شي جينپيڭ كامبودجانىڭ باس ءۋازىرى حۇڭمانايمەن كەزدەستى
2023.10.20 16:23 كەلۋ قاينارى : حالىق تورابى
10 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋعا كەلگەن كامبودجانىڭ باس ءۋازىرى حۇڭمانايمەن كەزدەستى.سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگى، 10 - ايدىڭ 19 - كۇنى، بەيجيڭ. 10 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن جۇڭگوعا كەلگەن كامبودجانىڭ باس ءۋازىرى حۇڭمانايمەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن كامبودجا ديپلوماتيالىق قارىم - قاتىناس ورناتقان 65 جىلدان بەرى ەكى ەل ءوزارا قۇرمەت ەتىپ، ءوزارا سەنىم ارتىپ، ءوزارا قولداپ، ءوزارا تابىسقا جەتىپ، ۇلكەندى - كىشىلى ەلدەردىڭ تەڭ تۇرعىدا مامىلە جاساۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىن ورناتتى. جۇڭگو مەن كامبودجا — سۇيىسپەنشىلىككە ءمان بەرەتىن ەلدەر، جۇڭگو مەن كامبودجانىڭ مىزعىماس دوستىعىن بۇلىنبەيدى. ەكى جاق ۇنەمى بارىس - كەلىس جاساپ، جوعارى جىكتەگىلەردىڭ ستراتەگيالىق قارىم - قاتىناسىن ساقتاپ، ەكى ەل ۇكىمەتتەرى اراسىنداعى سايكەستىرۋ كوميتەتى مەحانيزمىنەن ويداعىداي پايدالانىپ، جاڭا داۋىردەگى جۇڭگو - كامبودجا تاعدىرلاس ورتاق تۇلعاسىن قۇرۋ ارەكەت جوسپارىن ويداعىداي تياناقتاندىرىپ، جۇڭگو - كامبودجا قارىم - قاتىناسىنىڭ جاقسارۋىن ىلگەرىلەتۋى كەرەك.
شي جينپيڭ مىنالاردى دارىپتەدى: ”ءبىر بەلدەۋ، ءبىر جولدى“ بىرگە قۇرۋ كامبودجاعا ناقتى دامۋ ورايىن الا كەلدى. جۇڭگو جاق بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، ”ءبىر بەلدەۋ، ءبىر جول“ باستاماسىنىڭ كامبودجانىڭ ”بەس بۇرىشتى ستراتەگياسىمەن“ ۇشتاسۋىن ىلگەرىلەتىپ، جۇڭگو مەن كامبودجانىڭ ”گاۋھاردىڭ 6 قىرى“ سەلبەستىك جۇلگەسىن جەدەل تولىقتاپ، ”ونەركاسىپتى دامىتۋ ءدالىزىن“ جانە ”بالىق پەن كۇرىش ءدالىزىن“ ويداعىداي قۇرىپ، حالىققا ءتيىمدى اناعۇرلىم كوپ ينجەنەريالاردىڭ تياناقتانىپ، تامىر تارتۋىن ىلگەرىلەتۋدى قالايدى. جۇڭگو جاق كامبودجانىڭ اۋەجاي، مادەني مۇرالاردى، ەجەلگى ەسكەرتكىشتەردى قالپىنا كەلتىرۋ سياقتى نىساندارىن قولدايدى، كامبودجانىڭ ءتىپتى دە كوپ اۋىل شارۋاشىلىق ونىمدەرىنىڭ جۇڭگو بازارىنا كىرۋىن قارسى الادى، ءتىپتى دە كوپ جۇڭگولىق ساياحاتشىلاردى كامبودجاعا ساياحاتتاۋعا شابىتتاندىرادى. مەن سىزبەن بىرگە 2024 - جىلدى ”جۇڭگو - كامبودجا گۋمانيتارلىق اۋىس - كۇيىس جىلى“ ەتىپ بەلگىلەۋدى جاريالايمىن.
حۇڭماناي مىنانى ءبىلدىردى: كەشە مەن ءتوراعا شي جينپيڭنىڭ 3 - كەزەكتى ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىندا سويلەگەن ارقاۋ ءسوزىن مۇقيات تىڭدادىم، ءتوراعا شي جينپيڭنىڭ ءسوزى ستراتەگيالىق كورەگەندىكتى ايگىلەدى، العا قويىلعان كەلەلى ناقتى شارالار، ءسوز جوق، ءبىر بەلدەۋ، ءبىر جولدى“ بىرگە قۇرۋدىڭ اناعۇرلىم زور تابىسقا جەتۋىنە جەتەكشىلىك ەتەدى، كامبودجا جاق مۇنى جوعارى باعالايدى ءارى قىزۋ قۇتتىقتايدى. جۇڭگونىڭ ۇزاق ۋاقىتتان بەرى كامبودجاعا كورسەتكەن قاستەرلى قولداۋىنا العىس ايتامىن. كامبودجا جاق جۇڭگومەن دوستىق ساياساتىن باتىل اتقارادى، جۇڭگو جاقتىڭ وزەكتى مۇددەسىن باتىل قولدايدى، كامبودجا مەن جۇڭگونىڭ ديپلوماتيالىق قارىم - قاتىناس ورناتقانىنىڭ 65 جىلدىعىن قۇتتىقتاۋدى وراي ەتىپ، جۇڭگومەن بارىس - كەلىستى، سەلبەستىكتى كۇشەيتىپ، ”ونەركاسىپتى دامىتۋ ءدالىزى“ مەن ”بالىق پەن كۇرىش ءدالىزى“ سەلبەستىگىن ىلگەرىلەتىپ، كامبودجا -جۇڭگو تاعدىرلاس ورتاق تۇلعاسىن قۇرۋدى قالايدى. ءتىپتى دە كوپ جۇڭگولىق ساياحاتشىلاردىڭ كامبودجاعا ساياحاتتاۋىن قارسى الامىز. ءتوراعا شي جينپيڭ العا قويعان جەلىلەس ماڭىزدى باستامالار دۇنيە ءجۇزىنىڭ بەيبىتشىلىگى مەن دامۋىنا ماڭىزدى وراي جانە تۇعىر ازىرلەدى، كامبودجا مۇنى بەلسەنە قولدايدى.
ساي چي، ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
