لي چياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2024.01.23 17:08 كەلۋ قاينارى : حالىق تورابى
اۋىل - قىستاقتى گۇلدەندىرۋدى جاپپاي ىلگەرىلەتۋگە قاتىستى شارالار زەرتتەلىپ، «جەدەل جەتكىزۋ كاسىبىنىڭ ساپالى دامۋىن جەبەۋ جونىندەگى جەتەكشى پىكىر» قاراپ ماقۇلدانىپ، جاساندى زەردە ارقىلى جاڭاشا ونەركاسىپتەندىرۋدى جەبەۋگە قاتىستى قىزمەتتەر اقىلداسىپ ورنالاستىرىلىپ، كاپيتال بازارىنىڭ اينالىم احۋالى جانە قىزمەت ويى جونىندەگى مالىمەت تىڭدالىپ، «جۇڭحۋا حالىق رەسپۋبليكاسىنىڭ اتوم ەنەرگياسى زاڭى (جوبا)» مەن «جۇڭحۋا حالىق رەسپۋبليكاسىنىڭ زاڭسىز اقشانى زاڭداندىرۋعا قارسى تۇرۋ زاڭى (وزگەرىس ەنگىزىلگەن نۇسقاسى)» تالقىلاندى
شينحۋا اگەنتتىگى، 1 - ايدىڭ 22 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 1 - ايدىڭ 22 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە اۋىل - قىستاقتى گۇلدەندىرۋدى جاپپاي ىلگەرىلەتۋگە قاتىستى شارالار زەرتتەلىپ، «جەدەل جەتكىزۋ كاسىبىنىڭ ساپالى دامۋىن جەبەۋ جونىندەگى جەتەكشى پىكىر» قاراپ ماقۇلدانىپ، جاساندى زەردە ارقىلى جاڭاشا ونەركاسىپتەندىرۋدى جەبەۋگە قاتىستى قىزمەتتەر اقىلداسىپ ورنالاستىرىلىپ، كاپيتال بازارىنىڭ اينالىم احۋالى جانە قىزمەت ويى جونىندەگى مالىمەت تىڭدالىپ، «جۇڭحۋا حالىق رەسپۋبليكاسىنىڭ اتوم ەنەرگياسى زاڭى (جوبا)» مەن «جۇڭحۋا حالىق رەسپۋبليكاسىنىڭ زاڭسىز اقشانى زاڭداندىرۋعا قارسى تۇرۋ زاڭى (وزگەرىس ەنگىزىلگەن نۇسقاسى)» تالقىلاندى.
ماجىلىستە مىنالار دارىپتەلدى: اۋىل - قىستاقتى جاپپاي گۇلدەندىرۋدى ىلگەرىلەتۋ − جاڭا ءداۋىردىڭ جاڭا جورىعىنداعى اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تۇتقاسى. اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەسىن ۇيرەنىپ جانە ودان پايدالانىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتىپ، جۇڭگو ۇلگىسىندەگى وسىزامانداندىرۋ قۇرىلىسىن اناعۇرلىم ويداعىداي ىلگەرىلەتۋ كەرەك. اۋىل شارۋاشىلىعىن، اۋىل - قىستاقتى الدىمەن دامىتۋدا تاباندى بولىپ، وسى زامانعى اۋىل شارۋاشىلىعى قۇرىلىسىن جەدەلدەتىپ، استىق حاۋىپسىزدىگى نەگىزىن جان - جاقتى بەكەمدەپ، شارۋالار كىرىسىنىڭ ءبىرشاما تەز ارتۋىن ءتۇرلى جولدارمەن جەبەۋ كەرەك. شارۋالاردىڭ نەگىزگى تۇلعالىق ورنىندا تاباندى بولىپ، اۋىل - قىستاق دارىندىلارىن كۇش سالا جەتىلدىرىپ، ءتۇرلى دارىندىلاردى اۋىل - قىستاقتى كوركەيتۋگە ات سالىسۋعا باۋراۋ كەرەك. اۋىل - قىستاق ەكولوگيالىق وركەنيەت قۇرىلىسىن ىشكەرىلەي ىلگەرىلەتىپ، دامۋ تاسىلىنسە جاسىلعا بۇرىلىس جاساۋدى جەدەلدەتىپ، قونىستانۋعا، كاسىپكە قولايلى، كورىكتى اۋىل - قىستاق قۇرۋ كەرەك.
