استىق حاۋىپسىزدىگىنە كەپىلدىك ەتۋ زاڭىنىڭ جوباسى ءۇشىنشى رەت قاراۋعا ۇسىنىلدى

اۋىل شارۋاشىلىعىندا ونىمدىلىكتى ارتتىرۋدى، استىق وندىرۋشىلەردىڭ كىرىسىن ارتتىرۋدى ىلگەرىلەتەدى

2023.12.28 13:09 كەلۋ قاينارى : حالىق تورابى

　　14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ جەتىنشى ءماجىلىسى 12 - ايدىڭ 25 - كۇنىنەن 29 - كۇنىنە دەيىن اشىلدى، مۇندا، استىق حاۋىپسىزدىگىنە كەپىلدىك ەتۋ زاڭ جوباسى ءۇشىنشى رەت قاراۋعا ۇسىنىلدى.

　　جوبانىڭ ءۇشىنشى رەت قاراۋعا ۇسىنىلعان نۇسقاسىنداعى استىق وندىرۋشىلەردىڭ كىرىسىنە كەپىلدىك ەتۋ مەحانيزمىندە اۋىل شارۋاشىلىعىنىڭ ونىمدىلىگىن ارتتىرۋ، استىق وندىرۋشىلەردىڭ كىرىسىن ارتتىرۋ ايقىن بەلگىلەنگەن، استىق وندىرۋشىلەردىڭ قوعامداندىرىلعان قىزمەت وتەۋ ورەسىن جوعارىلاتۋ جونىندەگى بەلگىلەمە ارتتىرىلعان.

　　استىق حاۋىپسىزدىگىنە كەپىلدىك ەتۋ زاڭ جوباسىنىڭ ءۇشىنشى رەت قاراۋعا ۇسىنىلاتىن نۇسقاسىندا مىنالار بەلگىلەنگەن: مەملەكەت استىق وندىرۋشىلەردىڭ كىرىسىنە كەپىلدىك ەتۋ مەحانيزمىن كەمەلدەندىرەدى، بازار مەحانيزمىن كەمەلدەندىرۋدى نىسانا ەتە وتىرىپ، اۋىل شارۋاشىلىعىنا قولداۋ كورسەتۋ جانە ونى قورعاۋ جاعىنداعى تۇزىمدەر مەن استىقتىڭ باعاسىن قالىپتاستىرۋ مەحانيزمىن كەمەلدەندىرەدى، اۋىل شارۋاشىلىعىنىڭ ونىمدىلىگىن ارتتىرۋدى، استىق وندىرۋشىلەردىڭ كىرىسىن ارتتىرۋدى ىلگەرىلەتىپ، استىق وندىرۋشىلەردىڭ استىق ءوندىرۋ بەلسەندىلىگىن جەبەيدى. مەملەكەت استىق وندىرۋشىلەرگە ءوندىرىس جۇمىستارى باستالۋدان بۇرىن، ءوندىرىس بارىسىندا، ءوندىرىس جۇمىستارى اياقتالعاننان كەيىن قوعامداندىرىلعان قىزمەت وتەۋ جاعىندا قولداۋ كورسەتەدى، قوعامداندىرىلعان قىزمەت وتەۋ ورەسىن جوعارىلاتىپ، استىقتى ۇيلەسىمدى مولشەردە كولەمدى باسقارۋعا شابىت بەرەدى ءارى وسىعان جەتەلەيدى، استىق وندىرۋشىلەردىڭ شوعىرلى جۇمىس جۇرگىزۋىنە قولداۋ كورسەتەدى. سونىمەن بىرگە، جوبادا استىقتىڭ ساپالىق حاۋىپسىزدىگى جاعىنداعى قاتىستى بەلگىلەمەلەر دە كەمەلدەندىرىلگەن.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved