جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزەيىك
− پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2022.10.31 16:37 كەلۋ قاينارى : حالىق تورابى
جاڭا ءداۋىردىڭ اسەم كورىنىسى كەستەلەندى، ايبىنى اسقاق جاڭا ساپار باستالدى. بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە، پارتيانىڭ 20 - قۇرىلتايىندا جاڭا ءداۋىر، جاڭا جورىقتاعى جۇڭگو كوممۋنيستىك پارتياسىنىڭ بورىشى مەن مىندەتى ايقىن العا قويىلىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوبا جاسالدى، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ جونىندە جان - جاقتى ورنالاستىرۋ جاسالدى. باس شۋجي شي جينپيڭ پارتيانىڭ 20 - قۇرىلتايىنا جاساعان بايانداماسىندا: «بۇكىل پارتيا، ءسوز جوق، سەنىمدى بەكەمدەپ، قايراتتانا العا ۇمتىلىپ، ىرىقتىلىقپەن وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، حاۋىپ - قاتەردەن ىرىقتىلىقپەن ساقتانىپ جانە ونى جويىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزۋى كەرەك!» دەپ دارىپتەدى.
جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ جالپى ستراتەگيالىق ورنالاستىرۋى − ەكى قادامعا ءبولىپ ءجۇرۋ: 2020 - جىلدان 2035 - جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتا شەنىنە دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. پارتيانىڭ 20 - قۇرىلتايىندا جاپپاي سوتسياليستىك وسىزاماندانعان قۇدىرەتتى ەل قۇرۋ سىندى ەكى قادامدىق ستراتەگيالىق ورنالاستىرۋ جونىندە ماكرولىق بولجال جاسالىپ، 2035 - جىلعا بارعان كەزدەگى ەلىمىز دامۋىنىڭ جالپى تۇلعالىق نىساناسى مەن الداعى 5 جىلداعى باستى نىسانا - مىندەتتەر بەلگىلەندى. الداعى 5 جىل − جاپپاي سوتسياليستىك وسىزاماندانعان مەملەكەت قۇرۋدىڭ باستاماسىنا قادام تاستايتىن شەشۋشى كەزەڭ، وسى 5 جىلداعى دامۋدى ويداعىداي جۇرگىزۋ ەكىنشى 100 جىلدىق كۇرەس نىساناسىن جۇزەگە اسىرۋدا توتەنشە ماڭىزدى. پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋدە پارتيا 20 - قۇرىلتايىندا جاسالعان جاپپاي سوتسياليستىك وسىزاماندانعان مەملەكەت قۇرۋ جونىندەگى ستراتەگيالىق ورنالاستىرۋدى تەرەڭ ءتۇسىنىپ، يدەيا مەن ارەكەتتى پارتيا ورتالىق كوميتەتىنىڭ رۋحىمەن شىنايى بىرلىككە كەلتىرۋ كەرەك.
جاپپاي سوتسياليستىك وسىزاماندانعان مەملەكەت قۇرۋدا ساپالى دامۋ − ماڭداي الدى مىندەت، جاڭا دامۋ ۇستانىمىن تولىق، ءدال، جالپى بەتتىك دايەكتىلەندىرىپ، جاڭا دامۋ جاعدايىن جەدەل ورناتىپ، ساپالى دامۋدى كۇش سالا ىلگەرىلەتۋ كەرەك. وقۋ - اعارتۋ، عىلىم - تەحنيكا، دارىندىلار − جاپپاي سوتسياليستىك وسىزاماندانعان مەملەكەت قۇرۋدىڭ نەگىزدىك، ستراتەگيالىق تىرەگى، ءسوز جوق، عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەگەندە تاباندى بولىپ، وسىزامانداندىرۋ قۇرىلىسىنىڭ دارىندىلار تىرەگىن كۇشەيتۋ كەرەك. حالىق دەموكراتياسى − سوتسياليزمنىڭ جانى، جاپپاي سوتسياليستىك وسىزاماندانعان مەملەكەت قۇرۋدا بولۋعا ءتيىستى مازمۇن، ءسوز جوق، جۇڭگوشا