مەملەكەتتىك ساياسي كەڭەستىڭ بۇرىنعى تۇراقتى مۇشەسى، قوعام جانە زاڭ - ءتۇزىم كوميتەتىنىڭ بۇرىنعى مەڭگەرۋشىسى شىن دىيۇڭ تارتىپكە، زاڭعا اۋىر قايشىلىق جاساعاندىعى سەبەپتى پارتيادان شىعارىلدى جانە قىزمەتتەن ايدالدى
2022.09.09 15:42 كەلۋ قاينارى : حالىق تورابى
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى تورابىنىڭ حابارى. تاياۋدا ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى پارتيا 19 ـ كەزەكتى ورتالىق كوميتەتىنىڭ مۇشەسى، مەملەكەتتىك ساياسي كەڭەستىڭ بۇرىنعى تۇراقتى مۇشەسى، قوعام جانە زاڭ – ءتۇزىم كوميتەتىنىڭ بۇرىنعى مەڭگەرۋشىسى شىن دىيۇڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى مىنانى انىقتادى: شىن دىيۇڭ مۇرات – سەنىمەن ايرىلعان، قىزمەت جاۋاپكەرشىلىگىنەن، بورىشىنان بەزىپ، پارتيا ورتالىق كوميتەتىنىڭ بۇيرىعىمەن ساناسپاي، ءادىليا قيمىلدارىنا ورشەلەنە ارالاسىپ، ادىلدىك پەن ادىلەتتىلىكتىڭ قورعاۋشىسىنان زاڭ - ءتارتىپتى اياق استى ەتۋشىگە اينالعان، ءادىليانىڭ الەۋمەتتىك سەنىمدىلىگىن اۋىر دارەجەدە بۇلدىرگەن، ۇيىمدىق تەكسەرۋگە قارسى شىققان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان، بەلگىلەمەگە قايشىلىق جاساپ تارتۋ – تارالعى، اقشا العان، بەلگىلەمەگە قايشىلىق جاساپ ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسى مەن ساياحات ورنالاستىرۋىن قابىلداعان؛ ۇيىمدىق پرينسيپكە قايشىلىق جاساپ، پارتياعا ادال بولماعان، جەكە باسىنا قاتىستى ىستەرىن جاسىرعان، ۇيىم حات ارقىلى سۇراستىرعاندا ماسەلەسىن قاز – قالپىندا تۇسىندىرمەگەن، كادرلادى تاڭداپ ءوسىرۋ، مىندەتكە تاعايىنداۋ بارىسىندا بەلگىلەمەگە قايشىلىق جاساپ، باسقالارعا پايدا جەتكىزگەن؛ ۇكىمەت قۇرالىن جەكە باسىنا ىستەتىپ، تۋىس - تۋعاندارىنىڭ، حاتشىلارىنىڭ قىزمەت ىقپالىنان پايدالانىپ ءادىليالىق دەلدال بولۋىنا جول بەرگەن، پارتيا مەن حالىق بەرگەن ۇقىقتى جەكە مۇددەنى كوزدەۋدىڭ قۇرالى ەتكەن؛ ءتارتىپ پەن زاڭىنىڭ تومەنگى شەگىنەن ايرىلىپ، زاڭ اتقارۋدا زاڭعا قايشىلىق جاساعان، دەلوعا سۇيەنىپ دەلودان اقشا جەگەن، ءادىليالىق جاقتان شىرىكتەسىپ، ۇقىق - اقشا ساۋداسىمەن بارىنشا شۇعىلدانعان، قىزمەت قولايلىلىعىنان پايدالانىپ باسقالارعا دەلونى ءبىر جاقتى ەتۋ، قۇرىلىستى كوتەرەگە الۋ سياقتى جاقتاردا پايدا جەتكىزگەن ءارى زاڭسىز قوماقتى مال - مۇلىك العان.
شىن دىيۇڭ پارتيانىڭ ساياسي ءتارتىبى مەن ساياسي قاعيداسىنا، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتى بويىنشا زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار بولعان، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنە اكىمشىلىك جازا بەرۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ورتالىق كوميتەت ساياسي بيۋروسى ءماجىلىسىنىڭ قاراۋىنا جولداۋ ارقىلى شىن دىيۇڭعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ ـ تەكسەرۋ كوميتەتى وعان قىزمەتتەن ايداۋ جازاسىن بەردى؛ پارتيا 19 ـ قۇرىلتايىنىڭ ۋاكىلى تولىمدىلىعىن كۇشىنەن قالدىرىلدى؛ ونىڭ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، ساياتىن مال ـ مۇلىكتى بىرگە وتكىزىپ بەردى. پارتيادان شىعارۋ جازاسىن بەرۋدى ورتالىق كوميتەتتىڭ جالپى ءماجىلىسى اشىلعان كەزدە قابىلدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
