شي جينپيڭ موزامبيكتىڭ زۇڭليى مالايانيمەن كەزدەستى
2023.10.20 16:27 كەلۋ قاينارى : حالىق تورابى
10 - ايدىڭ 19 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋعا كەلگەن موزامبيكتىڭ زۇڭليى مالايانيمەن كەزدەستى.سۋرەتتى شينحۋا اگەنتتىگىنىڭ ءتىلشىسى يان بوگۋ تۇسىرگەن
شينحۋا اگەنتتىگى، 10 - ايدىڭ 19 - كۇنى، بەيجيڭ. 10 - ايدىڭ 19 - كۇنى كەشتە مەملەكەت ءتوراعاسى شي جينپيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن جۇڭگوعا كەلگەن موزامبيكتىڭ زۇڭليى مالايانيمەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن موزامبيك − تار جول، تايعاق كەشۋلەردى بىرگە وتكەرگەن ناعىز دوستار، ناعىز باۋىرلاستار. مەن جۇڭگو مەن موزامبيكتىڭ ”ءبىر بەلدەۋ، ءبىر جولدى“ بىرگە قۇرۋ سەلبەستىگىندە سۇبەلى تابىستارعا قول جەتكىزگەنىن قۋانىشپەن كورىپ وتىرمىن. جۇڭگو جاق موزامبيك سياقتى افريكا ەلدەرىمەن ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ”افريكانىڭ ونەركاسىپتەنۋىنە قولداۋ كورسەتۋ باستاماسى“، ”جۇڭگونىڭ افريكانىڭ اۋىل شارۋاشىلىعىن وسىزامانداندىرۋىنا دەم بەرۋ جوسپارى“، ”جۇڭگو - افريكا دارىندىلاردى باۋلۋ سەلبەستىك جوسپارى“ سىندى 3 ءتۇرلى سەلبەستىك شاراسىنىڭ تياناقتانىپ اتقارىلۋىن جەبەپ، ساياساتتاردى ۇشتاستىرۋدى جانە سەلبەستىك جوباسىن كۇشەيتىپ، دامۋ ورايىنان بىرگە يگىلىكتەنىپ، دامۋ جەتىستىكتەرىنەن بىرگە يگىلىكتەنىپ، افريكا ەلدەرىنىڭ وسىزاماندانۋ اياق الىسىن جەدەلدەتۋىنە دەم بەرۋدى قالايدى.
شي جينپيڭ مىنالاردى دارىپتەدى: جۇڭگو موزامبيكپەن بىرگە جۇڭگو مەن موزامبيكتىڭ ءداستۇرلى دوستىعىن ۇزدىكسىز تەرەڭدەتىپ، ستراتەگيالىق سايكەسۋدى كۇشەيتىپ، جۇڭگو مەن موزامبيكتىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتۋدى قالايدى. جۇڭگو جاق موزامبيكتىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن، ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى. ەكى جاق ەنەرگيا، اۋىل شارۋاشىلىعى سياقتى سالالارداعى سەلبەستىكتى تەرەڭدەتىپ، وقۋ - اعارتۋ، مادەنيەت، جەرگىلىكتى ورىندار، حالىقتىق بارىس - كەلىس پەن اۋىس - كۇيىستى ىلگەرىلەتۋى كەرەك. جۇڭگو جاق موزامبيكپەن بىرلەسكەن مەملەكەتتەر ۇيىمى سياقتى كوپ جاقتى تۇعىرلاردا قارىم - قاتىناستى كۇشەيتىپ، دۇنيە جۇزىلىك دامۋ باستاماسىنىڭ، دۇنيە جۇزىلىك حاۋىپسىزدىك باستاماسىنىڭ، دۇنيە جۇزىلىك وركەنيەت باستاماسىنىڭ تياناقتانۋىن ىلگەرىلەتۋدى قالايدى.
مالاياني مىنالاردى ءبىلدىردى: جۇڭگوعا كەلىپ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسقانىما توتەنشە قۋانىشتامىن. بۇل جولعى ساپار ءبىزدىڭ جۇڭگو مەن ”ءبىر بەلدەۋ، ءبىر جول“ باستاماسى جونىندەگى تۇسىنىگىمىزدى تەرەڭدەتتى، ءتوراعا شي جينپيڭنىڭ ستراتەگيالىق كورەگەندىگىن اناعۇرلىم اڭعاردىم. ”ءبىر بەلدەۋ، ءبىر جول“ باستاماسى مەن دۇنيە جۇزىلىك دامۋ باستاماسى سياقتى جەلىلەس ماڭىزدى باستامالار باسقا ەلدەردىڭ كەدەيلىكتى جويۋىنا، ەكونوميكانى دامىتۋىنا، حالىق تۇرمىسىن جاقسارتۋىنا كومەكتەسۋگە ءتيىمدى. جۇڭگونىڭ دامۋى مەن سىرتقى ساياساتى بەيبىتشىلىكتى، تەڭدىكتى، قۇرمەتتى جانە دوستىقتى نەگىز ەتەدى، بۇل − دۇنيە ءجۇزىنىڭ بەيبىتشىلىگى مەن دامۋىن جەبەيتىن وڭ ەنەرگيا. مەيلى موزامبيكتە ۇلت تاۋەلسىزدىگى كۇرەسى ورىستەتىلگەن كەزدە بولسىن، الدە جاڭا تيپتى ايدارشا ۆيرۋس وكپە قابىنۋ ىندەتىنىڭ قيىن - قىستاۋ كەزىندە بولسىن، جۇڭگو موزامبيكتى باستان - اياق باتىل قولداپ كەلەدى، موزابيكتىڭ ناعىز دوسى. موزامبيك ءبىر جۇڭگو ساياساتىن باتىل اتقارادى، جۇڭگو ۇلگىسىندەگى وسىزامانداندىرۋ تاجىريبەسىنەن ۇلگى الىپ، ءوز ەلىنىڭ دامۋىن اناعۇرلىم ويداعىداي جۇزەگە اسىرىپ، جۇڭگومەن ءار سالاداعى ناقتى سەلبەستىكتى تەرەڭدەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى ءۇمىت ەتەدى.
ساي چي، ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
