جۇڭگو ارمانىن ءبىر نيەت، ءبىر تىلەكپەن جۇزەگە اسىرۋدىڭ قۇدىرەتتى بىرىككەن كۇشىن قالىپتاستىرايىق
− پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2022.11.04 16:19 كەلۋ قاينارى : حالىق تورابى
«ىنتىماق − كۇش، ىنتىماق بولعاندا عانا جەڭىسكە جەتۋگە بولادى». پارتيانىڭ 20 - قۇرىلتايىنىڭ بايانداماسىندا باس شۋجي شي جينپيڭ «جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، ميلليارد حالىقتىڭ جاسامپازدىق ۇلى كۇشىن تولىق ساۋلەلەندىرۋ كەرەك» دەگەندى دارىپتەپ، «بۇكىل ەلدەگى ءار ۇلت حالقىنىڭ ۇلى ىنتىماعىن ۇزدىكسىز بەكەمدەپ، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، جۇڭگو ارمانىن ءبىر نيەتپەن بىرگە جۇزەگە اسىراتىن قۇدىرەتتى بىرىككەن كۇش قالىپتاستىرۋدى» تالاپ ەتىپ، «جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە» ۇندەدى. پارتيا 20 - قۇرىلتايىنىڭ رۋحىن ۇيرەنىپ، دايەكتىلەندىرۋدە ىنتىماقتاسا كۇرەس جۇرگىزۋ سىندى ءداۋىر تالابىن مىقتاپ يگەرىپ، ءبىر جاعادان باس، ءبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋى اتتى الىپ كەمەنىڭ تولقىن جارا العا ىلگەرىلەپ، جەلكەن جايىپ الىسقا ساپار شەگۋىنە مۇمكىندىك جاساۋ كەرەك.
جۇڭگو حالقى − ۇلى ىنتىماق رۋحىنا يە حالىق. 100 جىلدىق كۇرەس بارىسىندا جۇڭگو كوممۋنيستىك پارتياسى ۇلى ىنتىماق پەن ۇلى بىرلىكتە باستان - اياق تاباندى بولىپ، ىنتىماقتاسۋعا بولاتىن بارلىق كۇشپەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتوردى جۇمىلدىرىپ، بىرگە كۇرەس جۇرگىزەتىن كۇشتەردى بارىنشا ۇيىستىرىپ، جۇڭگو حالقىن باستاپ جۇڭحۋا ۇلتىنىڭ دامۋ تاريحى مەن ادامزات قوعامىنىڭ العا باسۋ تاريحىندا ايبىندى داستان جازدى. 100 جىلدان بەرى پارتيا مەن حالىق قول جەتكىزگەن بارلىق تابىس − ىنتىماقتاسا كۇرەس جۇرگىزۋدىڭ ناتيجەسى، ىنتىماقتاسا كۇرەس جۇرگىزۋ − جۇڭگو كوممۋنيستىك پارتياسى مەن جۇڭگو حالقىنىڭ ەڭ كورنەكتى رۋحاني بەلگىسى. اسىرەسە، جاڭا داۋىرگە قادام تاستاعاندا، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتىنىڭ جاپالىلىعى دۇنيە جۇزىندە سيرەك كەزدەسەدى. 10 جىلدان بەرى ءبىز ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ - قاتەر مەن سىن – سايىستىڭ سىناعىنان سۇرىنبەي ءوتىپ، پارتيا مەن مەملەكەت ىستەرىندە ءبىرقىدىرۋ تىڭ ىلگەرىلەۋشىلىكتى ىسكە اسىرىپ، ءبىرقىدىرۋ بوگەنايلىق تابىسقا قول جەتكىزدىك. جاڭا داۋىردەگى 10 جىلدىق ۇلى وزگەرىس شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىندا قولعا كەلدى. 10 جىلدان بەرى پارتيا ورتالىق كوميتەتىنىڭ بەدەلى مەن ورتالىقتانعان ءبىرتۇتاس باسشىلىعى پارمەندى كەپىلدىككە يە بولىپ، پارتيانىڭ جالپى جاعدايدى مەڭگەرۋ، ءارقايسى جاقتى سايكەستىرۋ سىندى باسشىلىق ۇيىتقىلىق رولى ونان ارى ساۋلەلەندىرىلىپ، بۇكىل پارتيا يدەيادا اناعۇرلىم بىرلىككە كەلىپ، ساياسيدا اناعۇرلىم ىنتىماقتاسىپ، ارەكەتتە اناعۇرلىم بىرلىككە كەلىپ، پارتيانىڭ ساياسي باسشىلىق قۋاتى، يدەيالىق جەتەكشىلىك قۋاتى، بۇقارالىق ۇيىمداستىرۋ قۋاتى، قوعامدىق ۇندەۋ قۋاتى كورنەكتى كۇشەيدى، پارتيا باستان - اياق بوران - شاشىندى كەزدە بۇكىل حالىقتىڭ ەڭ سەنىمدى تىرەگىنە اينالىپ، ءتۇرلى اۋىر حاۋىپ - قاتەر مەن سىن - سايىسقا توتەپ بەرۋدى ءتۇبىرلى ساياسي كەپىلمەن قامدادى. جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو حالقى اناعۇرلىم مىعىم سەنىم ورناتىپ، ءوز كۇشىنە سۇيەنىپ ءومىر ءسۇرىپ، ءوزىن الۋەتتەندىرىپ، بەلسەندىلىكتى، ىرىقتىلىقتى، جاسامپازدىقتى ونان ارى قاۋلاتىپ، جىگەرى، جالىنى، سەنىمى بۇرىن بولىپ كورمەگەن دارەجەدە كۇشەيىپ، پارتيانىڭ، ارميانىڭ، حالىقتىڭ جىگەرى تاسقىنداپ، ەلىمىزدىڭ دامۋى اناعۇرلىم بەرىك زاتتىق نەگىزگە، اناعۇرلىم كەمەلدى تۇزىمدىك كەپىلدىككە يە بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي بارىسقا ءوتتى. جاڭا داۋىردەگى پارتيا مەن حالىقتىڭ ەكپىندەي العا باسۋ بارىسى بىزگە ىنتىماقتاسا كۇرەس جۇرگىزۋ جۇڭگو حالقىنىڭ پارتيانىڭ باسشىلىعىندا تاريحي ۇلى ىستەر جاراتۋىندا، ءسوز جوق، باسىپ وتەتىن جولى ەكەنىن اناعۇرلىم تەرەڭ تانىتتى.
ايقىن كۇرەس نىساناسى توڭىرەگىندە قالىپتاسقان ىنتىماق − ەڭ بەرىك ىنتىماق، تىعىز ىنتىماققا سۇيەنىپ جۇرگىزىلگەن كۇرەس − ەڭ پارمەندى كۇرەس. پارتيا 20 - قۇرىلتايى جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرىنىڭ دامۋى جونىندە كەلەلى باعىت - ساياساتتار مەن ستراتەگيالىق ورنالاستىرۋلار جاساپ، 2035 - جىلعا بارعانداعى ەلىمىز دامۋىنىڭ جالپى تۇلعالىق نىساناسى مەن الداعى 5 جىلداعى باستى نىسانا - مىندەتتەردى بەلگىلەپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوباسىن جاسادى. جاڭا جورىقتا جاڭا كۇرەس نىساناسىن بەتكە الىپ، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ءازىر تۇرۋ، پارتيانىڭ 20 - قۇرىلتايىندا العا قويىلعان نىسانالار مەن مىندەتتەردى بۇلجىتپاي تياناقتاندىرۋ كەرەك، ءبىز مىنانى ءتىپتى دە تەرەڭ تانۋىمىز كەرەك: پارتيانىڭ ىنتىماعى مەن بىرلىگى پارتيا مەن حالىقتىڭ بولاشاعىنا، تاعدىرىنا سايادى، بۇكىل ەلدەگى ءار ۇلت حالقىنىڭ ءتۇبىرلى مۇددەسىنىڭ تياناعى، ءارقانداي ۋاقىتتا، ءارقانداي جاعدايدا ەشقانداي ءدۇدامالدىق جانە تابانسىزدىق ىستەۋگە بولمايدى؛ بۇكىل پارتيا، بۇكىل ەلدەگى ءار ۇلت حالقى پارتيا تۋى استىندا «قۇرىش بولات» قۇرىپ، جۇدىرىقتاي جۇمىلىپ، ەل بىرلىگىنەن بەرىك قامال تۇرعىزعاندا عانا، ۇلتتىڭ گۇلدەنۋىن جۇزەگە اسىرۋدىڭ جويقىن ۇلى كۇشىن ۇيىستىرا الادى. ءبىز «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن اناعۇرلىم سانالى تۇردە قورعاپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىماي ساقتاپ، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس بەتالىسىنا شىنايى كەپىلدىك ەتىپ، بۇكىل پارتيانىڭ، بۇكىل ەلدىڭ ىنتىماقتاسا كۇرەس جۇرگىزەتىن قۇدىرەتتى ساياسي ۇيىستىرۋ قۋاتىنا يە بولۋىنا، دامۋ سەنىمىنە شىنايى كەپىلدىك ەتىپ، دۇرىس جولدان تايماي، جاڭالىق اشاتىن، ۋاقىتتىق قيىنشىلىقتى بىرگە جەڭەتىن قۇدىرەتتى كۇش توپتاۋىمىز كەرەك.
