شي جينپيڭ تايلاندتىڭ زۇڭليى سايتامەن كەزدەستى
2023.10.20 16:24 كەلۋ قاينارى : حالىق تورابى
10 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋعا كەلگەن ءارى رەسمي ساپاردا بولعان تايلاندتىڭ زۇڭليى سايتامەن كەزدەستى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگى، 10 - ايدىڭ 19 - كۇنى، بەيجيڭ. 10 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋعا كەلگەن ءارى رەسمي ساپاردا بولعان تايلاندتىڭ زۇڭليى سايتامەن كەزدەستى.
شي جينپيڭ مىنالاردى اتاپ كورسەتتى: سايتا زۇڭلي شىعىس وڭتۇستىك ازيا وداعىنان وزگە ەلدەردىڭ ىشىندە تۇڭعىش رەت جۇڭگوعا رەسمي ساپارلاي كەلىپ، تايلاندتىڭ جاڭا كەزەكتى ۇكىمەتىنىڭ جۇڭگو - تايلاند قارىم - قاتىناسىنا ايرىقشا ءمان بەرەتىنىن تولىق ايگىلەدى. جۇڭگو مەن تايلاند ىرگەلەس كورشىلەر، جۇڭگو مەن تايلاندتىڭ دوستىعى ەكى ەل حالىقتارىنىڭ كوكەيىنە تەرەڭ تامىر تارتقان. بىلتىر 11 - ايدا تايلاندتاعى ساپارىمنىڭ تابىستارىنىڭ بەلسەندى، ءونىمدى تياناقتاندىرىلعانىنا قاتتى قۋانىشتامىن. جۇڭگو جاق تايلاند جاقپەن بىرگە ” جۇڭگو مەن تايلاند ءبىر ءۇيلى جانداي“ دەگەن ايتىلىمعا جاڭا داۋىرلىك ءمان بەرىپ، ەكى ەلدىڭ ءداستۇرلى دوستىعىنىڭ ابزالدىعىن سەلبەسىپ تەڭ يگىلىككە كەنەلۋدىڭ قوزعاۋشى كۇشىنە اينالدىرۋدى قالايدى.
شي جينپيڭ مىنالاردى دارىپتەدى: جۇڭگو جاق تايلاندتىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءوزارا باتىل قولداۋ كورسەتۋى كەرەك. جۇڭگو مەن تايلاند ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ اتويشىسى بولىپ، جۇڭگو - تايلاند تەمىر جولى قۇرىلىسىن جەدەلدەتىپ، سيفرلى ەكونوميكا، جاسىل دامۋ، جاڭا ەنەرگيا سياقتى سالالارداعى سەلبەستىكتى ۇلعايتىپ، گۋمانيتارلىق اۋىس - كۇيىستى كەڭەيتۋى كەرەك. ەكى جاق تەلەگراف الدامكوستىگى، ينتەرنەتتە قۇمار ويناۋ سياقتى شەكارا اتتاعان قىلمىستارعا سوققى بەرۋدى كۇشەيتىپ، ەكى ەلدىڭ دامۋىنا حاۋىپسىز ورتا ازىرلەۋى كەرەك. جۇڭگو جاق تايلاند جاقپەن شىعىس وڭتۇستىك ازيا ەلدەرى وداعى، لانساڭجياڭ وزەنى - مەكونگ وزەنى سەلبەستىگى، بىرلەسكەن مەملەكەتتەر ۇيىمى سياقتى كوپ جاقتى جۇلگەدەگى سەلبەستىكتى كۇشەيتىپ، جۇڭگونىڭ ءىرى بازارى مەن جوعارى دەڭگەيدەگى سىرتقا ەسىك اشۋ ورايىنان بىرگە يگىلىكتەنىپ، ازيانىڭ دامۋىنا وڭ ەنەرگيا قوسىپ، دۇنيە ءجۇزىن جونگە سالۋ وزگەرىسىن ىلگەرىلەتۋگە بەلسەندى ۇلەس قوسۋدى قالايدى.
سايتا مىنالاردى ءبىلدىردى: ”ءبىر بەلدەۋ، ءبىر جول“ باستاماسى العا قويىلعانىنىڭ 10 جىلدىعىن جانە 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ ءساتتى وتكىزىلگەنىن قۇتتىقتايمىن. مەن ءتوراعا شي جينپيڭنىڭ كورەگەندىگىنە جانە جۇڭگونىڭ كەدەيلىكتى ازايتۋ جەتىستىكتەرىنە شىن جۇرەكتەن سۇيىنەمىن، جۇڭگونىڭ ەل باسقارۋ تاجىريبەلەرىنەن ۇلگى الۋدى قالايمىن. تايلاند جاق بىلتىر 11 - ايدا ءتوراعا شي جينپيڭ تايلاندقا ساپارلاي بارعانداعى ماڭىزدى جەتىستىكتەردى مۇقيات تياناقتاندىرىپ، جۇڭگومەن بىرگە اناعۇرلىم ورنىقتى، اناعۇرلىم گۇلدەنگەن، اناعۇرلىم باياندى تايلاند - جۇڭگو تاعدىرلاس ورتاق تۇلعاسىن قۇرادى. تايۋان — جۇڭگو تەرريتورياسىنىڭ ايرىلماس ءبىر بولەگى. تايلاند جاق جۇڭگو جاقتىڭ وزەكتى مۇددەسىنە قۇرمەت ەتەدى، ءبىر جۇڭگو پرينسيبىندە تاباندى بولادى. ەكى جاقتىڭ ءار سالاداعى ناقتى سەلبەستىكتى تەرەڭدەتىپ، تايلاند - جۇڭگو تەمىر جولىن بىرگە قۇرىپ، جۇڭگو - لاوس - تايلاند بايلانىسىن دامىتۋ ويىن ىلگەرىلەتۋىن ءۇمىت ەتەمىن. تايلاند جاق جۇڭگو ازاماتتارىنىڭ تايلاندتاعى حاۋىپسىزدىگىن بار كۇشپەن قامتاماسىز ەتەدى، اناعۇرلىم كوپ جۇڭگو كاسىپورىندارىنىڭ تايلاندقا بارىپ قارجى قوسۋىن، اناعۇرلىم كوپ جۇڭگو ازاماتتارىنىڭ تايلاندقا ساياحاتتاي بارۋىن قارسى الادى.
ەكى جاق «جۇڭحۋا حالىق رەسپۋبليكاسى ۇكىمەتى مەن تايلاند پاتشالىق ۇكىمەتىنىڭ بىرلەسكەن اقپاراتتىق مازمۇنداماسىن» جاريالادى.
ساي چي، ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
