شي جينپيڭ كونگونىڭ (براززاۆيل) زۇڭتۇڭى ساسوۋمەن كەزدەستى
2023.10.20 16:17 كەلۋ قاينارى : حالىق تورابى
10 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن جۇڭگوعا كەلگەن كونگونىڭ (براززاۆيل) زۇڭتۇڭى ساسوۋمەن كەزدەستى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
شينحۋا اگەنتتىگى، 10 - ايدىڭ 19 - كۇنى، بەيجيڭ. 10 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن جۇڭگوعا كەلگەن كونگونىڭ (براززاۆيل) زۇڭتۇڭى ساسوۋمەن كەزدەستى.
شي جينپيڭ مىنالاردى اتاپ كورسەتتى: كونگو (براززاۆيل) − ”ءبىر بەلدەۋ، ءبىر جولدى“ بىرگە قۇرۋعا بەلسەنە ات سالىسۋشى جاق جانە ماڭىزدى سەلبەستىك سەرىگى. ەكى جاق بەيبىت سەلبەستىك، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىن ۇستانىپ، دوستىق سەلبەستىكتى ىلگەرىلەتىپ، ناقتى تابىستارعا قول جەتكىزدى. كونگونىڭ (براززاۆيل) مەملەكەتتىك 1 - ءنومىرلى تاس جولى سياقتى نىساندار ءساتتى اتقارىلدى، مۇنى ۇلگى دەۋگە بولادى. جۇڭگو مەن كونگو − ناعىز دوستار، جاقسى سەرىكتەر. جۇڭگو جاق ەكى ەلدىڭ دوستىعىن قاستەرلەيدى، كونگو جاقپەن ”ءبىر بەلدەۋ، ءبىر جول“، جۇڭگو - افريكا سەلبەستىك تالقى مىنبەرى سياقتى جۇلگەلەردە ناقتى سەلبەستىكتى كۇشەيتىپ، سيفرلى ەكونوميكا، جاسىل دامۋ سياقتى سەلبەستىكتىڭ ارتۋ تۇيىندەرىن قاراستىرىپ جانە جەتىلدىرىپ، جۇڭگو مەن كونگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ مىنالاردى دارىپتەدى: ۇستانىمى جاقىن بولۋ، ءوزارا سەنىم ارتۋ، ءوزارا قولداۋ − جۇڭگو - كونگو قارىم - قاتىناسىنىڭ ورنىقتى، باياندى بولۋىنىڭ اسىلى. كونگو جاقتىڭ جۇڭگونىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە جۇڭگو جاققا باتىل قولداۋ كورسەتكەنىنە العىس ايتامىن، جۇڭگو كونگونىڭ (براززاۆيل) مەملەكەتتىڭ دەربەس، ءوز - وزىنە قوجا بولۋىن قورعاۋىن، سىرتتىڭ كيلىگۋىنە قارسى تۇرۋىن، ءوزىنىڭ مەملەكەت جاعدايىنا ۇيلەسەتىن دامۋ جولىمەن جۇرۋدە تاباندى بولۋىن قولدايدى، كونگونىڭ (براززاۆيل) حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى، كونگو جاقپەن كوپ جاقتى سەلبەستىكتى جيىلەتىپ، اناعۇرلىم ءادىل، ۇيلەسىمدى حالىقارالىق ءتارتىپ ورناتۋدى ىلگەرىلەتۋدى قالايدى.
ساسوۋ مىنالاردى ءبىلدىردى: ”ءبىر بەلدەۋ، ءبىر جولدى“ بىرگە قۇرۋ − ۇلى ينجەنەريا، دۇنيە جۇزىنە شىت جاڭا، سيىسىمدى دامۋدىڭ جاڭا ۇلگىسىن ازىرلەدى. 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ تولىق تابىستى بولۋى كونگو (براززاۆيل) قاتارلى قاتىناسۋشى ەلدەردىڭ ”ءبىر بەلدەۋ، ءبىر جول“ باستاماسىن باتىل قولداعانىن ايگىلەدى. جۇڭگو − دۇنيە ءجۇزى ەكونوميكاسىنىڭ ارتۋىن ىلگەرىلەتۋگە باستى ۇلەس قوسۋشى، كونگو جاق جۇڭگونىڭ دامۋدا قول جەتكىزگەن ۇلى تابىستارىنا شىن جۇرەكتەن سۇيىنەدى، جۇڭگومەن كەلەر جىلى ديپلوماتيالىق قارىم - قاتىناس ورناتۋدىڭ 60 جىلدىعىن قۇتتىقتاۋدى وراي ەتىپ، كونگو - جۇڭگو قارىم - قاتىناسىنىڭ ونان ارى دامۋىن ىلگەرىلەتۋدى قالايدى. كونگو جاق ءبىر جۇڭگو ساياساتىن باتىل اتقارادى، جۇڭگومەن ۇزدىكسىز ءوزارا قولداۋ كورسەتىپ، نەگىزدىك قۇرىلعى، جاسىل ەنەرگيا سياقتى سالالارداعى ناقتى سەلبەستىكتى كۇشەيتىپ، جۇڭگو - افريكا سەلبەستىك تالقى مىنبەرى سياقتى جۇلگەلەردەگى قارىم - قاتىناستى، سەلبەستىكتى جيىلەتۋدى ءۇمىت ەتەدى. كونگو جاق ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن بەلسەنە قولدايدى، جوعارىداعى ماڭىزدى باستامالاردىڭ كوپ جاقتىلىقتى جانە حالىقارالىق ادىلدىك پەن ادىلەتتىلىكتى قورعاۋعا ءتيىمدى بولاتىنىنا سەنەدى.
ساي چي، ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
