ورتالىق اسكەري ىستەر كوميتەتىنىڭ كەڭسەسى «اسكەري مەكتەپتەردىڭ اسكەر وقۋشى قابىلداۋ قىزمەت ءادىسىن» باسىپ تاراتتى
2024.01.18 14:20 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 17 – كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ بەكىتۋىمەن ورتالىق اسكەري ىستەر كوميتەتىنىڭ كەڭسەسى تاياۋدا «اسكەري مەكتەپتەردىڭ اسكەر وقۋشى قابىلداۋ قىزمەت ءادىسىن» باسىپ تاراتتى، 2024 – جىلى 2 – ايدىڭ 1 – كۇنىنەن باستاپ اتقارىلادى.
«ادىستە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر وقۋ - اعارتۋ باعىتىن ىشكەرىلەي دايەكتىلەندىرىپ، نازاردى سوعىسقا دايىندالۋعا، سوعىس جۇرگىزۋگە شوعىرلاندىرىپ، دارىندىلاردىڭ ءوسىپ - جەتىلۋ نەگىزگى زاڭدىلىعىنا بويسۇنىپ، جاۋىنگەرلەردىڭ مادەنيەت ورەسى مەن دارىندى بولۋ سۇرانىسىنداعى جاڭا وزگەرىستەردى تىعىز ارقاۋ ەتىپ، جاڭا جاعداي، جاڭا ءتۇزىلىس جاعدايىندا اسكەري مەكتەپتەردىڭ اسكەر وقۋشى قابىلداۋ شارت - جاعدايى، تىزىمدەلۋ ءتارتىبى، دەنساۋلىعىن تەكسەرۋ، ەمتيحان ۇيىمداستىرۋ، ساياساتتىق ءنومىر قوسۋ، ارحيۆكە الىپ قابىلداۋ، وقۋعا تۇسەردە قايتا تەكسەرۋ سياقتى مازمۇنداردى عىلىمي ارناعا ءتۇسىردى.
«ءادىس» جيىنى 11 تاراۋ 62 تارماقتان قۇرالعان، سوعىس دايىندىعىنا قىزمەت وتەۋ، نەگىزگى ساتىنى كورنەكتىلەندىرۋ، جاپپاي تەكسەرۋ، جان - جاقتى باعالاۋ پرينسيبى بويىنشا، اسكەري ىستەر ساپاسىن باعالاۋ سالىستىرماسىن ارتتىرىپ، اسكەري ىستەر جاتتىعۋىنىڭ جەتەكشىلىك بەتالىسىن كۇشەيتتى؛ اسكەرلىك ٴتىزىمى بار جۇنگۋاندار مەن اسكەري كاسىپتىك – تەحنيكالىق وقۋ – اعارتۋعا وقۋشى قابىلداۋدى بىرىكتىرىپ ۇيىمداستىرىپ، ۇزدىك اسكەرلەردىڭ جەتىلۋ، دارىندى بولۋ ارناسىن كەڭەيتتى؛ ەڭبەك كورسەتىپ سيلانعان، جاپالى، شەت - شالعاي وڭىرلەردەگى وقۋشىلارعا ءنومىر قوسۋ نىساندارىن اشالاپ، قالىڭ جاۋىنگەرلەردى الاڭسىز مىندەت وتەۋگە، ۇزدىك بولۋعا شابىتتاندىردى؛ ەرەكشە جاعدايدا ەمتيحاندى ۇيىمداستىرۋ ءادىسىن ايقىنداپ، ەمتيحان ناتيجەسىن، دەنە قۋاتىن قايتا تەكسەرۋ مەحانيزمىن كەمەلدەندىرىپ، ەمتيحان بەرۋشىلەردىڭ ورىندى ۇقىق - مۇددەسىن قورعادى؛ ەمتيحان الۋ، قابىلداۋ سياقتى ءتۇيىندى بۋىنداردى باسقارۋدى كۇشەيتىپ، ينفورماتسيانى جاريا ۇستاۋ، اۋقىمىن باقىلاۋ - باسقارۋ شارالارىن قاتايتىپ، وقۋشىلاردى جاريا، كىرشىكسىز قابىلداۋعا شىنايى كەپىلدىك ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
