شي جينپيڭ جاڭا وركەندەتۋ بانكەسىنىڭ باستىعى رۋسەفپەن كەزدەستى
2023.10.20 16:28 كەلۋ قاينارى : حالىق تورابى
10 - ايدىڭ 19 - كۇنى كەشتە مەملەكەت ءتوراعاسى شي جينپيڭ حالىق سارايىندا جاڭا وركەندەتۋ بانكەسىنىڭ باستىعى رۋسەفپەن كەزدەستى.سۋرەتتى شينحۋا اگەنتتىگىنىڭ ءتىلشىسى يان بوگۋ تۇسىرگەن
شينحۋا اگەنتتىگى،10 - ايدىڭ 19 - كۇنى، بەيجيڭ (تىلشىلەر شۇيكى، جاڭ شياۋ). 10 - ايدىڭ 19 - كۇنى كەشتە مەملەكەت ءتوراعاسى شي جينپيڭ حالىق سارايىندا جاڭا وركەندەتۋ بانكەسىنىڭ باستىعى رۋسەفپەن كەزدەستى.
شي جينپيڭ مىنالاردى اتاپ كورسەتتى: 2014 - جىلى ءبىز برازيليادا جاڭا وركەندەتۋ بانكەسىنىڭ دۇنيەگە كەلۋىنە كۋا بولدىق. سوڭعى جىلداردان بەرى جاڭا وركەندەتۋ بانكەسىنىڭ ناتيجەسى كورنەكتى بولىپ، ۇزدىكسىز دامىپ ۇلعايدى. قازىر دۇنيە جۇزىندەگى ءتۇرلى حاۋىپ - قاتەر مەن داعدارىستار قاباتتاسىپ وتىر. جاڭا وركەندەتۋ بانكەسى حالىقارالىق فينانس جۇيەسىندەگى جاڭادان گۇلدەنگەن ماڭىزدى كۇش رەتىندە ءتيىستى رولىن ساۋلەلەندىرىپ، 21 - عاسىرداعى جاڭاشا كوپ جاقتى اشۋ قۇرىلىمىن قالىپتاستىرىپ، حالىقارالىق فينانس جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتىپ، جاڭادان گۇلدەنگەن بازار مەن وركەندەپ كەلە جاتقان ەلدەردىڭ ۋاكىلدىك سيپاتى مەن ءسوز سويلەۋ ۇقىعىن شىنايى كۇشەيتۋى كەرەك. جاڭا وركەندەتۋ بانكەسىنىڭ ”ءبىر بەلدەۋ، ءبىر جول“ باستاماسىنا جانە دۇنيە جۇزىلىك دامۋ باستاماسىنا ات سالىسىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا دەم بەرىپ، اناعۇرلىم كوپ وركەندەپ كەلە جاتقان ەلدەردىڭ وسىزاماندانۋدى جۇزەگە اسىرۋىنا كومەكتەسۋىن قارسى الامىز. جۇڭگو جاق جاڭا وركەندەتۋ بانكەسىنىڭ قىزمەتىن بۇرىنعىداي قولدايدى ءارى ءسىزدىڭ جۇڭگودا مىندەت وتەۋىڭىزگە قولداۋ كورسەتەدى.
رۋسەف مىنانى ءبىلدىردى: 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسقانىما توتەنشە قۋانىشتامىن. قازىرگى حالىقارالىق جاعداي دۇنيە جۇزىندەگى ءار ەلدىڭ ورتاق ارەكەت قولدانىپ، ورتاق سايىسقا توتەپ بەرۋىن قاجەت ەتەدى. نەگىزدىك قۇرىلعىلار قۇرىلىسى مەن ۇلاستىرۋ - تۇتاستىرۋدى كۇشەيتۋ وركەندەپ كەلە جاتقان ەلدەردىڭ بىرگە دامۋىن جۇزەگە اسىرۋدا توتەنشە ماڭىزدى. تاريحتا ”ءبىر بەلدەۋ، ءبىر جول“ سياقتى 150 نەشە مەملەكەتتى ءبىر جەرگە شوعىرلاندىرعان بىردە - ءبىر باستاما بولعان ەمەس. ”ءبىر بەلدەۋ، ءبىر جول“ باستاماسى مەن وسى رەتكى جوعارى دارەجەلىلەر تالقى مىنبەرى دۇنيە ءجۇزىنىڭ باياندى دامۋى مەن جاسىل دامۋىندا ماڭىزدى رول اتقارادى. جۇڭگو ۇكىمەتىنىڭ جاڭا وركەندەتۋ بانكەسىنىڭ قىزمەتىن زور كۇشپەن قولداعانىنا العىس ايتامىن. جاڭا وركەندەتۋ بانكەسى ”ءبىر بەلدەۋ، ءبىر جول“ باستاماسىنىڭ نەگىزگى ماقساتىمەن جانە ۇستانىمىمەن توتەنشە قابىسادى، ”ءبىر بەلدەۋ، ءبىر جولدى“ بىرگە قۇرۋ سەلبەستىگىنە بەلسەنە ات سالىسىپ، دۇنيە ءجۇزىنىڭ كوپ ۇيەكتەنۋى مەن حالىقارالىق فينانس جۇيەسى رەفورماسىن ىلگەرىلەتۋگە ءتيىستى ۇلەس قوسۋدى قالايدى.
ساي چي، ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
