شينجياڭنان ەكى جەر ”جۇڭگونىڭ دەنساۋلىقتى كۇتىمدەۋ كاسىبىن باياندى دامىتۋ قۋاتىنا يە 100 مىقتى اۋداننىڭ“ قاتارىنان ورىن الدى
2024.01.23 16:24 كەلۋ قاينارى : حالىق تورابى
جۋىردا، «جۇڭگو دەنساۋلىقتى كۇتىمدەۋ كاسىبىن دامىتۋ بايانداماسى (2023)» جاريالاندى، شينجياڭداعى اراسان اۋدانى، قۇلجا قالاسى ”جۇڭگونىڭ دەنساۋلىقتى كۇتىمدەۋ كاسىبىن باياندى دامىتۋ قۋاتىنا يە 100 مىقتى اۋداننىڭ“ قاتارىنان ورىن الدى.
جۇڭشان داشۋەسى ساياحات شۋەيۋانىنىڭ ورىنباسار باستىعى حى ماڭ بىلاي دەپ تانىستىردى: شينجياڭنان تاڭدالعان ەكى جەر سۋ رايى، بيولوگيا، جەر جىلۋى، اۋىل شارۋاشىلىعى، مادەنيەت، كليمات بايلىعىندا وزگەشە باسىمدىققا يە. ”تابيعات جانە ادامزات وركەنيەتى، دەنساۋلىق ساقتاۋ فاكتورلارى تولىق، ورتا، جاراتىلىستىق بايلىق جانە گۋمانيتارلىق ورتا جاعىندا وراسان زور كۇتىنۋ كاسىبىنىڭ باياندى دامۋ كومەسكى كۇشى بار.“ حى ماڭ بىلاي دەدى: بولاشاقتا ەكى جەر دەنساۋلىقتى كۇتىمدەۋ مەن ەمدەۋ، ساياحات، مادەنيەت، اۋىل شارۋاشىلىعى، قورا ـ جاي سياقتى كاسىپتەردىڭ ىشكەرىلەي توعىسا دامۋىن ىلگەرىلەتىپ، كەمەلدى دەنساۋلىقتى كۇتىمدەۋ كاسىبى جۇيەسىن قالىپتاستىرادى.
اراسان اۋدانىنىڭ سۋ رايى بايلىعى، جەر جىلۋى بايلىعى، ەكولوگيالىق بايلىعى جاقسى، ”جۇڭگونىڭ تابيعي وتتەگى باررى“ دەگەن اتاعى بار. قازىرگى ”اراسان“ كاسىبى مەن ءتۇيىندى كورىنىس وڭىرلەرىنە سۇيەنىپ، ەرەكشە تاماشا ەكولوگيالىق ورتا مەن كليمات شارت ـ جاعدايىنا سۇيەنىپ، كۇتىنۋ، دەمالىس وتكىزۋدى دامۋ بەتالىسى ەتىپ، كۇتىنۋ ساياحاتى، ەكولوگيالىق ساياحات، اراسان سەيىل ـ سەرۋەنى، مادەنيەت كەشىرمەلەرى، دالالىق سپورت، ەكولوگيانى زەرتتەۋ سياقتى ەرەكشە ساياحات ماركالارىن ءتۇيىندى تۇردە ىلگەرىلەتىپ، اراسان سەيىل ـ سەرۋەن ساياحاتىن قوزعاۋشى ەتكەن كۇتىنۋ كاسىبىن كۇش سالا دامىتىپ، كۇتىنۋ كاسىبىن اۋدان وڭىرىندەگى ستراتەگيالىق تىرەكتى كاسىپ ەتەدى.
قۇلجا قالاسى ”قالا ءارى ساياحات“ سىندى تۇتاس وڭىرلىك ساياحاتتى دامىتۋ وي جەلىسىنە تاباندى بولىپ، وزەن بويىنداعى جاراتىلىستىق كورىنىستەرگە سۇيەنىپ، ”جاسىل“، ”سۋ“، ”ارەكەت“، ”تىنىش“ سياقتى فورمالارمەن جاراتىلىستىق ەكولوگيا، قالا قۇرىلىسى، ۇلتتىق سالت ـ سانا مادەنيەتى، سەيىل ـ سەرۋەن، دەمالىس سياقتىلاردى ءبىر تۇلعالاندىردى. كەڭىستىك جۇيەسىن ساپالىلاندىرىپ، ەكولوگيا مەن مادەنيەت قۇنى، تابيعات جانە گۋمانيتارلىق ساياحات بايلىعىن اشىپ، وزگەشە كۇتىنۋ ساياحاتى نىسانالى جەرىن قالىپتاستىردى.
تاياۋ جىلداردان بەرى دەنساۋلىقتى كۇتىمدەۋ كاسىبىنىڭ دامۋى ”التىن داۋىرگە“ تۋرا كەلدى. دەنساۋلىقتى كۇتىمدەۋدىڭ كوك تىستى كىتابىن قۇراستىرۋ كوميتەتى مەن توبى ەلىمىزدەگى 330 ايماق دارەجەلى قالا مەن 2800 اۋداندى (اۋدان دارەجەلى قالانى، قالاعا قاراستى رايوندى قامتيدى) ارالاپ ماتەريال جيناپ جانە ناق مايداندا احۋال ۇعىسىپ، ەل ىشىندەگى جەر - جەردىڭ كۇتىنۋ جاعدايىن ۇزدىكسىز تەكسەردى. وسى رەت ولار وتكەن بىرنەشە جىلداعى قىزمەت قورىندا كۇتىنۋ ساياساتىنىڭ ساندى مالىمەت قامباسىن، كۇتىنۋ كاسىپورىندارىنىڭ ساندى مالىمەت قامباسىن جانە نىسان قامباسىن جاڭالادى ءارى ەڭ جاڭا ”جۇڭگونىڭ دەنساۋلىقتى كۇتىمدەۋ ولشەمى ساندى مالىمەت قامباسىن“ قۇردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