سوتسياليستىك ساياسي دامۋ جولىمەن بۇلجىماي ءجۇرىپ، جالپى بارىستىق حالىق دەموكراتياسىن دامىتىپ، حالىقتىڭ وزىنە - ءوزى قوجايىن بولۋىن قامتاماسىزداندىرۋ كەرەك. مەملەكەتتى جاپپاي زاڭمەن جونگە سالۋ − مەملەكەتتى جونگە سالۋداعى تەرەڭ توڭكەرىس، زاڭمەن جونگە سالۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ سىندى قامتاماسىزداندىرۋ رولىن اناعۇرلىم ويداعىداي ساۋلەلەندىرىپ، زاڭمەن جونگە سالۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك. مادەنيەت سەنىمى − ءبىر مەملەكەتتىڭ، ءبىر ۇلتتىڭ دامۋىنداعى ەڭ نەگىزگى، ەڭ سالماقتى، ەڭ باياندى كۇش، ءسوز جوق، جۇڭگوشا سوتسياليستىك مادەنيەتتى دامىتۋ جولىندا تاباندى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى رۋحاني كۇش – قۋاتتى نىعايتۋ كەرەك. مەملەكەت دەگەنىمىز حالىق، حالىق دەگەنىمىز مەملەكەت، ءسوز جوق، حالىقتى وزەك ەتكەن دامۋ يدەياسىندا تاباندى بولىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك. تابيعاتقا قۇرمەت ەتۋ، تابيعاتقا بەيىمدەلۋ، تابيعاتتى قورعاۋ − جاپپاي سوتسياليستىك وسىزاماندانعان مەملەكەت قۇرۋدىڭ ىشكى تالابى، تۇنىق سۋ، جاسىل تاۋ − باعالى بايلىق ۇستانىمىن، ءسوز جوق، بەرىك ورناتىپ جانە امالياتتا ايگىلەپ، جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى بولۋىن، قاتار ءومىر ءسۇرۋىن جەبەۋ كەرەك. مەملەكەت حاۋىپسىزدىگى − ۇلتتىڭ گۇلدەنۋىنىڭ نەگىزى، قوعام ورنىقتىلىعى − مەملەكەتتىڭ قۇدىرەتتەنۋىنىڭ العى شارتى. جالپى تۇلعالىق مەملەكەت حاۋىپسىزدىگى كوزقاراسىن، ءسوز جوق، بۇلجىتپاي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءارقايسى جاعىندا، تۇتاس بارىسىندا دايەكتىلەندىرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا شىنايى كەپىلدىك ەتۋ كەرەك. ارميا قۇرىلعانىنىڭ 100 جىلدىعى كۇرەس نىساناسىن مەرزىمىندە جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى. پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن، ءسوز جوق، دايەكتىلەندىرىپ، جاڭا داۋىردەگى اسكەري ستراتەگيالىق باعىتىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىندا تاباندى بولىپ، جاڭا داۋىردەگى حالىق ارمياسىنىڭ بورىشىن، مىندەتىن ۇتىمدى اتقارۋ كەرەك. «ءبىر ەل، ەكى ءتۇزىم» − جۇڭگوشا سوتسياليزمنىڭ ۇلى جاسامپازدىعى، وندا، ءسوز جوق، ۇزاق ۋاقىت تاباندى بولىپ، وتاننىڭ بىرلىككە كەلۋ ۇلى ءىسىن تاباندىلىقپەن ىلگەرىلەتۋ كەرەك. ءبىز پارتيانىڭ 20 - قۇرىلتايىندا جاسالعان ءتۇرلى ستراتەگيالىق ورنالاستىرۋلاردى جاپپاي يگەرىپ، ەلىمىزدىڭ دامۋى ءدوپ كەلىپ وتىرعان جاڭا ستراتەگيالىق ورايمەن، جاڭا ستراتەگيالىق مىندەتپەن، جاڭا ستراتەگيالىق كەزەڭمەن، جاڭا ستراتەگيالىق تالاپپەن، جاڭا ستراتەگيالىق ورتامەن تىعىز بايلانىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ ءتۇرلى نىسانا - مىندەتتەرىن جۇزەگە اسىرۋدىڭ ماشاقاتتىلىعى مەن كۇردەلىلىگىن جەتە تانىپ، دايەكتى تياناقتاندىرۋ سانالىلىعى مەن تاباندىلىعىن كۇشەيتۋىمىز كەرەك.
