حان جىڭ چيڭحۋا داشۋەسى ەكونوميكا باسقارۋ شۋەيۋانى اقىلشىلار كوميتەتى مۇشەلەرىنىڭ ۋاكىلدەرىمەن اڭگىمەلەستى
2023.03.29 16:57 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 28 - كۇنى، بەيجيڭ. 3 - ايدىڭ 28 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە چيڭحۋا داشۋەسى ەكونوميكا باسقارۋ شۋەيۋانى اقىلشىلار كوميتەتى مۇشەلەرىنىڭ ۋاكىلدەرىمەن اڭگىمەلەستى.
حان جىڭ بىلاي دەدى: بۇگىنگى جۇڭگونى ءتۇسىنۋ ءۇشىن، ءسوز جوق، ج ك پ 20 - قۇرىلتايىنىڭ جۇڭگونىڭ بولاشاقتاعى ءبىر مەزگىلدەگى دامۋى جونىندە جاساعان ستراتەگيالىق ورنالاستىرۋىن ىشكەرىلەي ءتۇسىنۋ كەرەك. جۇڭگو كوممۋنيستىك پارتياسىنىڭ كۇرەس نىساناسى − ءبىر ميلليارد 400 ميلليوننان استام جۇڭگو حالقىن تاماشا تۇرمىسقا كەنەلتۋ. جۇڭگو كوممۋنيستىك پارتياسىنىڭ وزەكتى مىندەتى – جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ. حان جىڭ جۇڭگو ۇلگىسىندەگى وسىزامانداندىرۋدىڭ تاريحي لوگيكاسى مەن ايقىن ەرەكشەلىگىن پايىمداپ، بىلاي دەپ دارىپتەدى: وسىزامانداندىرۋدى جۇزەگە اسىرۋدىڭ جالپىعا بىردەي ۇلگىسى مەن ولشەمى جوق، ءسوز جوق، ءوز مەملەكەت جاعدايىن نەگىز ەتۋ، ءار ەلدىڭ ءىس جۇزىندىك جاعدايىنا ۇيلەسۋ كەرەك. جۇڭگونىڭ جالپى حالىقتى بىرگە اۋقاتتاندىرۋ جولىمەن جۇرۋدە تاباندى بولىپ، ادام مەن تابيعاتتىڭ جاراسىمدىلىعىن جەبەپ، ساپالى دامۋدى ىلگەرىلەتۋى − جۇڭگو ۇلگىسىندەگى وسىزامانداندىرۋدى جۇزەگە اسىرۋدىڭ ماندىك تالابى. جۇڭگو سىرتقا ەسىك اشۋ سىندى نەگىزگى مەملەكەت ساياساتىندا ۇزدىكسىز تاباندى بولىپ، بازارعا كىرۋ رۇقساتىن ۇزدىكسىز كەڭەيتىپ، ساۋدا ورتاسىن ساپالىلاندىرىپ، ءار ەل كاسىپورىندارىمەن بىرگە قۇلشىنىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتىلىعىن قورعايدى.
حان جىڭ بىلاي دەدى: ءتوراعا شي جينپيڭ اقىلشىلار كوميتەتىنىڭ قىزمەتىنە ايرىقشا ءمان بەرىپ، كوميتەتتىڭ رولىن ساۋلەلەندىرۋ، جۇڭگو مەن شەتەلدىڭ ناقتى سەلبەستىگىن تەرەڭدەتۋ جونىندە شىنايى ءۇمىت ارتتى. مۇشەلەر جۇڭگونىڭ وقۋ - اعارتۋ ىستەرىنە ۇزاق ۋاقىتتان بەرى كوڭىل ءبولىپ، قولداۋ كورسەتىپ كەلەدى، ءبىز مۇنى القايمىز. وقۋ - اعارتۋ − مەملەكەتتىڭ دامۋىنىڭ، ۇلتتىڭ گۇلدەنۋىنىڭ العى شارتى، وقۋ - اعارتۋعا قارجى قوسۋ − بولاشاققا قارجى قوسقاندىق. جۇڭگو ۇكىمەتى ىندەتتىڭ سوققىسى مەن ەكونوميكانىڭ سايىسىن جەڭىپ، وقۋ - اعارتۋعا قازىنالىق قوسىلىمدى كەمەيتپەۋدە، قولداۋ تەبىنىن كەمەيتپەۋدە تاباندى بولدى. مۇشەلەردىڭ جۇڭگونىڭ دامۋىنا ۇزدىكسىز ىشكەرىلەي ات سالىسىپ، جۇڭگو مەن شەتەلدىڭ وقۋ - اعارتۋ، عىلىم - تەحنيكا اۋىس - كۇيىسى مەن سەلبەستىگىنە بەلسەنە كۇش سالۋىن ءۇمىت ەتەمىن.
اقىلشىلار كوميتەتىنىڭ ءتوراعاسى، الما سەرىكتەستىگىنىڭ باس اتقارۋشى ءمانساپتىسى تيم كۋك قاتارلىلار جۇڭگومەن وقۋ - اعارتۋ اۋىس - كۇيىسىن، دارىندىلاردى تاربيەلەۋ سەلبەستىگىن ورىستەتۋ سياقتى جاعدايلاردى تانىستىردى. ولار مىنانى ءبىلدىردى: جۇڭگو ۇكىمەتىنىڭ ەسىكتى ايقارا اشۋدا، ءوزارا پايدا جەتكىزىپ، تەڭ يگىلىككە كەنەلۋدە تاباندى بولعانىن القايمىز، جۇڭگو ۇلگىسىندەگى وسىزامانداندىرۋدىڭ جاڭا ورايىنا زور ءۇمىت ارتامىز، جۇڭگوعا قارجى قوسۋ جانە جاسىل ەكونوميكا، باياندى دامۋ، جاڭالىق اشۋ، زەرتتەۋ - اشۋ سياقتى جاقتارداعى ۇسىنىلىمدى ۇزدىكسىز كەڭەيتىپ، جۇڭگونىڭ ساپالى دامۋىنا دەم بەرەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