ماجىلىستە مىنالار اتاپ كورسەتىلدى: تاياۋ جىلداردان بەرى جەدەل جەتكىزۋ كاسىبى تەز دامىپ، تۇتىنۋدى جەبەۋ، حالىق تۇرمىسىن قامتاماسىز ەتۋ، جۇمىستاندىرۋدى كەڭەيتۋ سياقتى جاقتاردا بارعان سايىن ماڭىزدى رول اتقارۋدا. شابىتتاندىرۋدى، جەتەكتەۋدى كۇشەيتىپ، تاماشا شارۋاشىلىق - ساۋدا ورتاسىن قالىپتاستىرىپ، كاسىپ سالاسىنىڭ دامۋ دەڭگەيىن جانە تىرەكتىك جەتەكتەۋ قابىلەتىن جوعارىلاتۋ كەرەك. كاسىپورىنداردى ازىق - تۇلىك حاۋىپسىزدىگى، جەتكىزۋ حاۋىپسىزدىگى سياقتى تومەنگى شەكتى ويداعىداي ساقتاۋعا قۋزاپ، ەڭبەكشىلەردىڭ ۇقىق - مۇددەسىن قامتاماسىز ەتۋدى كۇشەيتىپ، كاسىپورىنداردىڭ ەرەجەگە ۇيلەسىمدى تيجارات جۇرگىزۋ وزىندىك قۇنىن تومەندەتۋدى ىلگەرىلەتۋ كەرەك.
ماجىلىستە مىنالار دارىپتەلدى: ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاپ، جاساندى زەردە مەن جاساۋ كاسىبىنىڭ تەرەڭدەي توعىسۋىن نەگىزگى جەلى، زەردەلى جاساۋدى نەگىزگى قامال الۋ بەتالىسى، جالپىلىق پايدالانۋدى جەتەكشى ەتىپ، ءتۇيىندى كاسىپ سالالارىنىڭ زەردەلىلەنۋ دارەجەسىن جوعارىلاتۋدى جەدەلدەتىپ، زەردەلى ونىمدەردى زور كۇشپەن دامىتىپ، جوعارى دەڭگەيدە ەنەرگيا شىعاراتىن ونەركاسىپتىك جاساۋ جۇيەسىن، جاڭا وندىرگىش كۇشتەردى جەدەل قالىپتاستىرىپ، جاساۋ كاسىبىندە قۋاتتى ەل بولۋعا، ينتەرنەتتە قۋاتتى ەل بولۋعا جانە سيفرلى جۇڭگو قۇرىلىسىنا پارمەندى تىرەك ازىرلەۋ كەرەك.
ماجىلىستە مىنالار دارىپتەلدى: كاپيتال بازارىنىڭ نەگىزدىك ءتۇزىمىن اناعۇرلىم اقاۋسىزداندىرىپ جانە كەمەلدەندىرىپ، قارجى قوسۋدىڭ، قارجى قۇراۋدىڭ اۋقىمدىق تەپە - تەڭدىگىنە اناعۇرلىم ءمان بەرىپ، بازارعا شىعارىلعان سەرىكتەستىكتەردىڭ ساپاسى مەن قارجى قوسۋ قۇنىن كۇش سالا جوعارىلاتىپ، ورتا، ۇزاق مەرزىمدىك قارجىنىڭ بازارعا كىرۋ تەبىنىن ارتتىرىپ، بازاردىڭ ىشكى ورنىقتىلىعىن كۇشەيتۋ كەرەك. كاپيتال بازارىن باقىلاۋ - باسقارۋدى كۇشەيتىپ، زاڭعا، بەلگىلەمەگە قايشى ارەكەتتەرگە باتىل قارسى تۇرىپ، جۇيەلى، جاريالى بازار ورتاسىن قالىپتاستىرۋ كەرەك. اناعۇرلىم پارمەندى، ءونىمدى شارالار قولدانىپ، بازاردى، سەنىمدى ورنىقتىرۋعا كۇش سالۋ كەرەك. ماكرولىق ساياسات بەتالىسىنىڭ بىردەيلىگىن كۇشەيتىپ، ساياسات قۇرالدارىندا جاڭالىق اشۋدى، سايكەسۋدى، سەلبەسۋدى كۇشەيتىپ، ەكونوميكانىڭ قايتا جاندانۋ جاعدايىن بەكەمدەپ جانە كۇشەيتىپ، كاپيتال بازارىنىڭ ورنىقتى، اقاۋسىز دامۋىن جەبەۋ كەرەك.
ماجىلىستە «جۇڭحۋا حالىق رەسپۋبليكاسىنىڭ اتوم ەنەرگياسى زاڭى (جوبا)» مەن «جۇڭحۋا حالىق رەسپۋبليكاسىنىڭ زاڭسىز اقشانى زاڭداندىرۋعا قارسى تۇرۋ زاڭىن (وزگەرىس ەنگىزىلگەن نۇسقاسى)» مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋ ۇيعارىلدى.
ماجىلىستە باسقا ىستەر دە زەرتتەلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
