جاڭا جىل مەرەكەسىنىڭ دەمالىسىندا ەلىمىزدىڭ كوپ ءبولىم وڭىرلەرىندە كۇن اشىق نەمەسە بۇلتتى بولادى
2023.12.29 13:16 كەلۋ قاينارى : حالىق تورابى
شينحۋا اگەنتتىگىنىڭ 12 - ايدىڭ 28 - كۇنى بەيجيڭنەن بەرگەن حابارى. ورتالىق اۋا رايى ستانسياسىنىڭ مەجەلەۋىنشە، جاڭا جىل مەرەكەسىنىڭ دەمالىسى مەزگىلىندە (2023 - جىلى 12 - ايدىڭ 30 - كۇنىنەن 2024 - جىلى 1 - ايدىڭ 1 - كۇنىنە دەيىن) ەلىمىز بويىنشا كوپ ءبولىم جەرلەردە اۋا رايى اشىق نەمەسە بۇلتتى بولادى، شينجياڭ مەن شىعىس سولتۇستىكتەگى كەيبىر جەرلەردە قار جاۋادى، وڭتۇستىكتەگى كەيبىر جەرلەردە جاڭبىر جاۋادى.
سۋىق اۋا اعىسىنىڭ ىقپالىنا ۇشىرايتىندىقتان، دەمالىس مەزگىلىندە ەلىمىزدىڭ ورتا - شىعىس بولىگىندەگى كوپ جەرلەردە اۋا تەمپەراتۋراسى 4 گرادۋستان 6 گرادۋسقا دەيىن تومەندەيدى، شىعىس سولتۇستىكتەگى وڭىرلەردىڭ ورتا - شىعىس بولىگى، ىشكى موڭعۇلدىڭ شىعىس - سولتۇستىك بولىگى، چاڭجياڭنىڭ وڭتۇستىگىندەگى وڭىرلەردىڭ سولتۇستىك بولىگى قاتارلى وڭىرلەردىڭ ءىشىنارا جەرلەرىندە تەمپەراتۋرا 8 گرادۋستان استام تومەندەيدى.
جاۋىن - شاشىن جاعدايى: 12 - ايدىڭ 30 - كۇنىنەن 1 - ايدىڭ 1 - كۇنىنە دەيىن، شينجياڭنىڭ سولتۇستىك بولىگىندە از مولشەردەن ورتاشا مولشەرگە دەيىن قار جاۋادى، التاي مەن تيانشان ءوڭىرىنىڭ ءىشىنارا جەرلەرىندە قالىڭ قار جاۋادى؛ مۇنان سىرت، دەمالىستىڭ ءبىرىنشى كۇنىندە سولتۇستىك جۇڭگونىڭ سولتۇستىك بولىگىندە، شىعىس - سولتۇستىك وڭىرلەردە از مولشەردەن ورتاشا مولشەرگە دەيىن قار جاۋادى، لياۋنيڭنىڭ شىعىس بولىگىندەگى ءىشىنارا جەرلەردە ەرەكشە قالىڭ قار دەڭگەيىنە جەتەدى. باتىس - وڭتۇستىكتەگى وڭىرلەردىڭ شىعىس بولىگى، چاڭجياڭنىڭ ورتا- باتىس بولىگى قاتارلى جەرلەردە از مولشەردە جاڭبىر جاۋادى، گۇيجوۋ، گۋاڭشي قاتارلى جەرلەردىڭ ءىشىنارا وڭىرلەرىندە ورتاشا مولشەردەن قالىڭ جاڭبىرعا دەيىن جاۋادى، ءىشىنارا جەرلەردە نوسەر جاۋادى.
اۋا رايى ماماندارىنىڭ ەسكەرتۋىنشە، شينجياڭنىڭ سولتۇستىك بولىگى مەن ىشكى موڭعۇلدىڭ شىعىس بولىگىندە، شىعىس - سولتۇستىكتەگى وڭىرلەردە قار جاۋادى، مۇز قاتۋ، قار ءۇيىلۋ، جولدىڭ تايعاق بولۋى جانە كورىنىم دارەجەسىنىڭ تومەندەۋى قاتارلى جاعدايلار تۋىلۋى مۇمكىن، جۇرتشىلىق سىرتقا شىققاندا قاتىناس حاۋىپسىزدىگىنە كوڭىل بولگەنى ءجون؛ شينجياڭنىڭ سولتۇستىگىندەگى تەڭىز دەڭگەيىنەن بيىك تاۋلى وڭىرلەردە قاسات قار قالىڭداپ، ءىشىنارا جەرلەردە كوشكىن ءتۇسۋ حاۋپى تۋىلادى، ساقتىقتى ارتتىرعان ءجون؛ گۇيجوۋ، گۋاڭشي قاتارلى جەرلەردىڭ ءىشىنارا وڭىرلەرىندە قالىڭ جاڭبىردىڭ سەبەبىنەن قوسالقى اپاتتاردىڭ تۋىلۋىنان ساقتانعان ءجون. مۇنان سىرت، سۋىق اعىستىڭ ىقپالىنا ۇشىراعاندىقتان، ىشكى موڭعۇلدىڭ شىعىس بولىگى، شىعىس - سولتۇستىكتەگى وڭىرلەر قاتارلى جەرلەردە اۋا تەمپەراتۋراسى كورنەكتى تومەندەيدى، جۇرتشىلىقتىڭ اۋا تەمپەراتۋراسىنداعى وزگەرىستەرگە كوڭىل ءبولۋى، سۋىقتان ساقتانۋ شارالارىن ويداعىداي ىستەۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
