ساپالى دامۋدىڭ، باياندى گۇلدەنۋدىڭ جاڭا جولىن اشايىق
− باس شۋجي شي جينپيڭنىڭ جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2023.09.11 16:57 كەلۋ قاينارى : حالىق تورابى
”ساپالى دامۋدىڭ، باياندى گۇلدەنۋدىڭ جاڭا جولىن قۇلشىنا اشىپ، شىعىس سولتۇستىكتى جاپپاي گۇلدەندىرۋدىڭ جاڭا تاراۋىن قۇلشىنا جازۋ كەرەك“. تاياۋدا باس شۋجي شي جينپيڭ حيلۇڭجياڭ ولكەسىنىڭ حاربين قالاسىندا جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەپ، پارتيا مەن مەملەكەت ىستەرىنىڭ دامۋ جالپى جاعدايى سىندى ستراتەگيالىق تۇرعىدان شىعىس سولتۇستىك ءوڭىر ارقالاپ وتىرعان ماڭىزدى بورىشتى ىشكەرىلەي پايىمداپ، شىعىس سولتۇستىكتى گۇلدەندىرۋدە ءدوپ كەلگەن جاڭا كەلەلى ورايعا ىشكەرىلەي تالداۋ جاساپ، جاڭا ءداۋىر، جاڭا جورىقتا شىعىس سولتۇستىكتىڭ جاپپاي گۇلدەنۋىن ىلگەرىلەتۋگە ورنالاستىرۋ جاسادى، شىعىس سولتۇستىكتىڭ ساپالى دامۋ، باياندى گۇلدەنۋ جاڭا جولىمەن جۇرۋىنە العا باسۋ بەتالىسىن كورسەتىپ، ءتۇبىرلى تياناق ازىرلەدى.
شىعىس سولتۇستىك ءوڭىر − ەلىمىزدىڭ ماڭىزدى ونەركاسىپ جانە اۋىل شارۋاشىلىق بازاسى، مەملەكەتتىڭ مەملەكەت قورعانىسى حاۋىپسىزدىگىن، استىق حاۋىپسىزدىگىن، ەكولوگيا حاۋىپسىزدىگىن، ەنەرگيا حاۋىپسىزدىگىن، كاسىپ سالاسى حاۋىپسىزدىگىن قورعاۋداعى ستراتەگيالىق ورنى توتەنشە ماڭىزدى، مەملەكەت دامۋىنىڭ جالپى جاعدايىنا سايادى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى شىعىس سولتۇستىكتەگى بايىرعى ونەركاسىپ بازالارىن گۇلدەندىرۋگە، دامىتۋعا ايرىقشا ءمان بەرىپ، «شىعىس سولتۇستىك ءوڭىر سياقتى بايىرعى ونەركاسىپ بازالارىن جاپپاي گۇلدەندىرۋ جونىندەگى ءبىرقانشا پىكىردى» جاساپ شىعارىپ، شىعىس سولتۇستىكتى گۇلدەندىرۋ ستراتەگياسىن ىشكەرىلەي اتقاردى. 2018 - جىلى 9 - ايدا باس شۋجي شي جينپيڭ شىنياڭدا شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ جونىندەگى اڭگىمە ءماجىلىسىن باسقارىپ اشقاننان بەرى شىعىس سولتۇستىكتەگى 3 ولكە جانە ىشكى موڭعۇل شىعىس سولتۇستىكتى گۇلدەندىرۋدى ىلگەرىلەتۋ جاعىندا تىڭ ىلگەرىلەۋشىلىككە، تىڭ ناتيجەگە قول جەتكىزىپ، مەملەكەتتىڭ استىق حاۋىپسىزدىگىندەگى ”ورنىقتىرعىشتىق رولى“ اناعۇرلىم بەكەمدەلىپ، كاسىپ سالاسى حاۋىپسىزدىگىنىڭ نەگىزى ۇزدىكسىز بەكەمدەلىپ، ەنەرگيا حاۋىپسىزدىگىن قامتاماسىز ەتۋ رولى ۇزدىكسىز كۇشەيىپ، ەكولوگيالىق حاۋىپسىزدىك قالتقىسى ۇزدىكسىز بەكەمدەلدى. مەملەكەت قورعانىسى حاۋىپسىزدىگىن قامتاماسىز ەتۋ قابىلەتى ورنىقتى جوعارىلاپ، رەفورما جاساپ، ەسىك اشۋدا تىڭ بەينە جارىققا شىقتى.
پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى جوباسىن جاساپ، شىعىس سولتۇستىكتىڭ جاپپاي گۇلدەنۋىن ىلگەرىلەتۋدە تىڭ تابىستارعا قول جەتكىزۋ ماڭىزدى ورنالاستىرۋىن جاسادى. شىعىس سولتۇستىكتىڭ بايلىق شارت - جاعدايى ءبىرشاما جاقسى، كاسىپ نەگىزى ءبىرشاما مىعىم، وڭىرلىك ابزالدىعى ەرەكشە، دامۋ كومەسكى كۇشى وراسان زور. باس شۋجي شي جينپيڭ ەلىمىز دامۋىنىڭ جالپى اۋقىمى جانە شىعىس سولتۇستىكتى جاپپاي گۇلدەندىرۋدى ىلگەرىلەتۋ ءدوپ كەلگەن تىڭ دا كەلەلى ورايدى عىلمي يگەرىپ، ”جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ شىعىس سولتۇستىكتىڭ عىلىم - تەحنيكا، وقۋ - اعارتۋ جانە كاسىپ سالاسى ابزالدىعىن دامۋ ابزالدىعىنا اينالدىرۋعا ءتيىمدى؛ جاڭا دامۋ ارناسىن قالىپتاستىرۋدا شىعىس سولتۇستىكتىڭ ماڭىزدى ستراتەگيالىق ورنىن ونان ارى كورنەكتىلەندىرۋ؛ جۇڭگو ۇلگىسىندەگى وسىزامانداندىرۋدى ىلگەرىلەتۋدە شىعىس سولتۇستىكتىڭ ستراتەگيالىق تىرەكتىك رولىن كۇشەيتۋ قاجەت“ دەپ ىشكەرىلەي اتاپ كورسەتتى. بولاشاقتى بەتكە العاندا، شىعىس سولتۇستىكتىڭ مەملەكەتتىڭ ”5 ۇلكەن حاۋىپسىزدىگىن“ قورعاۋداعى ماڭىزدى بورىشىن مىقتاپ يگەرۋ، ساپالى دامۋ سىندى ماڭداي الدى مىندەتتى جانە جاڭا دامۋ ارناسىن قالىپتاستىرۋ سىندى ستراتەگيالىق مىندەتتى مىقتاپ يگەرۋ، ءبىر تۇتاس جوسپارلاپ دامۋ مەن حاۋىپسىزدىكتى كوزدەپ، نىسانانى باعدار ەتۋ مەن ماسەلەنى باعدار ەتۋدى ۇشتاستىرۋدا، شىڭدالۋدى، ولقىلىقتاردى تولىقتاۋدى ۇشتاستىرۋدا، قولداۋ سەرپىنىن ارتتىرۋ مەن ىشكى قوزعاۋشى كۇشتى قاۋلاتۋدى ۇشتاستىرۋدا تاباندى بولۋ، ماڭىزدى ورايدى مىقتى يگەرىپ، كورنەكتى ابزالدىقتى ساۋلەلەندىرگەندە، شىعىس سولتۇستىك جۇڭگو، ءسوز جوق، قۇدىرەتتى ەل قۇرۋدىڭ، ۇلتتى گۇلدەندىرۋدىڭ جاڭا ساپارىندا قايتادان ايبىنىن اسىرىپ، تاعى دا تاماشا ناتيجە جاراتا الادى.
”عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتىپ، شىعىس سولتۇستىك ەرەكشەلىگىنە، ابزالدىعىنا يە وسىزاماندانعان كاسىپ سالاسى جۇيەسىن ورناتۋدى جەدەلدەتۋ كەرەك“، ”وسىزاماندانعان ءىرى اۋىل شارۋاشىلىعىن دامىتۋدى نەگىزگى قامال الۋ بەتالىسى ەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋ كەرەك“، ”وسىزاماندانعان نەگىزدىك قۇرىلعىلار جۇيەسىن جەدەل ورناتىپ، ىشكە، سىرتقا ەسىك اشۋ سەلبەستىگىنىڭ دەڭگەيىن جوعارىلاتۋ كەرەك“، ”حالىق سانىنىڭ جالپى تۇلعالىق ساپاسىن جوعارىلاتىپ، حالىق سانىنىڭ ساپالى دامۋى ارقىلى شىعىس سولتۇستىكتى جاپپاي گۇلدەندىرۋگە تىرەك بولۋ كەرەك“، ”ساياسي ەكولوگيانى ونان ارى ساپالىلاندىرىپ، تاماشا شارۋاشىلىق - ساۋدا ورتاسىن قالىپتاستىرۋ كەرەك“. باس شۋجي شي جينپيڭ جاڭا داۋىردە شىعىس سولتۇستىكتىڭ جاپپاي گۇلدەنۋىن ىلگەرىلەتۋ جونىندە ورنالاستىرۋ جاسادى، مۇندا بيىكتە تۇرىپ الىستى بولجاعان يدەيالىق جەتەكشىلىك تە، بيىكتە تۇرىپ الىستى بولجاعان ءادىس تە بار. