8 تاراۋ بىرلەسىپ ارناۋلى جونگە سالۋدى ورىستەتەدى
قيساپسىز قالىڭمال الۋ، اسپا – توك قىلىپ وتكىزۋ سياقتى اۋىل - قىستاقتارداعى ەسكى سالت ـ سانانى جونگە سالادى
2022.09.09 14:43 كەلۋ قاينارى : حالىق تورابى
جۇمىشىلار گازەتىنىڭ حابارى. مەملەكەتتىك اۋىل - قىستاقتى گۇلدەندىرۋ مەكەمەسىن قامتىعان 8 تاراۋ بىرلەسىپ «قيساپسىز قالىڭمال الۋ، اسپا – توك قىلىپ وتكىزۋ سياقتى اۋىل - قىستاقتارداعى ەسكى سالت - سانانى وزگەرتۋدىڭ ءتۇيىندى سالاسىنداعى كورنەكتى ماسەلەلەردى ارناۋلى جونگە سالۋ قىزمەت جوباسىن» (تومەندە قىسقارتىلىپ «جوبا» دەلىنەدى) باسىپ تاراتىپ، بيىل 8 – ايدان 2023 – جىلى 12 – ايعا دەيىن ارناۋلى وڭاۋ قىزمەتىن ورىستەتۋدى ايقىندادى، قيساپسىز قالىڭمال الۋ، جاعدايىمەن ساناسپاي ورىنسىز باسەكەلەسۋ، اتا – اناسىنا تىرىسىندە وپالى بولماي، ولگەن سوڭ جەرلەۋ جۇمىستارىن اسپا توك ىستەۋ، استا - توك ىسىراپشىلدىققا سالىنۋ سياقتى ەسكى سالت – سانانى ءتۇيىندى تۇردە جونگە سالادى، مۇندا ديقان جۇمىسكەرلەردى قامتىعان ديقاندار بۇقاراسىنىڭ توي – تومالاق، ءولىم – ءجىتىم بارىسىنداعى جۇرتپەن ساناۋ، قوناعاسى بەرۋ، قالىڭمال بەرۋ قاتارلى شىعىم اۋىرتپالىعىن جەڭىلدەتىپ، توي – تومالاق ىستەرىن جاڭاشا وتكىزۋ، ءولىم – ءجىتىم ىستەرىن قاراپايىم وتكىزۋ، قارتتارعا وپالى بولىپ، تۋىس – تۋعانداردى ايالاۋ، ۇقىپتى دا ۇنەمشىل بولۋ سياقتى وركەنيەتتى سالت – سانانى ونان ارى جالپىلاستىرىپ، اۋىل ـ قىستاقتاردا وركەنيەتتى جاڭا بەينە جاراتادى.
«جوبادا» مىنالار ايقىن بەلگىلەندى: قىستاقتارعا، وتباسىلارعا بارىپ، قيساپسىز قالىڭمال الۋ، ورىنسىز باسەكەلەسۋ، اتا – اناسىنا تىرىسىندە وپالى بولماي، ولگەن سوڭ جەرلەۋ جۇمىستارىن اسپا – توك ىستەۋ، ورىنسىز ىسىراپشىلىققا سالىنۋ سياقتى ناشار ادەتتەردىڭ ءىس جۇزىندىك جاعدايىن ۇعىسىپ، جونگە سالۋعا ءتيىستى ماسەلە مەن ءتۇيىندى اۋىلداردى (قالاشىقتار)، قىستاقتاردى انىق بەلگىلەۋ كەرەك. وسى نەگىزدە، ەسكى سالت – سانانى وزگەرتۋدەگى ءتۇيىندى سالالارداعى كورنەكتى ماسەلەلەردى ارناۋلى جونگە سالۋدى ىلگەرىلەتۋدىڭ اتقارۋ جوباسىن جاساپ، جونگە سالۋ نىساناسىن، ءتۇيىنىن جانە جاۋاپكەرشىلىك ءبولىسىن ايقىنداپ، ءىس جۇزىندىككە ۇيلەسەتىن، ۇستىنەن وڭاۋ مەن تۇبىرىنەن وڭاۋدى ۇشتاستىراتىن قىزمەت شارالارىن العا قويىپ، ارناۋلى جونگە سالۋدى ىلگەرىلەتۋ مەحانيزمىن ورناتۋ كەرەك.
