ۋاڭ حۋنيڭ مەملەكەتتىك ساياسي كەڭەس ارناۋلى كوميتەتتەرى مەڭگەرۋشىلەرىنىڭ ماجىلىسىندە جانە ۇيرەنۋ، زەرتتەۋ - تالقى كۋرسىندا مىنانى دارىپتەدى
ارناۋلى كوميتەتتەردىڭ قىزمەت ورەسىن شىنايى جوعارىلاتىپ، حالىق ساياسي كەڭەسىنىڭ ارناۋلى كەڭەس قۇرىلىمى رولىن اناعۇرلىم ويداعىداي ساۋلەلەندىرۋ كەرەك
2023.03.29 16:58 كەلۋ قاينارى : حالىق تورابى
«حالىق گازەتى»، 3 - ايدىڭ 28 - كۇنى، بەيجيڭ. 14 - كەزەكتى مەملەكەتتىك ساياسي كەڭەس ارناۋلى كوميتەتتەرى مەڭگەرۋشىلەرىنىڭ ءماجىلىسى جانە ۇيرەنۋ، زەرتتەۋ - تالقى كۋرسى 3 - ايدىڭ 28 - كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جانە ج ك پ 20 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ارناۋلى كوميتەتتىڭ قىزمەت ورەسىن شىنايى جوعارىلاتىپ، حالىق ساياسي كەڭەسىنىڭ ارناۋلى كەڭەس قۇرىلىمى رولىن اناعۇرلىم ويداعىداي ساۋلەلەندىرىپ، جاڭا داۋىردەگى حالىق ساياسي كەڭەسىنىڭ بورىشى مەن مىندەتىن وسكەلەڭ ساياسي جاۋاپكەرلىك سەزىممەن ارقالاۋ كەرەك.
ۋاڭ حۋنيڭ مىنالاردى ءبىلدىردى: دۇرىس ساياسي بەتالىستى مىقتاپ يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋدى، جەتە ءتۇسىنۋدى، شىنايى تياناقتاندىرۋدى حالىق ساياسي كەڭەسىنىڭ ماڭداي الدى ساياسي مىندەتى ەتىپ، وسى ماڭىزدى يدەيانىڭ دۇنيەگە كوزقاراسىن، مەتودولوگياسىن جانە وعان سىڭىرىلگەن مايدان، كوزقاراس، ءادىستى قانىق يگەرىپ، حالىق ساياسي كەڭەسى قىزمەتىنىڭ تۇتاس بارىسى مەن ءارقايسى جاعىندا جاپپاي دايەكتىلەندىرۋ كەرەك. جۇڭگو ۇلگىسىندەگى وسىزامانداندىرۋ قۇرىلىسىن جەدەل ىلگەرىلەتۋدى ارقاۋ ەتىپ، ءوز ارتىقشىلىقتارى مەن جالپى جاعدايدىڭ قاجەتىن ۇشتاستىرىپ، ۇكىمەت ىسىنە اقىل - كەڭەس بەرۋ قيمىلىن ىشكەرىلەي ورىستەتىپ، كەڭەس ساپاسىن كۇش سالا جوعارىلاتۋ كەرەك. تەكسەرۋ - زەرتتەۋ ستيلىن بارىنشا ساۋلەلەندىرىپ، تەكسەرۋ - زەرتتەۋگە ءمان بەرىپ، شوگەلدىكپەن تەكسەرۋ - زەرتتەۋ جۇرگىزىپ، تەكسەرۋ - زەرتتەۋگە شەبەر بولىپ، ىشكەرىلەي تەكسەرۋ - زەرتتەۋ جۇرگىزۋ بارىسىندا مىندەت اتقارۋ قابىلەتىن كۇشەيتۋ كەرەك. ۇلى ىنتىماقتا، ۇلى بىرلىكتە تاباندى بولىپ، يدەيالىق - ساياسي جەتەكشىلىكتى كۇشەيتۋ، ورتاق تانىمدى كەڭىنەن ۇيىستىرۋ قىزمەتىن تىڭعىلىقتى ىستەپ، ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىن بەكەمدەۋ كەرەك.
ۋاڭ حۋنيڭ مىنالاردى ءبىلدىردى: پارتيانىڭ باسشىلىعىندا بۇلجىماي تاباندى بولىپ، ساياسي قۇرىلىستى باسشىلىققا الىپ، ارناۋلى كوميتەتتەردىڭ پارتيا قۇرىلىسىن كۇشەيتۋ كەرەك. جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، پارتيانى جاپپاي قاتاڭ جونگە سالۋدىڭ تۇلعالىق جاۋاپكەرلىگىن اتقارىپ، وزىنە توڭكەرىس جاساۋ رۋحىن ساۋلەلەندىرىپ، تاباندىلىقپەن ستيلدى دۇرىستاپ، ءتارتىپتى قاتايتۋ كەرەك. پارتيالى مۇشەلەردىڭ اتويشى ۇلگىلىك رولىن ساۋلەلەندىرىپ، سەلبەسىپ بىرگە ىستەۋدىڭ ۇلگىسى، دەموكراتيانى ساۋلەلەندىرۋدىڭ ۇلگىسى، شىندىققا جۇگىنىپ، ناقتى ءىس ىستەۋدىڭ ۇلگىسى، بۇقارامەن بايلانىس ورناتۋدىڭ ۇلگىسى، پاك، كوپشىل بولۋدىڭ ۇلگىسى بولۋعا قۇلشىنۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارى حۋ چۇنحۋا جەكە - جەكە تۇستەن بۇرىنعى جانە تۇستەن كەيىنگى جالپى ءماجىلىستى باسقاردى. شى تايفىڭ قورىتىندى ءسوز سويلەدى.
مەملەكەتتىك ساياسي كەڭەس ءتوراعاسىنىڭ ورىنباسارلارى شىن يۋەيۋە، ۋاڭ يۇڭ، جوۋ چياڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
