حان جىڭ انگليا حۇيفىڭ توبىنىڭ ءتوراعاسى دۋ جياچيمەن كەزدەستى
2024.01.23 17:12 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 22 - كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 1 - ايدىڭ 22 - كۇنى بەيجيڭدە انگليا حۇيفىڭ توبىنىڭ ءتوراعاسى دۋ جياچيمەن كەزدەستى.
حان جىڭ مىنانى ءبىلدىردى: جۇڭگو ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتىپ، جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتىپ، ەرەجە، بەلگىلەمە، باسقارۋ جانە ولشەم سياقتى تۇزىمدىك ەسىك اشۋدى ماڭىزدى ءتۇيىن ەتىپ، فينانستا جوعارى دەڭگەيدەگى سىرتقا ەسىك اشۋدى ىلگەرىلەتەدى. حۇيفىڭ توبى سياقتى حالىقارالىق فينانس قۇرىلىمدارىنىڭ جۇڭگونىڭ فينانس سالاسىنداعى رەفورما جاساپ، ەسىك اشۋعا ۇزدىكسىز بەلسەنە ات سالىسىپ، جۇڭگودا اناعۇرلىم جاقسى دامۋدى جۇزەگە اسىرۋىن قارسى الامىز. جۇڭگو ورتالىق ۇكىمەتى شياڭگاڭ ەرەكشە اكىمشىلىك رايونى ۇكىمەتىنىڭ حالىقارالىق فينانس ورتالىعى قۇرىلىسىن ىلگەرىلەتۋىن بار كۇشپەن قولدايدى، حۇيفىڭ توبىنىڭ ءوز ابزالدىعىنان ويداعىداي پايدالانىپ، جۇڭگومەن ءوزارا ءتيىمدى سەلبەستىكتى تەرەڭدەتىپ، شياڭگاڭنىڭ حالىقارالىق فينانس ورتالىعى ورنىن بەكەمدەۋگە، جوعارىلاتۋعا تىڭ ۇلەس قوسۋىن ءۇمىت ەتەدى.
دۋ جياچي جۇڭگونىڭ ەكونوميكالىق، قوعامدىق دامۋ جەتىستىكتەرىن ايرىقشا القاپ، مىنانى ءبىلدىردى: حۇيفىڭ توبىنىڭ جۇڭگوعا قارجى قوسۋ سەنىمى بەرىك، الدا جۇڭگونىڭ ساپالى دامۋى مەن جوعارى دەڭگەيدە سىرتقا ەسىك اشۋىنا بەلسەنە ات سالىسىپ، شياڭگاڭنىڭ حالىقارالىق فينانس ورتالىعى قۇرىلىسىن قولداپ، انگليا مەن جۇڭگونىڭ ءوزارا ءتيىمدى سەلبەستىگىنىڭ اناعۇرلىم كوپ تابىستارعا قول جەتكىزۋىن ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
