جاڭ گوچيڭ يۇنناننىڭ جاۋتۇڭ قالاسىنا بارىپ، جەر كوشكىنى اپاتى تۋىلعان ناق مايدانداعى ىزدەۋ - قۇتقارۋ جانە شۇعىل جاعدايعا توتەپ بەرۋ، ءبىر جاقتى ەتۋ قىزمەتىنە جەتەكشىلىك ەتكەندە مىنانى دارىپتەدى
دەرەكسىز كەتكەندەردى بار كۇشپەن ىزدەپ، قۇتقارىپ، قوسالقى اپاتتاردان قاتاڭ ساقتانىپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك
2024.01.23 17:14 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 22 – كۇنى، كۇنميڭ. باس شۋجي شي جينپيڭنىڭ ماڭىزدى نۇسقاۋى مەن لي چياڭ زۇڭليدىڭ تالابىنا ساي، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ قىزمەت گرۋپپاسىن باستاپ 1 - ايدىڭ 22 - كۇنى تۇستە يۇنناننىڭ جاۋتۇڭ قالاسىنا شۇعىل بارىپ، تاۋ كوشكىنى اپاتى تۋىلعان ناق مايدانداعى ىزدەۋ - قۇتقارۋ جانە شۇعىل جاعدايعا توتەپ بەرۋ، ءبىر جاقتى ەتۋ قىزمەتىنە جەتەكشىلىك ەتتى.
جاڭ گوچيڭ سول جەرگە بارعاننان كەيىن، جىنشيۇڭ اۋدانى تاڭفاڭ قالاشىعى لياڭشۇي قىستاعىنداعى اپات تۋىلعان جەرگە تىكە بارىپ، اپاتقا ۇشىراۋ جاعدايىن ناق مايداندا تەكسەرىپ، قۇتقارۋ اياق الىسىن ەگجەي - تەگجەيلى ۇعىسىپ، قاتىستى جاقتارمەن بىرگە قۇتقارۋ جوباسى مەن كۇش - قۋاتتىڭ ورنالاستىرۋىن ساپالىلاندىرۋدى اقىلداستى، ىلە - شالا جىنشيۇڭ اۋداندىق حالىق شيپاحاناسىنا، بۇقارانى باسقا جەرگە جوتكەپ ورنالاستىرۋ تۇيىنىنە كەلىپ، پارتيا ورتالىق كوميتەتى، مەملەكەتتىك كەڭەس اتىنان جارالانعانداردان جانە جوتكەپ ورنالاستىرىلعان بۇقارادان حال سۇرادى. سول كۇنى كەشتە جاڭ گوچيڭ ءماجىلىستى باسقارىپ اشىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە لي چياڭ زۇڭليدىڭ بەكىتۋىنىڭ تالابىن جەتكىزىپ، كەلەسى قادامداعى قاتەردەن اراشالاۋ، قۇتقارۋ قىزمەتىن اقىلداسىپ ورنالاستىردى. ول مىنالاردى اتاپ كورسەتتى: باس شۋجي شي جينپيڭ اپاتقا ۇشىراعان بۇقارانىڭ اماندىعىنا ايرىقشا كوڭىل ءبولىپ، دەرەكسىز كەتكەندەردى بار كۇشپەن ىزدەۋ، قۇتقارۋ، قوسالقى اپاتتىڭ تۋىلۋىنان ساقتانۋ، قازا بولعانداردىڭ وتباسىنداعىلاردى جۇباتۋ جانە اپاتقا ۇشىراعان بۇقارانى ورنالاستىرۋ، اۋىر ءولىم - ءجىتىم وقيعالارىن تەجەۋ سياقتىلار جونىندە دەرەۋ ماڭىزدى نۇسقاۋ بەردى. لي چياڭ زۇڭلي بەكىتۋ جازىپ، قۇتقارۋ، ءبىر جاقتى ەتۋ قىزمەتى جونىندە ايقىن تالاپ قويدى. يۇننان ولكەسى مەن قاتىستى جاقتار باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە لي چياڭ زۇڭليدىڭ تالابىن باتىل دايەكتىلەندىرىپ، تياناقتاندىرىپ، ادامدى قۇتقارۋدى ءبىرىنشى ورىنعا قويۋدا تاباندى بولىپ، ۋاقىتتى ۇتىپ، دەرەكسىز كەتكەندەردى ىزدەپ، قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋى كەرەك.
