مەملەكەتتىك مەديتسينالىق قامتاماسىزداندىرۋ مەكەمەسى: ءتىس سالۋدا مەديتسينالىق قىزمەت وتەۋدىڭ باعاسىن جالپى بارىس بويىنشا مەڭگەرۋ نىساناسى 4500 يۋان بولادى
2022.09.09 15:41 كەلۋ قاينارى : حالىق تورابى
«مەملەكەتتىك مەديتسينالىق قامتاماسىزداندىرۋ مەكەمەسىنىڭ ءتىس سالۋدا مەديتسينالىق قىزمەت وتەۋدىڭ اقىسى جانە ماتەريالداردىڭ باعاسى جونىندە ارناۋلى جونگە سالۋدى ورىستەتۋ جونىندەگى ۇقتىرۋى» 9 – ايدىڭ 8 – كۇنى رەسمي جاريالاندى. «ۇقتىرۋدا» مىنالار ايقىندالعان: جاساندى ءتىس ءتۇبىرىن شوعىرلى ساتىپ الۋ ورىستەتىلەدى، ءتىس قابى ينتەرنەت ارقىلى باعا تالاستىرۋ فورماسىندا ساتىلادى، ءتىس سالۋدا مەديتسينالىق قىزمەت وتەۋدىڭ باعاسىنا مەڭگەرۋ جۇرگىزىلەدى، مىسالى، مەملەكەتتىك 3 – دارەجەلى ەمحانالاردىڭ مەديتسينالىق قىزمەت وتەۋ باعاسىن جالپى بارىس بويىنشا مەڭگەرۋ نىساناسىنا ساي ءبىر تال ءتىس سالۋدىڭ باعاسى 4500 يۋان بولادى.
تۇرمىس ورەسىنىڭ جوعارىلاۋى مەن جان سانىنىڭ قارتتانۋ ورەسىنىڭ جوعارىلاۋىنا بايلانىستى، ەلىمىزدە ءتىس سالدىرۋ قاجەتى ۇزدىكسىز ەكى ورىندى سانمەن وتە تەز ارتۋدا، سونىمەن بىرگە، وسى سالاداعى اقى الۋدىڭ جۇيەسىز بولۋى، اقى اۋىرتپالىعىنىڭ جوعارى بولۋى قاتارلى ماسەلەلەر دە كۇن سايىن حالىق تۇرمىسىنداعى باس قاتىراتىن ماسەلەلەردىڭ بىرىنە اينالۋدا، ءتىس سالدىرۋ باعاسىنىڭ اسا قىمبات بولۋى، قوسىمشا قاراجات بەرىلەدى دەپ جالعان ۇگىتتەۋ، باعاسى تومەن دەگەن جارناما ارقىلى ناۋقاستاردى الداۋ، «سىرىڭكەلىك بەرۋ»، «تانىستىرۋ اقىسىن بەرۋ» ارقىلى تۇتىنۋشىلاردى «ساۋدالاۋ» قاتارلى ماسەلەلەر جونىندە بۇقارانىڭ اڭىسى كۇشتى بولۋدا. مەملەكەتتىك مەديتسينالىق قامتاماسىزداندىرۋ مەكەمەسى كەڭ كولەمدە تەكسەرىپ زەرتتەۋ جۇرگىزۋ جانە پىكىر الۋ نەگىزىندە، ءتىس سالۋدا مەديتسينالىق قىزمەت وتەۋگە اقى الۋ جانە ماتەريال باعاسى جونىندە ارناۋلى جونگە سالۋدى ورىستەتەدى.
ءتىس سالۋ اقىسى نەگىزىنەن جاساندى ءتىس ءتۇبىرى، ءتىس قابى جانە مەديتسينالىق قىزمەت وتەۋ سىندى ءۇش بولىكتى قامتيدى. مۇندا، مەديتسينالىق قىزمەت وتەۋ اقىسىنىڭ ءتىس سالۋدىڭ جالپى اقىسىنان ۇستايتىن سالماعى ءبىرشاما جوعارى بولادى، جۋىردا مەملەكەت كولەمىندە تىزىمدەپ ساناققا العان العاشقى قادامداعى ناتيجەگە قاراعاندا، ءارقايسى ولكەلەردەگى ۇكىمەت اشقان مەديتسينالىق قۇرىلىمدارداعى ءبىر تال جاي ءتىستى سالۋدى مىسالعا الساق، مەديتسينالىق قىزمەت وتەۋ بولىگىنە جۇمسالاتىن قاراجات ورتا ەسەپپەن 6000 يۋاننان اسادى، ءىشىنارا ولكەلەردە بۇل اقى 9000 يۋاننان اسادى، بۇل ءتىس سالۋدىڭ قىمبات بولۋىنداعى باستى سەبەپتەردىڭ بىرىنە اينالدى. بۇقارا، ەمدەۋ قۇرىلىمدارى، ماماندار قاتارلى ءارقايسى جاقتاردىڭ پىكىرىن جيناقتاي كەلە، ەڭ سوڭىندا ۇكىمەت اشقان 3 – دارەجەلى ەمحانالاردا ءتىس سالۋدا مەديتسينالىق قىزمەت وتەۋ اقىسىنىڭ باعاسىن مەڭگەرۋ نىساناسى 4500 يۋان بولىپ تۇراقتاندىرىلدى. ەرەكشە شارتتارعا سايكەس كەلەتىن وڭىرلەر مەن ەمدەۋ قۇرىلىمدارىنا باعىتتاي وتىرىپ، «ۇقتىرۋدا» ۇيلەسىمدى مولشەردە كەڭشىلىك ەتۋگە بولاتىنى ايقىندالدى.
«ۇقتىرۋداعى» تالاپتارعا ساي، ءارقايسى ولكە دارەجەلى مەديتسينالىق قامتاماسىزداندىرۋ تاراۋلارى جاساندى ءتىس ءتۇبىرىن شوعىرلى ساتىپ الۋ، ءتىس قابىن باسەكەلى باعامەن ساتىپ الۋ ناتيجەسى شىققان سوڭ، سول وڭىردەگى ءتىس سالۋدىڭ جالپى بارىسىنا كەتەتىن اقىنى مەڭگەرۋ نىساناسىن (جاساندى ءتىس ءتۇبىرى، ءتىس قابى، مەديتسينالىق قىزمەت وتەۋ) ونان ارى بىرىكتىرىپ بەلگىلەۋى كەرەك. ءتىس سالۋعا كەتەتىن قاراجاتتىڭ ءۇش بولىمىنە جيناقتى ساياسات اتقارۋ ارقىلى بۇقارانىڭ ءتىس سالدىرۋىنا كەتەتىن قاراجات اۋىرتپالىعىن ءونىمدى تۇردە تومەندەتۋى كەرەك. (باس ستانسيا ءتىلشىسى جاڭ پيڭ، جىڭ ي – جى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
