ج ك پ ورتالىق كوميتەتى «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» باسىپ تاراتتى
2023.12.28 16:52 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 27 - كۇنى، بەيجيڭ. تاياۋدا ج ك پ ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.
ۇقتىرۋدا مىنالار اتاپ كورسەتىلدى: پارتيانىڭ 20 - قۇرىلتايى پارتيانىڭ ءتارتىپ قۇرىلىسىن جاپپاي كۇشەيتۋ جونىندە ستراتەگيالىق ورنالاستىرۋ جاسادى. پارتيا ورتالىق كوميتەتى ءىرى پارتيادا عانا بولاتىن قيىن ماسەلەلەردى شەشۋدى، پارتيانى جاپپاي قاتاڭ جونگە سالۋ جۇيەسىن كەمەلدەندىرۋدى كوزدە ۇستاپ، «ەرەجەگە» وزگەرىس ەنگىزدى.
«ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، پارتيا ۋستاۆى سىندى باس قاينار كوزىنەن باستاپ كىرىسىپ، قاتاڭ نەگىزگى اۋەننەن جازباي، ماسەلەنى نىشان ەتۋ مەن نىسانانى نىشان ەتۋدى ۇشتاستىرۋدا تاباندى بولىپ، داۋىرمەن بىرگە العا باسىپ، ءتارتىپ ولشەمىن كەمەلدەندىرىپ، ساياسي ءتارتىپ پەن ساياسي قاعيدانى اناعۇرلىم قاتايتىپ، ءتۇرلى تارتىپتەردىڭ جاپپاي قاتاڭ بولۋىنا جەتەكشىلىك ەتىپ، ءتارتىپتى بارعان سايىن قاتايتۋدىڭ كۇشتى سيگنالىن تاراتتى، ءتارتىپ قۇرىلىسىنىڭ ۇستىنەن وڭاۋ مەن تۇبىرىنەن وڭاۋدى ۇشتاستىرۋ رولىن ساۋلەلەندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدى پارمەندى ءتارتىپ كەپىلدىگىمەن قامدادى.
ۇقتىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپالارى) پارتيانى جاپپاي قاتاڭ جونگە سالۋ ساياسي جاۋاپكەرلىگىن ارقالاپ، «ەرەجەنى» دايەكتىلەندىرۋدى، اتقارۋدى مۇقيات يگەرىپ، پارتيا تارتىبىنە قايشى ماسەلەلەردى بايقاعان زامان باتىل تەكسەرىپ ءبىر جاقتى ەتىپ، ءتارتىپتىڭ بۇلجىماستىعىن، قاتاڭدىعىن شىنايى قورعاۋ كەرەك. پارتيالىلىقتى، پارتيا ستيلىن، پارتيا ءتارتىبىن قاتار يگەرۋدە تاباندى بولىپ، «ەرەجەنى» پارتيا مۇشەلەرىن، كادرلاردى باۋلۋدا، ءسوزسىز، وقيتىن ساباققا ەنگىزىپ، ەرەجەگە، تارتىپكە بويسۇنۋ سانالىلىعىن كۇشەيتۋ كەرەك. ءتارتىپتى ماڭداي الدى ورىنعا قويۋدا تاباندى بولىپ، ءتارتىپ اتقارۋدىڭ، زاڭ اتقارۋدىڭ ساباقتاسۋىن جەبەپ، ”ءتورت ءتۇرلى فورماتسيادان“ دۇرىس پايدالانىپ، ”ءۇشتى پارىقتاۋدى“ تياناقتاندىرىپ، قاتاڭ باسقارىپ - باقىلاۋ مەن جاۋاپكەرلىك ارقالاۋعا ىنتالاندىرۋدى وسكەلەڭ بىرلىككە كەلتىرۋ كەرەك. ءار دارەجەلى ءتارتىپ تەكسەرۋ كوميتەتتەرى (ءتارتىپ تەكسەرۋ گرۋپپالارى) پارتيا ۋستاۆىندا جۇكتەلگەن قىزمەت جاۋاپكەرلىگىن مۇقيات اتقارىپ، باقىلاۋدى، ءتارتىپ اتقارۋدى، جاۋاپقا تارتۋدى كۇشەيتىپ، كۇرەس جۇرگىزۋگە باتىل بولىپ، ءتارتىپتى قاتاڭ اتقارىپ، ءتارتىپتى دالمە - ءدال اتقارىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ۇزدىكسىز ىلگەرىلەتۋى كەرەك. جەر - جەر، تاراۋلار «ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