20 - كەزەكتى ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەندە، باس شۋجي شي جينپيڭ بىلاي دەپ دارىپتەدى: «جاڭا جورىقتا ءبىز بارلىعىن حالىق ءۇشىن ىستەۋدە، بارلىعىندا حالىققا سۇيەنۋدە باستان - اياق تاباندى بولۋىمىز كەرەك». حالىق − تاريحتى جاراتۋشى، پارتيا مەن مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش. باسىپ وتكەن جولىندا پارتيامىز حالىققا بەرىك سۇيەنە وتىرىپ، تاريحقا جازىلاتىن جاۋاپتاردى ارت - ارتىنان قايتاردى. العا باسۋ جولىندا مەيلى بوران - شاشىن بولسىن، الدە اساۋ تولقىندار بولسىن، حالىق ماڭگى پارتيامىزدىڭ ەڭ بەرىك سۇيەنىشى، ەڭ قۇدىرەتتى تىرەگى بولادى. بۇكىل پارتيا بۇكىل ىنتا - پەيىلىمەن حالىق ءۇشىن قىزمەت ىستەۋ سىندى ءتۇبىرلى ماقساتتا، حالىقتى وزەك ەتكەن دامۋ يدەياسىندا تاباندى بولىپ، بۇقارالىق كوزقاراستى بەرىك ورناتىپ، بۇقارالىق لۋشياندى دايەكتىلەندىرىپ، حالىقتىڭ جاسامپازدىق رۋحىنا قۇرمەت ەتىپ، بارلىعىن حالىق ءۇشىن ىستەۋدە، بارلىعىندا حالىققا سۇيەنۋدە تاباندى بولىپ، بۇقارادان الىپ، بۇقاراعا قايتارىپ، حالىق بۇقاراسىمەن ەتەنە بايلانىستى باستان - اياق ساقتاپ، حالىقتىڭ سىنى مەن باقىلاۋىن باستان - اياق قابىلداۋى، قاشان دا حالىقپەن تىنىستاس، تاعدىرلاس، جۇرەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋى كەرەك. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ىنتىماقتاسا كۇرەس جۇرگىزۋدىڭ وڭ ەنەرگياسىن كەڭىنەن ۇيىستىرۋدى قاجەت ەتەدى. ءار جىكتىڭ، ءار جاقتىڭ اقىل - پاراساتى مەن كۇش - قۋاتىن مۇمكىندىكتىڭ بارىنشا ۇيىستىرىپ، بۇكىل قوعامنىڭ، بۇكىل ۇلتتىڭ بەلسەندىلىگىن، ىرىقتىلىعىن، جاسامپازدىعىن مۇمكىندىكتىڭ بارىنشا ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا بىرگە كۇرەس جۇرگىزۋ كەرەك. ءبىز ۇلتتاردىڭ ۇلى ىنتىماعىن، بۇكىل ەل حالقىنىڭ ۇلى ىنتىماعىن، بۇكىل جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەپ جانە دامىتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بۇكىل جۇڭحۋا ۇلاندارىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ توڭىرەگىندە وي جۇگىرتۋگە، بىرگە ىستەۋگە جۇمىلدىرساق بولعانى، ءسوز جوق، ءبىر نيەت، ءبىر تىلەكپەن جۇڭگو ارمانىن جۇزەگە اسىرۋدىڭ قۇدىرەتتى بىرىككەن كۇشىن قالىپتاستىرا الامىز.
ىنتىماق − تەمىر، ىنتىماق − قۇرىش، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەر مەن سىن - سايىستى جەڭۋىنىڭ، جەڭىستەن - جەڭىسكە ۇزدىكسىز جەتۋىنىڭ ماڭىزدى كەپىلى. جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ جالپى ستراتەگيالىق ورنالاستىرۋى مىناداي ەكى قادامعا ءبولىپ جۇرگىزىلەدى: 2020 - جىلدان 2035 - جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتا شەنىنە دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. بۇل − جۇڭگو حالقى مەن جۇڭحۋا ۇلتى جاڭا جورىقتا ەكپىندەي ىلگەرىلەپ، جاڭا شۇعىلالى داستان جازاتىن ۇلى ءداۋىر! جۇڭگو حالقىنىڭ ءاربىر مۇشەسى، جۇڭحۋا ۇلتىنىڭ ءاربىر مۇشەسى وسىنداي ۇلى داۋىردە تۇرعانىنا ماقتانۋعا ءتيىس! جاڭا ۇلى جورىقتا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، ستراتەگيالىق تۇراقتىلىقتى ساقتاپ، ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزىپ، بوگەتسىز العا باسساق، ءبىز، ءسوز جوق، جاڭا داۋىردەگى جۇڭگوشا سوتسياليزمنىڭ اناعۇرلىم كوركەم داستانىن جازىپ، ادامزاتتىڭ ۇلى ۋاقىت تاريحىندا جۇڭحۋا ۇلتىنىڭ ۇلى تاريحي ۋاقىتىن جاراتا الامىز!
كەلۋ قاينارى؛ حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
