مەملەكەتتىك ساناق مەكەمەسى: جالعاندىق ىستەۋ ساناق سالاسىنداعى ەڭ ۇلكەن شىرىكتەسۋ
2024.01.23 16:13 كەلۋ قاينارى : حالىق تورابى
جۇڭگو اقپارات اگەنتتىگىنىڭ 1 – ايدىڭ 22 – كۇنى بەيجيڭنەن بەرگەن حابارى. جۇڭگو مەملەكەتتىك ساناق مەكەمەسىنىڭ 1 – ايدىڭ 22 - كۇنگى حابارىنا قاراعاندا، مەملەكەتتىك ساناق مەكەمەسىنىڭ قاتىستى جاۋاپتىسى بىرنەشە كۇننىڭ الدىندا ”ساناقتاعى جالعانشىلىقتى“ «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىنىڭ» جازا كولەمىنە ەنگىزۋ تۋرالى تىلشىلەردىڭ سۇراۋىنا جاۋاپ بەرگەندە بىلاي دەدى: ساناقتا جالعاندىق ىستەۋ ساناق سالاسىنداعى ەڭ ۇلكەن شىرىكتەسۋ سانالادى، ساناق زاڭىنا اۋىر قايشىلىق جاساپ، ساناق مالىمەتتەرىنىڭ ساپاسىنا اۋىر ىقپال جاساپ، ماكرولىق شەشىمدەرگە كەدەرگىلىك جاساپ، ءتىپتى جاڭساقتىق تۋدىرىپ، پارتيانىڭ شىندىقتى ءىس جۇزىنەن ىزدەۋ يدەيالىق لۋشيانىنا جانە شىندىققا جۇگىنىپ، ناقتى ءىس ىستەۋ قىزمەت ستيلىنە قايشى كەلىپ، پارتيا مەن ۇكىمەتتىڭ الەۋمەتتىك سەنىمدىلىگىنە زيان جەتكىزەدى.
2023 - جىلى 12 ـ ايدا ج ك پ ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» باسىپ تاراتىپ، ”ساناقتاعى جالعاندىق ىستەۋدى“ پارتيانىڭ قىزمەت تارتىبىنە قايشىلىق جاساۋعا قاتىستى تارماقتارعا ەنگىزدى.
جوعارىدا ايتىلعان جاۋاپتى ادام بىلاي دەدى: ”ساناقتا جالعاندىق ىستەۋ“ «ەرەجە» بويىنشا جازالاۋ كولەمىنە ەنگىزىلدى، تىكەلەي جاۋاپكەرشىلىگى بارلار مەن باسشىلىق جاۋاپكەرشىلىگى بارلارعا ءىستىڭ اۋىر - جەڭىلدىگىنە قاراي ەسكەرتۋ بەرۋ، ءتىپتى پارتيادان شىعارۋ جازاسى بەرىلەدى، بۇل ساناقتاعى جالعاندىق ىستەۋدەن ساقتانۋ، ساناق ساندى مالىمەتتەرىنىڭ ساپاسىن جوعارىلاتۋ، پارتيا ستيلىن، ۇكىمەت ستيلىن دۇرىستاۋ، ساناق ىستەرىنىڭ جوعارى ساپالى دامۋىن جەبەۋدە كەلەلى دە تەرەڭ مانگە يە.
جاۋاپتى ادام تانىستىرىپ بىلاي دەدى: «ەرەجەنىڭ» 139 – تارماعىندا ”ساناقتاعى جالعاندىق ىستەۋ“ سىندى تارتىپكە قايشى ارەكەتتەر ەكى تۇرگە بولىنەدى، ءبىرىنشى ساناقتا جالعاندىق ىستەۋ، ەكىنشى، ساناقتا جالعاندىق ىستەۋدى بايقاماۋ.