قۇر ءسوز ەلدى توزدىرادى، ىسكەرلىك ەلدى وزدىرادى، ورنالاستىرۋدىڭ ماڭىزى ءبىر ۇلەس، تياناقتاندىرۋدىڭ ماڭىزى توعىز ۇلەس. پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە جاپپاي تياناقتاندىرۋعا كۇش سالىپ، پارتيا 20 - قۇرىلتايىندا العا قويىلعان نىسانالار مەن مىندەتتەردى بۇلجىتپاي ناقتى تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىستەرىنە ۇزدىكسىز قول جەتكىزۋ كەرەك. باس شۋجي شي جينپيڭ ج ك پ 20 - كەزەكتى ورتالىق كوميتەتى ساياسي بيۋروسىنىڭ ءبىرىنشى رەتكى توپتىق ۇيرەنۋىندە: «پارتيا 20 - قۇرىلتايىنىڭ رۋحىن دايەكتىلەندىرىپ، تياناقتاندىرۋدا جوسپار بولۋى، ورنالاستىرۋ بولۋى كەرەك، باس نىسانانى، باس باعداردى، باس تالاپتى يگەرۋ العى شارتىندا ءتۇرلى نىسانالار مەن مىندەتتەردى اشالاپ، تياناقتاندىرۋدىڭ ناقتى جوباسىن باعىتتامالى تۇردە الىپ شىعىپ، ايقىن ۋاقىت كەستەسىن، قۇرىلىس چەرتوجىن جاساپ، تىڭعىلىقتى تۇردە العا قاراي ىلگەرىلەتۋ كەرەك» دەپ دارىپتەدى. پارتيانىڭ 20 - قۇرىلتايىندا بەلگىلەنگەن نىسانالار مەن مىندەتتەردىڭ تاياۋ مەزگىلدەگىسى، ورتا مەزگىلدەگىسى بار، ۇزاق مەزگىلدەگىسى دە بار، ادەتتەگىسى مەن ماڭىزدىسىن، شۇعىلى مەن شۇعىل ەمەسىن ايقىن ايىرىپ، جاپپاي ىلگەرىلەتۋ ءارى ماڭىزدى ءتۇيىندى كورنەكتىلەندىرۋ؛ كوز الداعىنى مىقتى يگەرۋمەن بىرگە، ۇزاق بولاشاقتى كوزدە ۇستاپ، نەگىز قالايتىن، ۇزاق بولاشاققا پايدالى ىستەردى كوبىرەك ىستەپ، فورماشىلدىقتان، تورەشىلدىكتەن ساقتانۋ كەرەك. جەر - جەر، تاراۋلار وزدەرىنىڭ ءىس جۇزىندىك جاعدايىمەن ۇشتاستىرىپ، پارتيا ورتالىق كوميتەتى العا قويعان ستراتەگيالىق ورنالاستىرۋلاردى ءوز ءوڭىرىنىڭ، ءوز تاراۋىنىڭ قىزمەت مىندەتىنە اينالدىرۋى كەرەك. بۇكىل ەل ءبىر تۇتاس جۇيە يدەياسىن بەرىك ورناتىپ، ءوز رايونىنىڭ، ءوز تاراۋىنىڭ قىزمەتىن جوسپارلاۋدا جانە ىلگەرىلەتۋدە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدى العى شارت ەتىپ، قىزمەتتى جاسامپازدىقپەن ورىستەتىپ، ءبىر وڭىرگە داڭق اپەرۋمەن بىرگە، جالپى جاعدايعا دا ۇلەس قوسۋ كەرەك. ءار دارەجەلى باسشى كادرلار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، كىشپەيىل، بايسالدى بولىپ، قاجىرلىلىقپەن كۇرەس جۇرگىزىپ، كۇرەس جۇرگىزۋگە باتىل بولىپ، كۇرەس جۇرگىزۋگە شەبەر بولىپ، جاۋاپكەرلىك ارقالاپ، ىسكەرلىك كورسەتىپ، شىندىققا جۇگىنىپ، ناقتى ىستەر ىستەپ، ءتۇرلى قىزمەتتەردى مىقتى يگەرىپ، حالىق بۇقاراسىنا پارتيا 20 - قۇرىلتايىنىڭ رۋحىن ۇيرەنىپ، دايەكتىلەندىرۋدىڭ ءىس جۇزىندىك ونىمدىلىگىن كورسەتۋى كەرەك.
«ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم - زەڭگىر كوككە». جاڭا جورىق − داڭق پەن ارمانعا تولى ۇزاق جورىق، پارتيانىڭ 20 - قۇرىلتايى ۇلى جوبا جاساپ، العا باسۋدىڭ دابىلىن قاقتى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «مەملەكەتتىڭ زور ىستەرىن» ەستە بەرىك ساقتاپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا 20 - قۇرىلتايىنىڭ رۋحىن اسقاق رۋحاني كۇيمەن، سىندارلى قىزمەت ستيلىمەن دايەكتى تياناقتاندىرىپ، جاڭا جورىقتا پارتيا مەن مەملەكەت ىستەرى دامۋىنىڭ جاڭا جاعدايىن قۇلشىنا اشىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ داستانىن قۇلشىنا جازايىق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