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”شىعىس سولتۇستىكتىڭ جاپپاي گۇلدەنۋىن ىلگەرىلەتۋدىڭ نەگىزى تۇلعالىق ەكونوميكادا، تەتىگى عىلىم - تەحنيكادا جاڭالىق اشۋدا، باعىتى كاسىپ سالاسىنىڭ دارەجەسىن جوعارىلاتۋدا“ ەكەنىن جەتە تانىپ، ”مەملەكەتتىڭ استىق ءوندىرىسىن ورنىقتىرۋ، قامداۋدى قامتاماسىز ەتۋدەگى ’ورنىقتىرعىش‘ بولۋ − شىعىس سولتۇستىكتىڭ ماڭداي الدى جاۋاپكەرلىگى“ ەكەنىن تەرەڭ تانىپ، ”ءبىر بەلدەۋ، ءبىر جولدى“ بىرگە قۇرۋمەن تەرەڭ توعىسىپ، شىعىس سولتۇستىكتىڭ وسى زامانعى نەگىزدىك قۇرىلعى جۇيەسىن جۇيەلى ورنالاستىرىپ، قۇرۋ كەرەك، حالىق سانىنىڭ جالپى تۇلعالىق ساپاسىن جوعارىلاتىپ، حالىق سانىنىڭ ساپالى دامۋىن جەبەپ، ەتەنە، پاك جاڭاشا ۇكىمەت - ساۋدا قاتىناسىن جاپپاي ورناتىپ، شىعىس سولتۇستىكتى جاپپاي گۇلدەندىرۋدە تىڭ تابىستارعا قول جەتكىزۋدى ىلگەرىلەتىپ، مەملەكەتتىڭ دامۋ جالپى جاعدايىنا اناعۇرلىم ويداعىداي قىزمەت وتەۋ كەرەك.
پارتيانىڭ باسشىلىعى مەن پارتيا قۇرىلىسىن كۇشەيتۋ − شىعىس سولتۇستىكتى جاپپاي گۇلدەندىرۋدىڭ ءتۇبىرلى كەپىلى. قازىر 1 - توپتاعى نەگىزگى تاقىرىپتىق تاربيە اياقتادى، 2 - توپتاعى نەگىزگى تاقىرىپتىق تاربيە باستالدى. نازاريا ۇيرەنۋدى تەرەڭدەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى شوعىرلاندىرىپ، رۋحتى سومداپ، پارتيا مۇشەلەرىنىڭ، كادرلاردىڭ يدەياسى مەن ارەكەتىن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، سەنىمدى كۇشەيتىپ، رۋحتى سەرپىلتۋ؛ تەكسەرۋ - زەرتتەۋدى بارىنشا ورىستەتىپ، پارتيا مۇشەلەرىنىڭ، كادرلاردىڭ، اسىرەسە، باسشى كادرلاردىڭ قىزمەتتى عىلمي جوبالاۋ، ءىس جۇزىندىك ماسەلەلەردى شەشۋ، قىزمەتتى تياناقتاندىرۋدى مىقتى يگەرۋ قابىلەتىن جوعارىلاتۋ؛ ساپالى دامۋدى ىلگەرىلەتۋگە نازار اۋدارىپ، پارتيا مۇشەلەرىن، كادرلاردى جاڭا دامۋ ۇستانىمىن تولىق، دالمە - ءدال جان - جاقتى دايەكتىلەندىرۋگە تاربيەلەپ جانە جەتەكتەپ، حالىقتى وزەك ەتكەن دامۋ يدەياسىن دايەكتىلەندىرىپ، عىلمي پوزيتسيا جانە ناقتى ءىس ىستەۋ رۋحىمەن دامۋدىڭ جاڭا جاعدايىن اشۋ؛ رەتتەۋ - تۇزەتۋدى كۇشەيتىپ، پارتيا مۇشەلەرىن، كادرلاردى پارتيالىلىق، پارتيا ستيلى، پارتيا ءتارتىبى جاعىنداعى ماسەلەلەرگە دۇرىس قاراۋعا جانە ونى شەشۋگە قۋزاپ، جاڭا ستيل، دۇرىس ستيل ارقىلى حالىق بۇقاراسىنىڭ دامۋ سەنىمىن سەرپىلتۋ كەرەك.
رول ورنىقتى بولسا، كەمە ۇزاققا دەيىن جەلكەن جايادى. جاڭا جورىقتا شىعىس سولتۇستىكتىڭ جاپپاي گۇلدەنۋىن ىلگەرىلەتۋ بورىشى بىزگە ارقالاندى، جاۋاپكەرلىگىمىز اۋىر، بولاشاق نۇرلى. ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، نىسانادان كوز جازباي، باتىلدىقپەن اتويلاپ، باتىلدىقپەن ىستەپ، ناقتى ىستەپ، شىعىس سولتۇستىكتى جاپپاي گۇلدەندىرۋدىڭ تىڭ داستانىن قۇلشىنا جازىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ تاريحي ۇلى ىسىنە تىڭ ۇلەس قوسايىق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