جاڭ گوچيڭ مىنالاردى دارىپتەدى: اپات تۋىلعان جەردىڭ جەر بەدەرى كۇردەلى، قۇتقارۋ كەڭىستىگى شەكتى، توڭىرەگىندەگى تاۋلاردا ءالى دە قۇلاۋ قاتەرى بار، كاسىپتىك قۇتقارۋ جابدىقتارى مەن وزىق باقىلاۋ - تەكسەرۋ جابدىقتارىنىڭ رولىن تولىق ساۋلەلەندىرىپ، كاسىپتىك قۇتقارۋ - كومەكتەسۋ كۇشتەرىن عىلمي ورنالاستىرىپ، قۇتقارۋ - كومەكتەسۋ حاۋىپسىزدىگىن قامتاماسىز ەتىپ، ىزدەۋ - قۇتقارۋ اياق الىسىن بار كۇشپەن جەدەلدەتۋ كەرەك. ناق مايدان توڭىرەگىندەگى گەولوگيالىق اپاتتاردىڭ حاۋىپ - قاتەرىن 24 ساعات ۇزدىكسىز باقىلاپ - ولشەپ، ساقتاندىرىپ، قۇتقارۋ بارىسىندا قوسالقى اپاتتاردىڭ تۋىلۋىنان قاتاڭ ساقتانۋ كەرەك. جارالانعان بۇقارانى دەن قويا ەمدەپ، جارالانۋ سەبەبىنەن مۇگەدەك بولۋدى مۇمكىندىكتىڭ بارىنشا ازايتۋ كەرەك. قازا بولعاندار مەن دەرەكسىز كەتكەندەردىڭ ءۇي ىشىندەگىلەردى جۇباتۋدى ويداعىداي ىستەپ، بۇقارانى جوتكەپ ورنالاستىرۋداعى نەگىزگى تۇرمىستى قامتاماسىز ەتۋ كەرەك. ول مىنالاردى دارىپتەدى: قازىرگى سۋىق اعىس سياقتى اۋا رايىنىڭ ىقپالىنان ءتۇرلى اپات، شىرعالاڭ وڭاي تۋىلادى، جەر - جەر، قاتىستى جاقتار قىسقى اپات، شىرعالاڭ ەرەكشەلىگىنە باعىتتاي وتىرىپ، حاۋىپ - قاتەر كومەسكى قاتەرىن قاداعالاپ، ءار جاقتىڭ جاۋاپكەرلىگىن ناقتىلاندىرىپ، حاۋىپسىزدىك ساقتىعى جاۋاپكەرلىك شارالارىن نەگىزگى ساتىنىڭ سوڭىنا دەيىن شىنايى تياناقتاندىرىپ، حاۋىپ - قاتەر كومەسكى قاتەرى تۇيىندەرىندە تياناقتاندىرىپ، وسكەلەڭ جاۋاپكەرلىك سەزىممەن جانە پارمەندى شارالارمەن اۋىر ءولىم - ءجىتىم وقيعالارىنىڭ تۋىلۋىنان باتىل ساقتانۋى جانە ونى تەجەۋى، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىزداندىرۋى كەرەك.
قازىر ناق مايداندا ىزدەۋ - قۇتقارۋ، سوڭعى جۇمىستاردى ىڭعايلاستىرۋ سياقتى قىزمەتتەر قاربالاس، ءتارتىپتى جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
