شي جينپيڭ پاكيستاننىڭ زۇڭليى كاكارمەن كەزدەستى
2023.10.20 16:26 كەلۋ قاينارى : حالىق تورابى
10 - ايدىڭ 19 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن جۇڭگوعا كەلگەن پاكيستاننىڭ زۇڭليى كاكارمەن كەزدەستى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگى، 10 - ايدىڭ 19 - كۇنى، بەيجيڭ (تىلشىلەر شۇي كى، چىن شۇي). 10 - ايدىڭ 19 - كۇنى كەشتە مەملەكەت ءتوراعاسى شي جينپيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن جۇڭگوعا كەلگەن پاكيستاننىڭ زۇڭليى كاكارمەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن پاكيستان — بارلىق جاعدايدا بىردەي ستراتەگيالىق سەلبەستىك سەرىكتەرى جانە اينىماس دوستار، پاكيستاننىڭ ءار كەزەكتى ۇكىمەتتەرى ”ءبىر بەلدەۋ، ءبىر جول“ سەلبەستىگىن بەلسەنە قولدايدى جانە وعان ات سالىسادى. 10 جىلدان بەرى جۇڭگو - پاكيستان ەكونوميكالىق ءدالىزى سۇبەلى تابىستارعا قول جەتكىزىپ، پاكيستاننىڭ ەكونوميكالىق، قوعامدىق دامۋىن پارمەندى ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋداعى ماڭىزدى بوگەنايلىق ينجەنەرياعا اينالدى. جۇڭگو جاق پاكيستانمەن ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، جاڭا داۋىردەگى اناعۇرلىم تىعىز جۇڭگو - پاكيستان تاعدىرلاس ورتاق تۇلعاسىن جەدەل قۇرۋدى قالايدى.
شي جينپيڭ مىنالاردى دارىپتەدى: جۇڭگو پاكيستاننىڭ ۇزاق ۋاقىتتان بەرى جۇڭگونىڭ وزەكتى مۇددەسىن باتىل قولداعانىن القايدى، پاكيستاننىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن بۇرىنعىداي قولدايدى، پاكيستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋىن قولدايدى. ەكى جاق بيىلعى جۇڭگو - پاكيستان ەكونوميكالىق ءدالىزى قۇرىلىسىنىڭ 10 جىلدىعىن وراي ەتىپ، ارتۋدى جەبەيتىن، حالىق تۇرمىسىمەن بايلانىستى، جاڭالىق اشىلاتىن، جاسىل، اشىق ءدالىزدىڭ ”دارەجەسى جوعارىلاعان نۇسقاسىن“ قالىپتاستىرىپ، كاسىپ باقشاسى رايونى، اۋىل شارۋاشىلىعى، كەن كاسىبى، جاڭا ەنەرگيا سياقتى سالالارداعى سەلبەستىكتى كۇشەيتىپ، ءىرى ۇلاستىرۋ - تۇتاستىرۋ نىساندارىنىڭ ەرتەرەك تياناقتانۋىن ءارى ناقتى جەتىستىكتەرگە قول جەتكىزۋىن ىلگەرىلەتۋ كەرەك، پاكيستاننىڭ اناعۇرلىم كوپ ساپالى اۋىل شارۋاشىلىق ونىمدەرىنىڭ جۇڭگوعا ەكسپورت ەتىلۋىن قارسى الامىز. پاكيستان جاقتىڭ پاكيستانداعى جۇڭگو قۇرىلىمدارىنىڭ، قىزمەتكەرلەرىنىڭ حاۋىپسىزدىگىن قامتاماسىز ەتۋىن ءۇمىت ەتەمىن. جۇڭگو جاق پاكيستانمەن بىرلەسكەن مەملەكەتتەر ۇيىمى، شاڭحاي سەلبەستىك ۇيىمى جۇلگەسىندەگى سەلبەستىكتى كۇشەيتىپ، ءوڭىردىڭ ىنتىماعىن، سەلبەستىگىن جەبەپ، وركەندەپ كەلە جاتقان ەلدەردىڭ ورىندى مۇددەسىن قورعاۋدى قالايدى.
كاكار مىنالاردى ءبىلدىردى: ”ءبىر بەلدەۋ، ءبىر جول“ باستاماسىنىڭ 10 جىلدان بەرى وراسان زور تابىسقا جەتكەنىن قۇتتىقتايمىن. ءتوراعا شي جينپيڭنىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىندا سويلەگەن ءسوزى توتەنشە تەرەڭ، كورەگەندىك ەرەكشەلىگى توتەنشە كۇشتى بولدى. ءتوراعا شي جينپيڭ العا قويعان 8 ءتۇرلى ارەكەت دۇنيە ءجۇزىنىڭ ۇلاسۋ - تۇتاسۋىن كۇشەيتىپ قانا قويماي، دۇنيە جۇزىلىك جونگە سالۋ جۇيەسىنىڭ اناعۇرلىم ءادىل، ۇيلەسىمدى بولۋىن ىلگەرىلەتىپ، پاكيستان مەن باسقا ەلدەردىڭ اناعۇرلىم جاقسى دامۋدى جۇزەگە اسىرۋىنا ماڭىزدى وراي جاراتادى. جۇڭگو ۇلگىسىندەگى وسىزامانداندىرۋدىڭ تابىستى امالياتى باسقا وركەندەپ كەلە جاتقان ەلدەرگە ۇلگى ورناتىپ، قوزعاۋشى كۇش ازىرلەدى. جۇڭگو ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، باسقا ەلدەرگە سەنىم جانە ءۇمىت باعىشتادى. پاكيستان جاق ءبىر جۇڭگو پرينسيبىندە تاباندى بولىپ، جۇڭگونىڭ وزەكتى مۇددەسىنە ساياتىن ماسەلەلەردە جۇڭگومەن باتىل بىرگە تۇرادى، بۇل پاكيستاننىڭ پارتيا - توپتاردى اتتاعان ورتاق تانىمى. پاكيستان جۇڭگونىڭ ماڭگىلىك سەنىمدى، ارقا سۇيەر دوسى، ءارقانداي كۇشتىڭ پاكيستان مەن جۇڭگونىڭ دوستىعىن بۇلدىرۋىنە ماڭگى جول بەرمەيدى، پاكيستان مەن جۇڭگونىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋگە ۇزدىكسىز كۇش سالادى. پاكيستان جاق جۇڭگو جاقپەن تىعىز سەلبەسىپ، پاكيستان - جۇڭگو ەكونوميكالىق ءدالىزىنىڭ ساپالى دامۋىن ىلگەرىلەتۋدى قالايدى. پاكيستان ۇكىمەتى جۇڭگو ازاماتتارى مەن قۇرىلىمدارىنىڭ پاكيستانداعى حاۋىپسىزدىگى مەن مۇددەسىن بار كۇشپەن قامتاماسىزداندىرادى.
ساي چي، ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
