بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ ساۋد ارابياسىنىڭ تاق مۇراگەرى قوسىمشا باس ءۋازىر مۇحاممەدپەن تەلەفوندا سويلەستى

2023.03.29 16:56     كەلۋ قاينارى : حالىق تورابى

  شينحۋا اگەنتتىگى، 3 - ايدىڭ 28 - كۇنى، بەيجيڭ. 3 - ايدىڭ 28 - كۇنى مەملەكەت ءتوراعاسى شي جينپيڭ ساۋد ارابياسىنىڭ تاق مۇراگەرى، قوسىمشا باس ءۋازىر مۇحاممەدپەن تەلەفوندا سويلەستى.

  شي جينپيڭ مۇحاممەدكە پاتشا سالمانعا ىزگى تىلەگىن جەتكىزۋدى ءارى ورازا ايى بايلانىسىمەن سالەم جولداۋدى تاپسىردى. شي جينپيڭ بىلاي دەپ اتاپ كورسەتتى: قازىر جۇڭگو - ساۋد ارابياسى قارىم - قاتىناسى تاريحتاعى ەڭ جاقسى مەزگىلدە تۇر. بىلتىر جىل سوڭىندا مەن ساۋد ارابياسىندا مەملەكەتتىك ساپاردا بولدىم، ءبىز ريادتا جۇڭگو - اراب ەلدەرى تۇڭعىش كەزەكتى باسشىلار كەڭەسىن، جۇڭگو - شىعاناق اراب ەلدەرى سەلبەستىك كوميتەتىنىڭ تۇڭعىش كەزەكتى باسشىلار كەڭەسىن ءساتتى وتكىزىپ، جۇڭگو - ساۋد ارابياسى قاتىناسىنىڭ دامۋىن پارمەندى ىلگەرىلەتىپ، جۇڭگونىڭ شىعاناق سەلبەستىك قوعامىمەن جانە اراب ەلدەرىمەن قارىم - قاتىناسىن جەبەپ، ورتا شىعىس ءوڭىرىنىڭ جاعدايىنا بەلسەندى ىقپال جاسادىق. جۇڭگو جاق ساۋد ارابياسى جاقپەن بىرگە ”ءۇش اينالما باسشىلار باس قوسۋىنىڭ“ تابىستارىن ويداعىداي تياناقتاندىرىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءوزارا تاباندىلىقپەن قولداۋ كورسەتىپ، ناقتى ىستەر سەلبەستىگىن جانە گۋمانيتارلىق اۋىس - كۇيىستى كەڭەيتىپ، جۇڭگو مەن ساۋد ارابياسىنىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋدى جۇزەگە اسىرۋىن ىلگەرىلەتىپ، جاڭا داۋىرگە بەت العان جۇڭگو - اراب ەلدەرى تاعدىرلاس ورتاق تۇلعاسىن بار كۇشپەن قۇرىپ، ورتا شىعىس ءوڭىرىنىڭ بەيبىتشىلىگىن، ورنىقتىلىعىن، دامۋىن جەبەۋگە اناعۇرلىم كوپ ۇلەس قوسۋعا پەيىل.

  شي جينپيڭ بىلاي دەپ اتاپ كورسەتتى: تاياۋدا جۇڭگونىڭ، ساۋد ارابياسىنىڭ، يراننىڭ بىرگە قۇلشىنۋىندا، ساۋد ارابياسى، يران بەيجيڭ تىلدەسۋى ءساتتى وتكىزىلدى ءارى كەلەلى تابىستارعا قول جەتكىزدى، بۇل ساۋد ارابياسى مەن يراننىڭ قارىم - قاتىناسىن جاقسارتۋدا، وڭىردەگى ەلدەردىڭ ىنتىماعىن، سەلبەستىگىن كۇشەيتۋدە، وڭىرلىك شۇعىل جاعدايدى باسەڭدەتۋدە كەلەلى ۇلگىلىك رول اتقارىپ، حالىقارالىق قوعامنىڭ جاپپاي جاقسى باعاسىنا يە بولدى. تاياۋدان بەرى وڭىردەگى مەملەكەتتەر اراسىنداعى قارىم - قاتىناستى جاقسارتۋ بەتالىسى كورنەكتى كۇشەيىپ، قايشىلىق، الاۋىزدىقتاردى تىلدەسۋ، كەڭەسۋ ارقىلى شەشۋ حالىق تىلەگىنە ۇيلەسەتىنىن، ءداۋىر اعىمى مەن ءار ەلدىڭ مۇددەسىنە ۇيلەسەتىنىن تولىق ايگىلەدى. ساۋد ارابياسى مەن يراننىڭ تاتۋ كورشىلىك، دوستىق رۋحتا تاباندى بولىپ، بەيجيڭدەگى تىلدەسۋ جەتىستىكتەرى نەگىزىندە قارىم - قاتىناستى ۇزدىكسىز جاقسارتۋىن ءۇمىت ەتەمىن. جۇڭگو جاق ساۋد ارابياسى، يران تىلدەسۋىنىڭ سوڭعى اياق الىسىن ۇزدىكسىز قولداۋعا پەيىل.

  مۇحاممەد پاتشا سالماننىڭ شي جينپيڭگە جولداعان سالەمىن جەتكىزىپ، شي جينپيڭنىڭ مەملەكەت ءتوراعاسى بولىپ قايتا سايلانعانىن تاعى دا قىزۋ قۇتتىقتايتىنىن ءبىلدىردى. مۇحاممەد مىنانى ءبىلدىردى: ساۋد ارابياسى جاق جۇڭگو جاقتىڭ ساۋد ارابياسى مەن يران قارىم - قاتىناسىنىڭ جاقسارۋىن زور كۇشپەن قولداعانىنا شىن جۇرەكتەن العىس ايتادى، بۇل جۇڭگونىڭ جاۋاپكەرلىك ارقالايتىن ءىرى ەلدىك رولىن تولىق ايگىلەدى. جۇڭگو وڭىرلىك جانە حالىقارالىق ىستەردە كۇن سايىن ماڭىزدى دا سىندارلى رول اتقارىپ كەلەدى، ساۋد ارابياسى مۇنى ايرىقشا القايدى. جۇڭگو − ساۋد ارابياسىنىڭ ماڭىزدى سەلبەستىك سەرىگى. ساۋد ارابياسى جۇڭگومەن قارىم - قاتىناستى دامىتۋعا ايرىقشا ءمان بەرەدى، جۇڭگومەن بىرگە قۇلشىنىپ، ەكى ەل سەلبەستىگىنىڭ جاڭا بولاشاعىن اشۋعا پەيىل.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى