شي جينپيڭ يۇننان جاۋتۇڭ قالاسى جىنشيۇڭ اۋدانىندا تۋىلعان تاۋ كوشكىنى جونىندە ماڭىزدى نۇسقاۋ بەردى
دەرەكسىز كەتكەندەردى بار كۇشپەن ىزدەپ، قۇتقارىپ، قوسالقى اپاتتىڭ تۋىلۋىنان ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋدى تالاپ ەتتى
لي چياڭ بەكىتۋ جازدى
2024.01.23 16:58 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 22 - كۇنى، بەيجيڭ. 1 - ايدىڭ 22 - كۇنى ساعات 6 مولشەرىندە يۇننان جاۋتۇڭ قالاسى جىنشيۇڭ اۋدانى تاڭفاڭ قالاشىعى لياڭشۇي قىستاعىندا تاۋ كوشكىنى ءتۇسىپ، 18 وتباسىنىڭ ءۇيى كومىلىپ، 47 ادام دەرەكسىز كەتتى.
اپات تۋىلعاننان كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ، مىنانى تالاپ ەتتى: قۇتقارۋ - كومەكتەسۋ كۇشتەرىن جەدەل ۇيىمداستىرىپ، دەرەكسىز كەتكەندەردى بار كۇشپەن ىزدەپ - قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك. باقىلاۋ - تەكسەرۋدى، ساقتاندىرۋدى كۇشەيتىپ، عىلمي ىزدەۋ - قۇتقارۋدى كۇشەيتىپ، قوسالقى اپاتتاردىڭ تۋىلۋىنان ساقتانۋ كەرەك. قازا بولعانداردىڭ وتباسىنداعىلاردى جۇباتۋ جانە اپاتقا ۇشىراعان بۇقارانى ورنالاستىرۋ سياقتى قىزمەتتەردى ۇيلەسىمدى جاقسى ىستەۋ كەرەك. شي جينپيڭ مىنالاردى دارىپتەدى: كوكتەم مەرەكەسى تاياپ قالدى، سۋىق اعىس اۋا رايىنىڭ ىقپالى قاباتتاسىپ، جاراتىلىستىق اپات، قاتىناس شىرعالاڭى، ءوندىرىس حاۋىپسىزدىگى شىرعالاڭى سياقتىلار وڭاي، كوپ تۋىلۋدا، جەر - جەر جانە قاتىستى تاراۋلار حاۋىپ - قاتەر كومەسكى قاتەرىن ءجىتى قاداعالاپ، ءار جاقتىڭ جاۋاپكەرلىگىن ناقتىلاندىرىپ، قىزمەتتى تياناقتاندىرۋدى مىقتى يگەرىپ، اۋىر ءولىم - ءجىتىم وقيعالارىنىڭ تۋىلۋىنان ساقتانىپ جانە ونى تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنانى تالاپ ەتتى: قاتەردەن اراشالاۋ، قۇتقارۋ قىزمەتىن بار كۇشپەن ۇيىمداستىرىپ، ۋاقىتتى ۇتىپ، دەرەكسىز كەتكەندەردى ىزدەپ، قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋ، سونىمەن بىرگە توڭىرەكتەگى گەولوگيالىق اپاتتاردىڭ كومەسكى قاتەرىن ەگجەي - تەگجەيلى تەكسەرىپ، حاۋىپ - قاتەردى باقىلاۋ - تەكسەرۋدى، ساقتاندىرۋدى كۇشەيتىپ، قوسالقى اپاتتاردان قاتاڭ ساقتانۋ كەرەك. وقيعا تۋىلعان جەر ءۇستىرتتى سۋىق تاۋلى رايونعا جانە ۇلتتىق وڭىرگە جاتادى، حاۋىپكە ۇشىراعان بۇقارانى تەزدەن جوتكەپ، ورنالاستىرۋ قىزمەتىن ۇيلەسىمدى جاقسى ىستەپ، بۇقارانىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتىپ، قوعامدىق جالپى جاعدايدىڭ ورنىقتىلىعىن قورعاۋ كەرەك.
شي جينپيڭنىڭ نۇسقاۋى مەن لي چياڭنىڭ تالابىنا ساي، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ قىزمەت گرۋپپاسىن باستاپ يۇننانعا بارىپ ىزدەۋ - قۇتقارۋ قىزمەتىنە جەتەكشىلىك ەتتى، جاراتىلىستىق بايلىق مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى شۇعىل جاعدايعا توتەپ بەرۋ ۇندەۋىن ىسكە قوستى، يۇننان ولكەسى، جاۋتۇڭ قالاسى كۇش ۇيىمداستىرىپ، قۇتقارۋ - كومەكتەسۋ قىزمەتىن ورىستەتتى.
قازىر ءتۇرلى قىزمەت قاربالاس، ءتارتىپتى جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
