لي چياڭ 20 ەل توبى باسشىلارىنىڭ 18 - رەتكى باس قوسۋىنىڭ 3 - كەزەڭدىك ماجىلىسىنە قاتىناستى
2023.09.11 16:58 كەلۋ قاينارى : حالىق تورابى
 |
سول جەر ۋاقىتى 9 - ايدىڭ 10 – كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ ءۇندىستاننىڭ جاڭا دەلي قالاسىندا 20 ەل توبى باسشىلارىنىڭ 18 - رەتكى باس قوسۋىنىڭ 3 - كەزەڭدىك ماجىلىسىنە قاتىناستى ءارى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
|
«حالىق گازەتى»، 9 - ايدىڭ 10 – كۇنى، جاڭا دەلي (ءتىلشى چىن شاڭۋىن). سول جەر ۋاقىتى 9 - ايدىڭ 10 – كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ ءۇندىستان جاڭا دەليدە 20 ەل توبى باسشىلارىنىڭ 18 - رەتكى باس قوسۋىنىڭ 3 - كەزەەڭدىك ماجىلىسىنە قاتىناستى جانە ءارى سويلەدى
لي چياڭ مىنانى ءبىلدىردى: وسى كەزەڭدەگى ءماجىلىستىڭ كەڭەستىك تاقىرىبى ”ۇقساس بولاشاق“. ادامزات وركەنيەتىنىڭ تاريحىنا كوز جىبەرسەك، مەيلى جاقسى كەزدە بولسىن، الدە مۇشكىل جاعدايدا بولسىن، كوركەم بولاشاققا دەگەن تالپىنىس باستان - اياق ادامزاتتى العا باسۋعا جەتەكتەيتىن شام - شىراق بولىپ كەلەدى. قازىر دۇنيە ءجۇزىنىڭ دامۋى كۇردەلى دە قۇبىلمالى قيىنشىلىق كەزەڭىندە تۇر، قيىنشىلىق بولعان سايىن، بولاشاققا دەگەن سەنىمدى بەكەمدەپ، بولاشاققا دەگەن مەجەنى كۇشەيتىپ، الىسقا كوز جىبەرىپ، قيىنشىلىق پەن سىن - سايىسقا بەلسەنە توتەپ بەرۋ كەرەك.
لي چياڭ بىلاي دەپ اتاپ كورسەتتى: قازىرگى ىستەردى ويداعىداي ىستەگەندە عانا بولاشاق جاقسى بولادى. 20 ەل توبىنا مۇشە ەلدەر ونەگەلىك رولدارىن ساۋلەلەندىرىپ، ناقتى ىستەردەن باستاپ ىستەپ، قازىرگى ىستەردى ويداعىداي ىستەۋگە قۇلشىنۋلارى كەرەك. قازىرگى ەڭ شۇعىل ماسەلە − دامۋ ماسەلەسى. ءبىز دامۋ ماسەلەسىن ماكرولىق ساياساتتى سايكەستىرۋدىڭ وزەكتى ورنىنا قويىپ، اناعۇرلىم ناقتى سەلبەستىك مەحانيزمىن ورناتىپ، ناقتى ارەكەت قولدانىپ، وركەندەپ كەلە جاتقان ەلدەردىڭ كەدەيلىكتى ازايتۋ، كليمات وزگەرىسى، استىق جانە ەنەرگيا حاۋىپسىزدىگى سياقتى دامۋ سايىستارىنا اناعۇرلىم ويداعىداي توتەپ بەرۋىنە قولداۋ كورسەتۋىمىز كەرەك. ناعىز كوپ جاقتىلىقتى امالياتتا ايگىلەپ، دۇنيە جۇزىلىك دامۋ سەرىكتەستىك قاتىناسىن ورناتىپ، بىرگە دامۋعا حاۋىپسىز، ورنىقتى حالىقارالىق ورتا ازىرلەۋ كەرەك.
ماجىلىسكە قاتىناسقان مىنانى ءبىلدىردى: 20 ەل توبى جاۋاپكەرلىك پەن مىندەت ارقالاۋدى ايگىلەپ، حالىقارالىق سەلبەستىكتى ىلگەرىلەتىپ، قامتىمدى، باياندى، ادامدى نەگىز ەتكەن دامۋدى جەبەپ، جاساندى زەردە سياقتى سيفرلى تەحنيكالاردىڭ قولدانىلۋىنا كەپىلدىك ەتىپ، ادامزاتتىڭ ىرىس – قۇتىن ارتتىرۋى كەرەك.
باسشىلار باس قوسۋى «20 ەل توبى باسشىلارىنىڭ جاڭا دەلي باسشىلار باس قوسۋى جارناماسىن» ماقۇلدادى.
سول كۇنى تۇستەن بۇرىن لي چياڭ ماجىلىسكە قاتىناسقان باسشىلارمەن بىرگە ماحاتما گانديدىڭ قابىرىنا بارىپ گۇل شەڭبەر قويدى.
ۋ جىڭلۇڭ قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
