالماي، دايەكتى تۇردە ويداعىداي يگەرىپ، بۇكىل ەلدەگى ءار ۇلت حالقىنىڭ ۇزدىكسىز العا باسۋىنا پارمەندى يدەيالىق كەپىل، قۇدىرەتتى رۋحاني كۇش، مول ءمورالدىق ءنار ازىرلەيىك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
