وقۋ – اعارتۋ مينيسترلىگى: قيىنشىلىعى بار وقۋشىلار قاۋىمىنىڭ وقۋ – اعارتۋدان ءادىل يگىلىكتەنۋىن قامتاماسىزداندىرۋ كەرەك
2023.10.26 15:43 كەلۋ قاينارى : حالىق تورابى
مەملەكەتتىك كەڭەستىڭ اقپارات كەڭسەسى 10 – ايدىڭ 25 - كۇنى وتكىزگەن كەزەكتى ساياساتتىق حابارلاندىرۋ ماجىلىسىندە وقۋ – اعارتۋ مينيسترلىگىنىڭ قاتىستى جاۋاپتىسى بىلاي دەپ تانىستىردى: قازىر وتباسىندا ەكونوميكالىق قيىنشىلىعى بار وقۋشىلارعا قارجىلاي كومەك بەرۋ جاعىندا ”ءۇشتى جوعارىلاتۋدى“ كۇش سالا جۇزەگە اسىردىق.
ءبىرىنشى، قامتۋ كولەمىن كەڭەيتىپ، ۇكىمەت جەتەكشىلىك ەتكەن، مەكتەپ پەن قوعام بەلسەنە ات سالىسقان، وقۋشىلارعا قارجىلاي كومەكتەسۋ جۇيەسىن قالىپتاستىرىپ، ”ءۇشتى تولىق قامتۋدى“ جۇزەگە اسىردى، ءبىرىنشى تولىق قامتۋ — وقۋعا ءتۇسۋ الدىنداعى تاربيەدەن اسپيرانتتىق وقۋ - اعارتۋعا دەيىن، بارلىق وقۋ ساتىسىن تولىق قامتىدى. ەكىنشى تولىق قامتۋ — ۇكىمەت باسقارۋىنداعى مەكتەپتەردى، حالىق باسقارۋىنداعى مەكتەپتەردى تولىق قامتىدى. ءۇشىنشى تولىق قامتۋ — وتباسىندا ەكونوميكالىق قيىنشىلىعى بار وقۋشىلاردى تولىق قامتىدى. بىردە – ءبىر وقۋشىنىڭ وتباسىنىڭ ەكونوميكالىق قيىنشىلىعى سەبەبىنەن وقۋدان قول ۇزبەۋىنە ءتۇزىم جاعىنان كەپىلدىك ەتتى.
ەكىنشى، دالمە - ءدال بولۋ دەڭگەيىن جوعارىلاتىپ، تاراۋ اتتاعان ينفورماتسيالاردى سالىستىرۋ مەحانيزمىن ورناتىپ، ارحيۆ تۇرعىزىپ، كارتوچكا ورناتۋ، ەڭ تومەنگى تۇرمىستى قامتاماسىزداندىرۋ، ەرەكشە قيىنشىلىعى بارلاردى باعىپ ـ قاعۋ، ەڭ تومەنگى تۇرمىستى قامتاماسىزداندىرۋدىڭ جيەگىندەگى وتباسى، تۇراقتى شىعىس قيىنشىلىعى بار وتباسى، جەتىم بالا، مۇگەدەك وقۋشى سياقتىلاردى قارجىلاي كومەك بەرۋ كولەمىنە ەنگىزىپ، ەرەكشە قيىنشىلىعى بار وقۋشىلاردىڭ قارجىلاي كومەككە يە بولۋىنا كەپىلدىك ەتتى.
ءۇشىنشى، قارجىلاي كومەكتەسۋ ولشەمىن جوعارىلاتىپ، ەكونوميكالىق، قوعامدىق دامۋ جاعدايى مەن كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋدى اۋىل ـ قىستاقتى گۇلدەندىرۋمەن ءونىمدى ۇشتاستىرۋ سياقتى تالاپتارعا ساي، قارجىلاي كومەكتەسۋ ولشەمىن يكەمدى رەتتەۋ مەحانيزمىن ورناتىپ، ءارقايسى وقۋ ساتىسىنداعى قارجىلاي كومەك بەرۋ ولشەمىن بىرتىندەپ جوعارىلاتتى. العاشقى ساناققا قاراعاندا، 2022 – جىلى بۇكىل ەل بويىنشا جيىنى 292 ميلليارد 273 ميلليون يۋان قارجىلاي كومەل بەرىلىپ، 161 ميلليون ادام – رەت وقۋشى قارجىلاي كومەككە يە بولعان.
وقۋ جاسىنداعى بالالاردىڭ مىندەتتى وقۋ - اعارتۋدى ورىنداۋى جاعىندا ”ەكى تومەنگى شەكتى“ باتىل ساقتادى. ءبىرىنشى، وقۋدان قول ۇزبەۋ تومەنگى شەگىن ساقتادى. مەكتەپ قاراستىلىعى جۇيەسىنىڭ ينفورماتسياسى مەن حالىق سانى قامباسىنىڭ ينفورماتسياسىن سالىستىرۋ قىزمەتىن مەرزىم بويىنشا ورىستەتىپ، ءار وقۋ ماۋسىمى باستالۋدىڭ الدى - ارتىندا وقۋدان قول ءۇزۋدى تىزگىندەۋ، وقۋعا كەپىلدىك ەتۋ ارناۋلى قيمىلىن شوعىرلى ورىستەتىپ، وقۋشىلاردىڭ وقۋدان قول ءۇزۋ سەبەبىن ءدال تاۋىپ، كومەكتەسۋ، سۇيەمەلدەۋ، قۇتقارۋ تەبىنىن ارتتىرىپ، وقۋدان قول ۇزگەن وقۋشىلاردى دالمە – ٴدال تاۋىپ، ءناسيحاتتاپ، الىپ قالۋعا كەپىلدىك ەتتى. ەكىنشى، ەرەكشە قاۋىمعا ەرەكشە قامقورلىق جاساۋدىڭ تومەنگى شەگىن ساقتادى. ەرەكشە قاۋىم ىشىندەگى مۇگەدەك وقۋشىلاردىڭ وقۋعا ءتۇسۋىن قامتاماسىز ەتۋ ماسەلەسىنە باعىتتاي وتىرىپ، ”14 – بەسجىلدىق“ ەرەكشە وقۋ ـ اعارتۋدى دامىتۋ، دەڭگەيىن جوعارىلاتۋ ارەكەت جوسپارىن ۇيىمداستىرىپ اتقارىپ، ءتىپتى دە كوپ مۇگەدەك بالالاردى ەرەكشە وقۋ ـ اعارتۋدى قامتاماسىزداندىرۋ جۇيەسىنە ەنگىزدى ءارى ەرەكشە وقۋ ـ اعارتۋ ساتىسىنداعى وقۋشىلاردىڭ ورتاشا جالپىلىق قاراجاتىن 7000 يۋانعا جوعارىلاتتى، بۇل ادەتتەگى وقۋشىلاردىڭ 7 دە 10 ەسەسىندەي، 2022 - جىلى وقۋ جاسىنداعى مۇگەدەك بالالاردىڭ مىندەتتى وقۋ - اعارتۋ بويىنشا وقۋعا ءتۇسۋ مولشەرى %96 تەن استى.
كەلەسى قادامدا، وقۋ – اعارتۋ مينيسترلىگى «تومەن كىرىستى جان سانىن اۋقىمدىق باقىلاۋ – باعالاۋدى كۇشەيتىپ قوعامدىق قۇتقارۋ – كومەكتەسۋ قىزمەتىن ساتىعا، تۇرگە ءبولىپ ويداعىداي ىستەۋ جونىندەگى پىكىردىڭ» قاتىستى تالاپتارىن مۇقيات دايەكتى تياناقتاندىرىپ، ساياساتتى ۇزدىكسىز كەمەلدەندىرىپ، مەحانيزمدى اقاۋسىزداندىرىپ، سەلبەستىكتى كۇشەيتىپ، وقۋ – اعارتۋ، قۇتقارۋ – كومەكتەسۋ قىزمەتىن تىڭعىلىقتى ىستەيدى. ءبىر جاعىنان، وتباسىندا ەكونوميكالىق قيىنشىلىعى بار وقۋشىلارعا كومەك بەرۋ دەڭگەيىن ونان ارى جوعارىلاتادى. وقۋشىلارعا قارجىلاي كومەكتەسۋ ساياساتى جۇيەسىن ۇزدىكسىز كەمەلدەندىرىپ، قارجىلاي كومەكتەسۋ ولشەمىن يكەمدى رەتتەۋ مەحانيزمىن اقاۋسىزداندىرىپ، قوعامدىق قۇتقارۋ ساندى مالىمەتى مەن وقۋشىلارعا قارجىلاي كومەكتەسۋ ساندى مالىمەتىنەن ورتاق يگىلىكتەنۋ جانە ينفورماتسيا اۋىستىرۋ مەحانيزمىن ورناتىپ، دەر كەزىندە قارجىلاي كومەك بەرۋگە، دالمە - ءدال قارجىلاي كومەكتەسۋگە كۇش سالادى. ەندى ءبىر جاعىنان، ەرەكشە قاۋىمنىڭ وقۋعا ءتۇسۋ قامتاماسىزداندىرۋ دەڭگەيىن اناعۇرلىم جوعارىلاتادى. قونىستانۋ كۋالىگىن باستى نەگىز ەتكەن اۋىل شارۋاشىلىعىنان اۋىسقان حالىقتىڭ بىرگە جۇرگەن پەرزەنتتەرىنىڭ وقۋعا ءتۇسۋىن قامتاماسىزداندىرۋ ساياساتىن اقاۋسىزداندىرىپ، ۇقساس قالادا ۇقساس مامىلە جاساۋدى ىلگەرىلەتەدى. جەتىم بالالاردى، ٴىس جۇزىندە باعىپ - قاعاتىن ادامى جوق بالالاردى، اۋىل - قىستاقتارداعى ۇيدە قالعان بالالاردى، قيىنشىلىق قىسپاعىندا قالعان بالالاردى دالمە – ءدال ءبىر - بىرلەپ تەكسەرۋ مەحانيزمىن كەمەلدەندىرىپ، تاربيەلەۋ، قامقورلىق جاساۋدىڭ دالدىگىن، تۇزىمدەنۋىن ىلگەرىلەتەدى؛ ەرەكشە قيىنشىلىعى بار وقۋشىلارعا كومەكتەسۋ، باعىپ - قاعۋ قىزمەتىن ويداعىداي ىستەپ، ولاردىڭ نەگىزگى ۇيرەنۋ جانە تۇرمىس قاجەتىن قامتاماسىز ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
