ەلىمىزدە ارناۋلى وقىتۋشىلاردىڭ جالپى سانى 18 ميلليون 444 مىڭ ادامعا جەتتى (جاڭا ساندى مالىمەت، جاڭا ءتۇيىن)
دۇنيە جۇزىندەگى ەڭ كولەمدى وقۋ - اعارتۋ جۇيەسىنە تىرەك بولىپ وتىر
2022.09.08 16:16 كەلۋ قاينارى : حالىق تورابى
«حالىق گازەتى»، 9 - ايدىڭ 7 - كۇنى، بەيجيڭ (تىلشىلەر جاۋ ىنا، ۋ يۋە). ءتىلشىنىڭ بىرنەشە كۇننىڭ الدىندا وقۋ – اعارتۋ مينيسترلىگىنەن ۇعىسۋىنشا، ەلىمىزدە ارناۋلى وقىتۋشىلاردىڭ جالپى سانى 2012 – جىلعى 14 ميلليون 629 مىڭ ادامنان كوبەيىپ، 2021 – جىلعى 18 ميلليون 444 مىڭ ادامعا جەتىپ، ارتۋ مولشەرى %26 كە جەتكەن. وقۋ – اعارتۋ مينيسترلىگى وقىتۋشىلار قىزمەتى تارماق مەكەمەسىنىڭ جاۋاپتىسى مىنانى ءبىلدىردى: كولەمى زور، ساپالى، ماماندانعان وقىتۋشىلار قوسىنى دۇنيە جۇزىندەگى ەڭ كولەمدى وقۋ – اعارتۋ جۇيەسىنە تىرەك بولىپ وتىر.
تانىستىرۋعا قاراعاندا، پارتيانىڭ 18 - قۇرىلتايىنان بەرى جەر - جەر، تاراۋلار ساپالى، ماماندانعان جاڭاشىل وقىتۋشىلار قوسىنى قۇرىلىسىن بار كۇشپەن ىلگەرىلەتىپ، وقىتۋشىلار قىزمەتىندە تاريحي تابىستارعا قول جەتكىزگەن، وقىتۋشىلار قوسىنىنىڭ جالپى تۇلعالىق بەت - بەينەسىندە اۋقىمدىق وزگەرىستەر تۋىلعان، تاڭداۋلى دارىندىلار وقۋ - اعارتۋمەن شۇعىلداناتىن، وقىتۋشىلار ءوز دارىنىن تولىق ايگىلەيتىن، جاقسى وقىتۋشىلار ۇزدىكسىز جارىققا شىعاتىن تاماشا جاعداي نەگىزىنەن قالىپتاسقان.
وقىتۋشىلار قوسىنىنىڭ ساپاسى مەن مولشەرى بىردەي جوعارىلادى. 10 جىلدان بەرى ءار دارەجەلى، ءار ءتۇرلى وقىتۋشىلاردىڭ ساپاسى ۇزدىكسىز جوعارىلاپ، قۇرىلىمى ۇزدىكسىز ساپالىلاندى. باستاۋىش مەكتەپ وقىتۋشىلارىنىڭ تولىق كۋرستان جوعارى وقۋ تاريحى 2012 - جىلعى %32.6 تەن 2021 - جىلعى %70.3 كە، جوعارى مەكتەپ ماگيستر اسپيرانت جەتەكشىلەرى 229 مىڭ ادامنان 424 مىڭ ادامعا، دوكتور اسپيرانت جەتەكشىلەرى 69 مىڭ ادامنان 132 مىڭ ادامعا جەتتى.
جۇڭگوشا جوعارى دەڭگەيدەگى وقىتۋشىلار، وقۋ - وقىتۋ جۇيەسى قۇرىلدى جانە كۇشەيدى. ەلىمىز 215 پەداگوگيكالىق مەكتەپتى نەگىزگى تۇلعا ەتكەن، 510 بەي پەداگوگيكالىق مەكتەپ بىرگە ات سالىسقان جۇڭگوشا وقىتۋشىلار تاربيەسى جۇيەسىن قۇردى. مينيسترلىككە قاراستى پەداگوگيكالىق داشۋەلەردىڭ پەداگوگيكا وقۋشىلارىن ۇكىمەت قاراجاتىمەن تاربيەلەۋ جولعا قويىلىپ، 10 جىلدا 85 مىڭ وقۋشى قابىلدانىپ، مەكتەپ بىتىرگەن وقۋشىلاردىڭ %90 ى ورتا، باتىس بولەكتەرگە بارىپ وقىتۋشى بولدى. «مەملەكەتتىك تاربيەلەۋ - باۋلۋ جوسپارى» ۇزدىكسىز اتقارىلدى، قازىرگە دەيىن ورتالىق قازىنا 20 ميلليارد يۋان قارجى قوسىپ، 18 ميلليوننان استام وقىتۋشى (رەت) تاربيەلەدى. بۇدان سىرت، جاڭا داۋىردەگى نەگىزدىك وقۋ - اعارتۋدا وقىتۋشىلاردى نىعايتۋ جوسپارىن اتقارىپ، ورتا، باتىس بولەكتەگى دامۋدا كەنجە قالعان رايوندارداعى ۇزدىك وقىتۋشىلاردى باعىتتامالى تاربيەلەۋ جوسپارىن اتقاردى.
وقىتۋشىلار قوسىنىنداعى ولقىلىقتار جەدەل تولىقتاندى. اۋىل - قىستاق وقىتۋشىلارىن قولداۋ جوسپارى ۇزدىكسىز ىلگەرىلەتىلىپ، اۋىل - قىستاق وقىتۋشىلارىنىڭ «تومەنگە ءتۇسۋ، تۇراقتاپ تۇرۋ، جاقسى تاربيەلەۋ» جاعدايى نەگىزىنەن قالىپتاستى. «ەرەكشە قىزمەت ورنى جوسپارى» ۇزدىكسىز اتقارىلىپ، 2021 - جىلعا دەيىن ورتا، باتىس بولىكتەگى اۋىل - قىستاق مەكتەپتەرىنە ءبىر ميلليون 30 مىڭ وقىتۋشى تولىقتاندى.
«10 جىلدان بەرى، تاراۋلار، رايوندار، مەكتەپتەر كۇش سالا سەلبەسىپ، وقىتۋشىلار قىزمەتىندە كولەمگە ءمان بەرۋدەن سان مەن ساپانى بىردەي جوعارىلاتۋ كەزەڭىنە ءوتۋدى ىلگەرىلەتتى. قالىڭ وقىتۋشىلار اسقاق رۋحىمەن، ارنايىلانعان قىزمەتىمەن، قالتقىسىز ۇلەس قوسۋىمەن وقۋ - اعارتۋ باۋ – باقشاسىن قۇلپىرتىپ، ميلليونداعان وقۋشىلارعا تاماشا ءۇمىت باعىشتادى». اقپار جاريالاۋ ماجىلىسىندە وقۋ – اعارتۋ مينيسترلىگى وقىتۋشىلار قىزمەتى تارماق مەكەمەسىنىڭ جاۋاپتىسى تاعى بىلاي دەپ تانىستىردى: بيىلعى وقىتۋشىلار مەرەكەسىندە «پارتيانىڭ 20 – قۇرىلتايىن قارسى الۋ، رۋحتى سومداپ، جاڭا ادام تاربيەلەۋ» توڭىرەگىندە جەلىلەس قيمىلدار وتكىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