«جوبادا» مىنالار تالاپ ەتىلدى: ءارقايسى قىستاقتاردىڭ قىستاق ەرەجەسى مەن حالىق شارتى تۇزىمىنە وزگەرىس ەنگىزۋىنە جەتەكشىلىك ەتىپ، توي – تومالاق ىستەرىن جاڭاشا وتكىزۋ، ءولىم – ءجىتم ىستەرىن قاراپايىمداستىرۋ، قارتتارعا وپالى بولۋ، تۋىس - تۋعاندارىن ايالاۋ سياقتى ەسكى سالت – سانانى وزگەرتۋدىڭ مازمۇندارىن تولىقتاپ، تەجەمدىك شارالاردى شىعارىپ، شارۋا بۇقاراسىنا نەنى دارىپتەۋدى، نەگە قارسى تۇرۋدى، توي – تومالاق، ءولىم – ءجىتىم ىستەرىن قالاي ىستەۋدى، نەنى ىستەمەۋدى انىق ايتۋ كەرەك.
اۋدان، اۋىل ەسكى سالت – سانانى وزگەرتۋدى كۇندەلىكتى باقىلاۋدى كۇشەيتىپ، قىستاق دارەجەلى ۇيىمداردىڭ ەسكى سالت - سانانى وزگەرتۋگە قاتىستى شارالاردى مۇقيات تياناقتاندىرۋىنا جەتەكشىلىك ەتىپ، توي – تومالاق، ءولىم – ءجىتىم ىستەرىن ىستەيتىن قۇرىلىمداردىڭ قىزمەت وتەۋ ارەكەتىن ارناعا تۇسىرۋىنە قۋزاۋشىلىق ەتۋ كەرەك. قىستاق تۇرعىندارىنىڭ ءوزىن – ءوزى باسقارۋ رولىن تولىق ساۋلەلەندىرىپ، تاربيەلەۋ، اقىل - كەڭەس بەرۋ، سىن ايتۋ، سيلاۋ - جازالاۋ سياقتى تاسىلدەر ارقىلى توي – تومالاق ءولىم – ءجىتىم سالتىنىڭ دارىپتەۋ سيپاتتى ولشەمدەرىنىڭ اتقارىلۋىن ىلگەرىلەتۋ كەرەك.
سونىمەن بىرگە، وركەنيەتتى ءنومىر جيناۋ، ءمورال ەرەن بازارى، قىزىل – قارا تاقتا سياقتى ادىستەردى كۇش سالا جالپىلاستىرىپ، وركەنيەتتى وتباسى، بەستە جاقسى وتباسى، ەڭ كوركەم وتباسى سياقتىلاردىڭ ۇلگى كورسەتۋ، جەتەكتەۋ رولىن ساۋلەلەندىرىپ، شارۋا بۇقاراسىنىڭ وركەنيەتتى ارەكەتىنە سايكەستى رۋحاني، ماتەريالدىق سيلىق بەرۋ كەرەك. شارت - جاعدايى بار رايونداردىڭ ەسكى سالت - سانانى وزگەرتۋ جونىندە ىزدەنىس جاساۋىنا جەتەكشىلىك ەتۋ جانە ونى ىلگەرىلەتۋ كەرەك.
مۇنان سىرت، كەدەيىلىكتەن ارىلعان وڭىرلەردىڭ ەسكى سالت – سانانى وزگەرتۋىن ىلگەرىلەتۋ كەرەك. كەدەيلىكتەن ارىلعان وڭىرلەردىڭ ەسكى سالت - سانانى وزگەرتۋ جاعدايىن تەكسەرۋ - زەرتتەۋدى، باقىلاۋدى كۇشەيتۋىنە جەتەكشىلىك ەتىپ، ءتۇرلى سۇيەمەلدەۋ شارالارىن، ۇيلەنۋ، ءولىم - ءجىتىم سياقتى قايتا كەدەيلەسۋ كومەسكى قاتەرىن دەر كەزىندە الاستاپ، جۇرتپەن ساناسۋدان بولاتىن شىعىس اۋىرتپالىعىن شىنايى جەڭىلدەتىپ، ەسكى سالت ـ سانانىڭ ءورشۋ جاعدايىن ءونىمدى تەجەپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، قالىڭ شارۋالار بۇقاراسىنىڭ اۋىل – قىستاقتى گۇلدەندىرۋگە اناعۇرلىم سانالى تۇردە ات سالىسۋىنا دەم بەرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
