بۇكىل ەل بويىنشا جىلىجاي گازىن ءوز ەركىمەن ازايتۋ ساۋدا بازارى ىسكە قوسىلدى
ديڭ شۋەشياڭ ىسكە قوسۋ سالتىنا قاتىناستى
2024.01.23 17:11 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 22 - كۇنى، بەيجيڭ. بۇكىل ەل بويىنشا جىلىجاي گازىن ءوز ەركىمەن ازايتۋ ساۋدا بازارىنىڭ ىسكە قوسىلۋ سالتى 1 - ايدىڭ 22 - كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ قيمىلعا قاتىناسىپ، بۇكىل ەل بويىنشا جىلىجاي گازىن ءوز ەركىمەن ازايتۋ ساۋدا بازارىنىڭ ىسكە قوسىلعانىن جاريالادى.
ىسكە قوسۋ سالتىندا ديڭ شۋەشياڭ كوپشىلىكپەن بىرگە بۇكىل ەلدەگى جىلىجاي گازىنىڭ شىعارىلۋىن ءوز ەركىمەن ازايتۋ ساۋدا بازارى قۇرىلىسىنىڭ جاعدايى جونىندەگى تاقىرىپتىق فيلم مەن بازار ساۋداسىنىڭ ناقتى جاعدايىن بىرگە كوردى. ەكولوگيالىق ورتا مينيسترلىگىنىڭ، بازار باقىلاۋ - باسقارۋ باس مەكەمەسىنىڭ، بەيجيڭ قالالىق حالىق ۇكىمەتىنىڭ قاتىستى جاۋاپتى جولداستارى ىلگەرىندى - كەيىندى ءسوز سويلەدى. حىبەي سايحانبا ماشينالى ورمان الاڭى، جۇڭگو گۋاڭشي يادرو توبى شەكتى سەرىكتەستىگى، مەملەكەتتىك ەلەكتر قۋاتى قارجى قوسۋ توبى شەكتى سەرىكتەستىگى، جاراتىلىستىق بايلىق مينيسترلىگى 3 - تەڭىز - مۇحيت زەرتتەۋ ورنى سياقتى 4 نىسان اشۋ ورنىنىڭ جاۋاپتىلارى ءوز ەركىمەن لاس زاتتاردىڭ شىعارىلۋىن ازايتۋ نىسانىن اشۋ جانە لاس زاتتاردىڭ شىعارىلۋىن ازايتۋ مولشەرىن ساۋدالاۋ ەرەجەسىنە ۇيلەسۋ باستاماسىنا قول قويدى. قاتىستى تاراۋلار مەن جەرگىلىكتى ورىنداردىڭ جاۋاپتى جولداستارى، كومىر قىشقىل گازىن شىعارۋ ساۋدا قۇرىلىمدارىنىڭ ۋاكىلدەرى ىسكە قوسۋ سالتىنا قاتىناستى.
بۇكىل ەل بويىنشا جىلىجاي گازىن ءوز ەركىمەن ىعىستىرۋدى ازايتۋ ساۋدا بازارىن قۇرۋ − تۇتاس قوعامدىق كۇشتەردى جىلىجاي گازىن ىعىستىرۋدى ازايتۋ ارەكەتىنە بىرگە ات سالىسۋعا جۇمىلدىرۋداعى تۇزىمدىك جاڭالىق، ول زورلىقتى كومىر قىشقىل گازى بازارى مەن ەرىكتى كومىر قىشقىل گازى بازارى ءبىرىن - ءبىرى تولىقتاپ، ۇشتاسىپ، ۇلاسىپ – تۇتاسقان مەملەكەتتىك كومىر قىشقىل گازى بازار جۇيەسىن قالىپتاستىرۋدى ىلگەرىلەتۋگە ءتيىمدى، كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا دەم بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