ساناق زاڭى مەن «ساناق زاڭىن اتقارۋ ەرەجەسىنە» ساي، ساناقتى جالعاننان جاساۋ ارەكەتىنىڭ باستى بەينەلەرى مىنالار: ساناق قۇرىلىمدارى مەن ساناق قىزمەتكەرلەرى زاڭ بويىنشا جيناعان، رەتتەگەن ساناق ماتەريالدارىنا وزدىگىنەن وزگەرىس ەنگىزۋ؛ ساناق قۇرىلىمدارىنان، ساناق قىزمەتكەرلەرىنەن جانە باسقا دا قۇرىلىمداردان، قىزمەتكەرلەردەن ساناق ماتەريالدارىن جالعاننان جاساۋدى، وزگەرتۋدى تالاپ ەتۋ؛ قىزمەت جاۋاپكەرشىلىگىن زاڭ بويىنشا وتەگەن نەمەسە ساناق زاڭىنا قايشى قىلمىستىق ارەكەتتەردەن باس تارتقان نەمەسە ونى شەكتەگەن ساناق قىزمەتكەرىنە سوققى بەرىپ ءوش الۋ؛ ساناقتىق تەكسەرۋ وبيەكتىسىنىڭ ساناق ماتەريالدارى مەن قامداۋىنا زاڭسىز ارالاسۋ قاتارلىلار.
ساناقتا جالعاندىق ىستەۋ ارەكەتىن بايقاماۋدىڭ باستى بەينەلەرى مىنالار: ءوز جەرىندە، ءوز تاراۋىندا، ءوزى تۇرعان ورىندا كوپ مولشەردە نەمەسە قايتا – قايتا ساناقتا جالعاندىق ىستەۋ، كوز بوياۋشىلىق ىستەۋ جايتتەرى تۋىلعان؛ ءوز جەرىندە، ءوز تاراۋىندا، ءوزى تۇرعان ورىندا ساندى مالىمەتتە شىندىققا جاناسپاعان جاعداي بولعان، بايقالۋعا ءتيىستى بولسا دا بايقالماعان؛ ءوز جەرىندە، ءوز تاراۋىندا، ءوزى تۇرعان ورىندا ساناق ساندى مالىمەتى اۋىر دارەجەدە شىندىققا جاناسپاعان بولسا دا تۇزەتپەۋ قاتارلى جاعدايلار.
ءتارتىپ جاۋاپكەرشىلىگىنەن قاراعاندا، ساناقتا جالعاندىق ىستەۋ جانە ساناقتاعى جالعاندىقتى بايقاماۋ ءىسىنىڭ اۋىر - جەڭىلدىگىنە، سونداي - اق زاردابىنا قاراي، قاتىستى جاۋاپتى ادامعا ەسكەرتۋ بەرۋ ءتىپتى پارتيادان شىعارۋ جازاسى بەرىلەدى.
مەملەكەتتىك ساناق مەكەمەسى ءار دارەجەلى ساناق ورگاندارىنان پارتيا مەن مەملەكەتكە وسكەلەڭ جاۋاپتى بولۋ رۋحى مەن ساناق زاڭ ەرەجەلەرى جانە «ەرەجەدەگى» قاتىستى بەلگىلەمەلەرگە قاتاڭ نەگىزدەلىپ، تارتىپكە، زاڭعا قايشى دەلولاردى قاتتى تەكسەرىپ ءبىر جاقتى ەتۋىن، اسىرەسە باسشى كادرلاردىڭ ساناق قىزمەتىنە ارالاسقاندىعىن، ساناق قىزمەتكەرلەرىنىڭ ساناقتى جالعاننان جاساعانىن جانە مەملەكەت بويىنشا 5 - رەتكى ەكونوميكانى جاپپاي تەكسەرۋگە قاتىناسۋ بارىسىندا تارتىپكە، زاڭعا قايشىلىق جاساۋ ارەكەتتەرىن بايقاپ، ءبىر جاقتى ەتىپ استە ىرقىنا جىبەرمەۋدى قاتاڭ تالاپ ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
